ನಿಮ್ಮನ್ನು ಲಕ್ಷಾಧಿಪತಿ ಮಾಡುವ ಪೋಸ್ಟ್ ಆಫೀಸ್ ಯೋಜನೆ! ಒಮ್ಮೆ ಹೂಡಿಕೆ ಮಾಡಿ ಸಾಕು

ಹೂಡಿಕೆಯಲ್ಲಿ ಭದ್ರತೆ ಬಯಸುವವರಿಗೆ ಪೋಸ್ಟ್‌ಆಫೀಸ್‌ನ ತಿಂಗಳ ಆದಾಯ ಯೋಜನೆ (Post Office Monthly Income Scheme – MIS) ಒಂದು ಅತ್ಯುತ್ತಮ ಆಯ್ಕೆ. ಸರ್ಕಾರದಿಂದ ನಿರ್ವಹಿಸಲ್ಪಡುವ ಈ ಯೋಜನೆ 7.4% ಬಡ್ಡಿದರವನ್ನು ನೀಡುತ್ತಿದ್ದು, ಯಾವುದೇ ಅಪಾಯವಿಲ್ಲದ ಹೂಡಿಕೆಯಾಗಿ ಪರಿಗಣಿಸಲಾಗಿದೆ.

ಈ ಯೋಜನೆಯಡಿ ನೀವು ಒಂದೇ ಬಾರಿಗೆ ಮೊತ್ತ ಠೇವಣಿ ಇಟ್ಟರೆ ಸಾಕು. ನಂತರ ಪ್ರತಿ ತಿಂಗಳು ಬಡ್ಡಿ ಮೊತ್ತ ನಿಮ್ಮ ಬ್ಯಾಂಕ್ ಖಾತೆಗೆ ನೇರವಾಗಿ ಜಮೆಯಾಗುತ್ತದೆ. ಹೂಡಿಕೆಯ ಕನಿಷ್ಠ ಮೊತ್ತ ರೂ.1,000 ಆಗಿದ್ದು, ಗರಿಷ್ಠ ರೂ.9 ಲಕ್ಷವರೆಗೆ ಹೂಡಿಕೆ ಮಾಡಬಹುದು.

ಜಂಟಿ ಖಾತೆ ತೆರೆಯಲು ಆಸಕ್ತಿ ಇರುವವರು ಗರಿಷ್ಠ ಮೂವರು ಸೇರಿ ರೂ.15 ಲಕ್ಷವರೆಗೆ ಹೂಡಿಕೆ ಮಾಡಬಹುದು. ಉದಾಹರಣೆಗೆ, ನೀವು ಮತ್ತು ನಿಮ್ಮ ಸಂಗಾತಿ ಸೇರಿ ರೂ.4 ಲಕ್ಷ ಹೂಡಿಕೆ ಮಾಡಿದರೆ, ಪ್ರತಿ ತಿಂಗಳು ರೂ.2,467 ಬಡ್ಡಿ ಮೊತ್ತ ನಿಮಗೆ ಲಭ್ಯವಾಗುತ್ತದೆ.

ಈ ಯೋಜನೆಯ ಅವಧಿ 5 ವರ್ಷಗಳು. ಮೆಚ್ಯುರಿಟಿ ನಂತರ ಮೂಲ ಮೊತ್ತವನ್ನು ನಿಮ್ಮ ಬ್ಯಾಂಕ್ ಖಾತೆಗೆ ವರ್ಗಾಯಿಸಲಾಗುತ್ತದೆ. ಯೋಜನೆಯಡಿ ಖಾತೆ ತೆರೆಯಲು, ಪೋಸ್ಟ್‌ಆಫೀಸ್‌ನಲ್ಲಿ ಸೇವಿಂಗ್ಸ್ ಖಾತೆ ಇರಬೇಕು ಎಂಬುದು ಕಡ್ಡಾಯ. ಖಾತೆ ಇಲ್ಲದವರು ಮೊದಲು ಸೇವಿಂಗ್ಸ್ ಖಾತೆ ತೆರೆದು ಬಳಿಕ MIS ಖಾತೆ ತೆಗೆಯಬಹುದು.

ಹೂಡಿಕೆ ತಜ್ಞರ ಪ್ರಕಾರ, ಇಂತಹ ಸರ್ಕಾರ ಮಾನ್ಯತೆ ಪಡೆದ ಯೋಜನೆಗಳು ಜನರಿಗೆ ನಿಶ್ಚಿತ ಆದಾಯ ನೀಡುವ ಅತ್ಯಂತ ವಿಶ್ವಾಸಾರ್ಹ ಮಾರ್ಗವಾಗಿದೆ. ಹೊಸ ಹೂಡಿಕೆದಾರರಿಗೆ ಇದು ಸುರಕ್ಷಿತ ಪ್ರಾರಂಭವಾಗಬಹುದು.

Post Office MIS, Safe Monthly Income Investment