ಫೋನ್‌ಪೇ ಯುಪಿಐ ಸರ್ಕಲ್‌: ಬ್ಯಾಂಕ್ ಖಾತೆ ಇಲ್ಲದವರಿಗೂ ಪಾವತಿ ಸಾಧ್ಯ!

• ಯುಪಿಐ ಸರ್ಕಲ್‌ ಮೂಲಕ ಐದು ಜನರನ್ನು ಸೇರಿಸಬಹುದಾದ ಫೀಚರ್
• ಬ್ಯಾಂಕ್ ಖಾತೆ ಇಲ್ಲದವರಿಗೂ ಆನ್‌ಲೈನ್ ಪಾವತಿ ಸಾಧ್ಯ
• ಫೋನ್‌ಪೇ ಆಪ್‌ನಲ್ಲಿ ಹೊಸ ಫೀಚರ್ ಲಭ್ಯ

UPI Payment: ಡಿಜಿಟಲ್ ಪಾವತಿ ಕ್ಷೇತ್ರದಲ್ಲಿ ಹೊಸ ತಂತ್ರಜ್ಞಾನಗಳೊಂದಿಗೆ ಸ್ಪರ್ಧೆ ಹೆಚ್ಚುತ್ತಿರುವಾಗ, PhonePe ತನ್ನ ಬಳಕೆದಾರರಿಗೆ ನೆರವಾಗಲು UPI Circle ಎಂಬ ಹೊಸ ಸೌಲಭ್ಯವನ್ನು ಪರಿಚಯಿಸಿದೆ. ಈ ಮೂಲಕ ಈಗ ಬ್ಯಾಂಕ್ ಖಾತೆ (Bank Account) ಇಲ್ಲದವರು ಸಹ ಆನ್‌ಲೈನ್ ಪಾವತಿ ಮಾಡಬಹುದಾಗಿದೆ.

ಈ ಫೀಚರ್ ಬಳಸುವ ವಿಧಾನ ಸರಳವಾಗಿದೆ. ಮೊದಲಿಗೆ ನಿಮ್ಮ PhonePe ಆಪ್‌ನಲ್ಲಿ ಯುಪಿಐ ಸರ್ಕಲ್ ಆಯ್ಕೆಯನ್ನು ತೆರೆಯಬೇಕು. ನಂತರ ನಿಮ್ಮ ಕುಟುಂಬದವರು ಅಥವಾ ಸ್ನೇಹಿತರನ್ನು ಜೋಡಿಸಬಹುದು. ಅವರು ಪ್ರಾಥಮಿಕ ಯುಪಿಐ ಬಳಕೆದಾರನ ಖಾತೆ ಬಳಸಿ ಪಾವತಿ ಮಾಡಬಹುದು.

ಯುಪಿಐ ಸರ್ಕಲ್‌ನಲ್ಲಿ ಒಟ್ಟು ಐದು ಜನರನ್ನು ಸೇರಿಸಬಹುದಾಗಿದೆ. ಈ ಪ್ಯಾಟರ್ನ್‌ನಲ್ಲಿ ಪ್ರಾಥಮಿಕ ಬಳಕೆದಾರನ ಖಾತೆಯು ಉಳಿದ ಸದಸ್ಯರು ಬಳಸುವಂತಹ ವ್ಯವಸ್ಥೆ. ಇದರಿಂದ ಬ್ಯಾಂಕ್ ಖಾತೆ ಅಥವಾ ನೆಟ್‌ಬ್ಯಾಂಕಿಂಗ್‌ ಇಲ್ಲದವರು ಸಹ ಪಾವತಿ ಮಾಡಬಹುದು.

ಇದನ್ನೂ ಓದಿ: ಮದುವೆಯಾದವರು, ಆಗದವರು ಮನೆಯಲ್ಲಿ ಎಷ್ಟು ಬಂಗಾರ ಇಟ್ಟುಕೊಳ್ಳಬಹುದು?

ಇದೇ ಹಿಂದೆ ಗೂಗಲ್‌ಪೇ ಆಪ್‌ಗೆ ಲಿಮಿಟೆಡ್ ಆಗಿದ್ದ ಫೀಚರ್ ಈಗ NPCI ಮೂಲಕ PhonePeಗೆ ವಿಸ್ತರಿಸಲಾಗಿದೆ. PhonePe ತನ್ನ ಅಧಿಕೃತ X ಖಾತೆಯಲ್ಲಿ ಈ ಬಗ್ಗೆ ಘೋಷಣೆ ಮಾಡಿದೆ. ಇದು ದೈನಂದಿನ ಪಾವತಿಗಳಲ್ಲಿ ಸಹಾಯವಾಗುವಂತ ಪದ್ದತಿಯನ್ನು ನೀಡಲಿದೆ.

ಪಾವತಿ ಮಾಡುವ ಸಮಯದಲ್ಲಿ, ಸದಸ್ಯರು QR ಕೋಡ್ ಸ್ಕ್ಯಾನ್ ಮಾಡಿದರೆ, ಪಾವತಿ ರಿಕ್ವೆಸ್ಟ್ ಪ್ರಾಥಮಿಕ ಬಳಕೆದಾರನಿಗೆ ಹೋಗುತ್ತದೆ. ನಂತರ ಅವರು ಪಾವತಿಯನ್ನು ಒಪ್ಪಿಸಿ ಪೂರೈಸಬಹುದು. ಇದರಿಂದ ಪಾವತಿಯ ಸಂಪೂರ್ಣ ನಿಯಂತ್ರಣ ಪ್ರಾಥಮಿಕ ಬಳಕೆದಾರನ ಕೈಯಲ್ಲೇ ಇರುತ್ತದೆ.

ಭಾರತದಲ್ಲಿ ಡಿಜಿಟಲ್ ಪಾವತಿಗಳು ದಿನದಿಂದ ದಿನಕ್ಕೆ ಜನಪ್ರಿಯವಾಗುತ್ತಿದ್ದು, PhonePe ಹೊಸ ಕ್ರಮವು ಹೆಚ್ಚಿನ ಜನರಿಗೆ ಲಾಭ ನೀಡಲಿದ್ದು, ಸ್ಮಾರ್ಟ್‌ಫೋನ್ ಹೊಂದಿರುವ ಎಲ್ಲರಿಗೂ ಅನುಕೂಲವಾಗಲಿದೆ.

PhonePe UPI Circle Now Lets Non-Bank Users Pay Online