ಅಕ್ಟೋಬರ್ 1 ರಿಂದ ಹೊಸ ಹೊಸ ನಿಯಮಗಳು! ಇಲ್ಲಿದೆ ಬಿಗ್ ಅಪ್ಡೇಟ್

ಅಕ್ಟೋಬರ್ 1ರಿಂದ ಭಾರತದಲ್ಲಿ ಕೆಲವು ಪ್ರಮುಖ ಹಣಕಾಸು ನಿಯಮಗಳಲ್ಲಿ ಬದಲಾವಣೆಗಳಿವೆ. ಈ ನಿಯಮಗಳು ನೇರ ಅಥವಾ ಪರೋಕ್ಷವಾಗಿ ಎಲ್ಲಾ ನಾಗರಿಕರ ಜೀವನದ ಮೇಲೆ ಪರಿಣಾಮ ಬೀರುತ್ತವೆ.

ನ್ಯಾಷನಲ್ ಪೆನ್ಷನ್ ಸಿಸ್ಟಮ್

ಇದೇ ದಿನದಿಂದ ನ್ಯಾಷನಲ್ ಪೆನ್ಷನ್ ಸಿಸ್ಟಮ್‌ನಲ್ಲಿ (NPS) ಮುಖ್ಯ ಬದಲಾವಣೆ ಆಗಲಿದೆ. ಈಗಿನಿಂದ NPS ಚಂದಾದಾರರು 100% ಹೂಡಿಕೆಗಳನ್ನು ಈಕ್ವಿಟಿಗಳಲ್ಲಿ ಮಾಡಬಹುದು. ಹಿಂದಿನಂತೆ, ಗವರ್ನೆಮೆಂಟ್ ಹೊರಗಿನ ಚಂದಾದಾರರಿಗೆ ಈಕ್ವಿಟಿ ಹೂಡಿಕೆ ಮಿತಿಯು 75% ಮಾತ್ರವಿತ್ತು.

ಗ್ಯಾಸ್ ದರ ಬದಲಾವಣೆ

ಅಕ್ಟೋಬರ್ 1 ರಿಂದ ಎಲ್‌ಪಿಜಿ ಸಿಲಿಂಡರ್ ಬೆಲೆಗಳು ಬದಲಾಗಲಿವೆ. ತೈಲ ಮಾರುಕಟ್ಟೆ ಕಂಪನಿಗಳು ಪ್ರತಿ ತಿಂಗಳ 1 ನೇ ತಾರೀಖಿನಂದು 19 ಕೆಜಿ ವಾಣಿಜ್ಯ ಗ್ಯಾಸ್ ಸಿಲಿಂಡರ್‌ಗಳ ಬೆಲೆಗಳನ್ನು ಬದಲಾಯಿಸುತ್ತವೆ. ಅದರಂತೆ, ಬೆಲೆಗಳು 1 ರಿಂದ ಬದಲಾಗಲಿವೆ.

ಯುಪಿಐ ಪಾವತಿಗಳ ನಿಯಮ

ಅಕ್ಟೋಬರ್ 1ರಿಂದ ಯುಪಿಐ ಪಾವತಿಗಳಲ್ಲಿ ಪೀರ್ ಟು ಪೀರ್ ಫಂಕ್ಷನ್‌ ಅನ್ನು ನಿಷೇಧಿಸಲಾಗುತ್ತಿದೆ. ಬಳಕೆದಾರರು ಐಡಿ ಮೂಲಕ ನೇರವಾಗಿ ಹಣ ಕಳುಹಿಸಲು ಅವಕಾಶ ಇರಲ್ಲ. ಸೈಬರ್ ಅಪರಾಧಗಳ ತಡೆಗಾಗಿ ಈ ಕ್ರಮ ಕೈಗೊಳ್ಳಲಾಗಿದೆ. ಇದರರ್ಥ ಯುಪಿಐ ಐಡಿ ಮೂಲಕ ಒಬ್ಬ ವ್ಯಕ್ತಿಯಿಂದ ಇನ್ನೊಬ್ಬರಿಗೆ ಪಾವತಿ ಮಾಡುವ ಸಾಧ್ಯತೆ ಇಲ್ಲದಿರಬಹುದು. ಗ್ರಾಹಕರ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ಸೈಬರ್ ಅಪರಾಧಗಳನ್ನು ಕಡಿಮೆ ಮಾಡಲು ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಎನ್‌ಪಿಸಿಐ ಹೇಳುತ್ತದೆ.

ರೈಲ್ವೆ ಟಿಕೆಟ್ ಬುಕ್ಕಿಂಗ್

ಅಕ್ಟೋಬರ್ 1 ರಿಂದ ರೈಲ್ವೆ ಟಿಕೆಟ್ ಬುಕಿಂಗ್‌ನಲ್ಲಿ ಹೊಸ ನಿಯಮ ಜಾರಿಗೆ ಬರಲಿದೆ. ಈಗ ಆಧಾರ್ ಪರಿಶೀಲನೆ ಇರುವವರು ಮಾತ್ರ ಮುಂಗಡ ಬುಕಿಂಗ್ ಮಾಡಲು ಸಾಧ್ಯವಾಗುತ್ತದೆ.

ಆನ್‌ಲೈನ್ ಗೇಮಿಂಗ್ ನಿಯಮಗಳು

ಆನ್‌ಲೈನ್ ಗೇಮಿಂಗ್‌ನಲ್ಲಿ ವಂಚನೆಯನ್ನು ತಡೆಗಟ್ಟಲು ಅಕ್ಟೋಬರ್ 1 ರಿಂದ ಹೊಸ ನಿಯಮಗಳು ಜಾರಿಗೆ ಬರಲಿವೆ. ಆನ್‌ಲೈನ್ ಗೇಮಿಂಗ್ ಮಸೂದೆ 2025 ರ 1 ರಿಂದ ಜಾರಿಗೆ ಬರಲಿದೆ. ಇಂದಿನಿಂದ, ಹಣಕ್ಕಾಗಿ ಆನ್‌ಲೈನ್‌ನಲ್ಲಿ ಆಡುವ ಎಲ್ಲಾ ಆಟಗಳನ್ನು ನಿಷೇಧಿಸುವ ಸಾಧ್ಯತೆಯಿದೆ.

New Payment Rules from October 1, Key Changes to Know