ತಿಂಗಳಿಗೊಮ್ಮೆ ಖಚಿತ ಆದಾಯ! ಪೋಸ್ಟ್‌ಆಫೀಸ್‌ನ ಈ ಯೋಜನೆ ಭಾರೀ ಜನಪ್ರಿಯ
ಪೋಸ್ಟ್‌ಆಫೀಸ್‌ನ ಈ ಸೀನಿಯರ್ ಸಿಟಿಜನ್ ಸೇವಿಂಗ್ಸ್ ಯೋಜನೆಯಲ್ಲಿ ಒಂದೇ ಬಾರಿ ಹೂಡಿಕೆ ಮಾಡಿ ಪ್ರತಿ ಮಾಸ ಬಡ್ಡಿ ರೂಪದಲ್ಲಿ ಆದಾಯ ಪಡೆಯಬಹುದು. 8.20% ಬಡ್ಡಿದರದ ಈ ಯೋಜನೆ ಜನಪ್ರಿಯವಾಗಿದೆ.
ಪೋಸ್ಟ್‌ಆಫೀಸ್‌ನ ಸೀನಿಯರ್ ಸಿಟಿಜನ್ ಸೇವಿಂಗ್ಸ್ ಸ್ಕೀಮ್ (SCSS) ನಿವೃತ್ತರ ಜೀವನಕ್ಕೆ ಆರ್ಥಿಕ ಭದ್ರತೆಯನ್ನು ಒದಗಿಸುವ ಅತ್ಯಂತ ವಿಶ್ವಾಸಾರ್ಹ ಯೋಜನೆಗಳಲ್ಲಿ ಒಂದಾಗಿದೆ. ತಿಂಗಳಿಗೆ ಬಡ್ಡಿ ರೂಪದಲ್ಲಿ ಖಚಿತ ಆದಾಯ ಬಯಸುವವರಿಗೆ ಇದು ಸೂಕ್ತ ಆಯ್ಕೆ. ಪ್ರಸ್ತುತ ಈ ಯೋಜನೆಗೆ 8.20 ಶೇಕಡಾ ಬಡ್ಡಿದರ ಅನ್ವಯವಾಗುತ್ತಿದೆ.
ಈ ಯೋಜನೆಯಲ್ಲಿ ಕನಿಷ್ಠ ₹1,000ರಿಂದ ಗರಿಷ್ಠ ₹30 ಲಕ್ಷದವರೆಗೆ ಒಂದೇ ಬಾರಿ ಠೇವಣಿ ಮಾಡಬಹುದು. ಠೇವಣಿ ಮಾಡಿದ ಮೊತ್ತಕ್ಕೆ ಪ್ರತಿ ಮೂರು ತಿಂಗಳಿಗೆ ಬಡ್ಡಿ ಲೆಕ್ಕಿಸಲಾಗುತ್ತದೆ ಮತ್ತು ಆ ಮೊತ್ತ ನೇರವಾಗಿ ಖಾತೆಗೆ ಜಮೆಯಾಗುತ್ತದೆ. ಇದರಿಂದ ನಿವೃತ್ತರಾದ ಹಿರಿಯರಿಗೆ ನಿಯಮಿತ ಆದಾಯದ ವ್ಯವಸ್ಥೆ ಖಚಿತವಾಗುತ್ತದೆ.
ಈ ಯೋಜನೆಯ ಅವಧಿ 5 ವರ್ಷಗಳಾಗಿದ್ದು, ಅವಧಿ ಮುಗಿದ ನಂತರ ಠೇವಣಿ ಮಾಡಿದ ಸಂಪೂರ್ಣ ಮೊತ್ತವನ್ನು ವಾಪಸು ಪಡೆಯಬಹುದು. ಆಸಕ್ತರು ಬಯಸಿದರೆ ಈ ಯೋಜನೆಯನ್ನು ಮೂರು ವರ್ಷಗಳ ಅವಧಿಗೆ ಮತ್ತೆ ವಿಸ್ತರಿಸಿಕೊಳ್ಳುವ ಅವಕಾಶವೂ ಇದೆ. ಆದರೆ ಅದಕ್ಕಾಗಿ ಮೆಚ್ಯೂರಿಟಿ ದಿನಾಂಕಕ್ಕೂ ಒಂದು ವರ್ಷ ಮುಂಚಿತವಾಗಿ ಅರ್ಜಿ ಸಲ್ಲಿಸಬೇಕು.
ಖಾತೆ ತೆರೆಯಲು ಕನಿಷ್ಠ 60 ವರ್ಷ ವಯಸ್ಸು ಇರಬೇಕು. ಆದರೆ ಸ್ವಯಂ ನಿವೃತ್ತರಾದ ಸರ್ಕಾರಿ ಅಥವಾ ಖಾಸಗಿ ನೌಕರರು 55 ವರ್ಷ ವಯಸ್ಸಿನಿಂದಲೇ ಖಾತೆ ತೆರೆಯಲು ಅರ್ಹರಾಗಿರುತ್ತಾರೆ.
ಸಮೀಪದ ಪೋಸ್ಟ್‌ಆಫೀಸ್ ಅಥವಾ ಯಾವುದೇ ಬ್ಯಾಂಕ್ ಶಾಖೆಗೆ ತೆರಳಿ ಅಗತ್ಯ KYC ದಾಖಲೆಗಳೊಂದಿಗೆ ಖಾತೆ ತೆರೆಯಬಹುದು.
ಹೆಚ್ಚುವರಿ ಬಡ್ಡಿದರದೊಂದಿಗೆ ಭದ್ರ ಮತ್ತು ಖಚಿತ ಆದಾಯ ನೀಡುವ ಈ ಯೋಜನೆ, ನಿವೃತ್ತರಾದವರಿಗೆ ಹಣಕಾಸಿನ ಸ್ಥಿರತೆ ನೀಡುವ ವಿಶ್ವಾಸಾರ್ಹ ಆಯ್ಕೆ ಎಂದು ಹೇಳಬಹುದು.
Post Office Senior Citizens Scheme Offer
