ಬ್ಯಾಂಕ್ ಎಫ್‌ಡಿಗಿಂತ ಹೆಚ್ಚು ಲಾಭ! ಈ ಪೋಸ್ಟ್ ಆಫೀಸ್ ಯೋಜನೆಯಲ್ಲಿ 1 ಲಕ್ಷಕ್ಕೆ 44,995 ಬಡ್ಡಿ ಸಿಗುತ್ತೆ

Post Office Time Deposit: ಅನೇಕ ಖಾಸಗಿ ಮತ್ತು ಸರ್ಕಾರಿ ಬ್ಯಾಂಕುಗಳು 7% ಕ್ಕೆ ಸಮೀಪದಲ್ಲಿ ಮಾತ್ರ ಬಡ್ಡಿ ನೀಡುತ್ತಿರುವ ಸಂದರ್ಭದಲ್ಲಿ, ಪೋಸ್ಟ್ ಆಫೀಸ್ ಟೈಮ್ ಡಿಪಾಸಿಟ್ (TD) ಹೆಚ್ಚು ಲಾಭದಾಯಕವಾಗಿದೆ. 1, 2, 3 ಮತ್ತು 5 ವರ್ಷದ ಅವಧಿಗೆ ಹೂಡಿಕೆ ಮಾಡುವ ಅವಕಾಶವಿದ್ದು, 5 ವರ್ಷದ ಟೆನ್ಯೂರ್‌ ಅತ್ಯುತ್ತಮ ರಿಟರ್ನ್ಸ್ ನೀಡುತ್ತದೆ.

• 1 ವರ್ಷ – 6.9%
• 2 ವರ್ಷ – 7%
• 3 ವರ್ಷ – 7.1%
• 5 ವರ್ಷ – 7.5%

1 ಲಕ್ಷಕ್ಕೆ ಎಷ್ಟು ಲಾಭ?

ಪೋಸ್ಟ್ ಆಫೀಸ್ TD ನಲ್ಲಿ ಐದು ವರ್ಷಗಳ ಕಾಲ ₹1 ಲಕ್ಷ ಹೂಡಿಕೆ ಮಾಡಿದರೆ, 7.5% ದರದಲ್ಲಿ ಸುಮಾರು ₹44,995 ಬಡ್ಡಿ ಲಭಿಸುತ್ತದೆ. ಅವಧಿ ಮುಗಿದಾಗ ಒಟ್ಟು ₹1,44,995 ಖಾತೆಗೆ ಬರುತ್ತದೆ. ಇದರ ಕಾರಣದಿಂದ ಸಾಕಷ್ಟು ಹೂಡಿಕೆದಾರರು ಬ್ಯಾಂಕ್ ಎಫ್‌ಡಿಯಿಂದ ಪೋಸ್ಟ್ ಆಫೀಸ್ ಯೋಜನೆಗಳತ್ತ ತಿರುಗುತ್ತಿದ್ದಾರೆ.

ಯೋಜನೆಗೆ ಸರ್ಕಾರದ ಭದ್ರತೆ

ಈ ಯೋಜನೆಗೆ ಕೇಂದ್ರ ಸರ್ಕಾರ ನೇರವಾಗಿ ಭದ್ರತೆ ನೀಡಿರುವುದರಿಂದ ಹೂಡಿಕೆಯ ದುಡ್ಡು ಮಾರುಕಟ್ಟೆಯ ಏರಿಳಿತಗಳಿಂದ ಯಾವುದೇ ರೀತಿಯ ಅಪಾಯಕ್ಕೊಳಗಾಗುವುದಿಲ್ಲ. ಮೂಲಧನ ಮತ್ತು ಲಾಭ ಎರಡೂ ಸಂಪೂರ್ಣ ಸುರಕ್ಷಿತ.

ಎಲ್ಲರಿಗೂ ಒಂದೇ ಬಡ್ಡಿದರ

ಬ್ಯಾಂಕುಗಳಲ್ಲಿ (Bank Fixed Deposit) ಹಿರಿಯ ನಾಗರಿಕರಿಗೆ ಮಾತ್ರ ಹೆಚ್ಚುವರಿ ಬಡ್ಡಿದರ ನೀಡಲಾಗುತ್ತದೆ. ಆದರೆ ಪೋಸ್ಟ್ ಆಫೀಸ್ ಟೈಮ್ ಡಿಪಾಸಿಟ್‌ನಲ್ಲಿ ಎಲ್ಲರಿಗೂ ಒಂದೇ ಬಡ್ಡಿ ದರ ಅನ್ವಯಿಸುತ್ತದೆ. ಕಾರಣ, ಬೇಸ್ ರೇಟ್ ಈಗಾಗಲೇ ಹೆಚ್ಚಿನ ಮಟ್ಟದಲ್ಲಿದೆ.

ಖಾತೆ ತೆರೆಯುವುದು ಹೇಗೆ?

ಕೇವಲ ₹1,000 ದಿಂದಲೇ TD ಖಾತೆ ತೆರೆಯಬಹುದು. ಹೂಡಿಕೆಗೆ ಗರಿಷ್ಠ ಮಿತಿ ಇಲ್ಲ, ಯಾರಿಗೆ ಎಷ್ಟೇ ಹಣ ಬೇಕಾದರೂ ಹೂಡಬಹುದು. ಜೊತೆಗೆ ಒಬ್ಬರ ಖಾತೆ ಅಥವಾ ಗರಿಷ್ಠ ಮೂವರು ಸೇರಿ ಜಂಟಿ ಖಾತೆ ತೆರೆಯುವ ಅವಕಾಶವೂ ಇದೆ.

ಪೋಸ್ಟ್ ಆಫೀಸ್ ನೀಡುತ್ತಿದೆ ಸಂಪೂರ್ಣ ಬ್ಯಾಂಕ್ ಸೇವೆ

ಇಂದಿನ ಪೋಸ್ಟ್ ಆಫೀಸ್ ಕೇವಲ ಲೆಟರ್‌ಗಳು, ಸ್ಪೀಡ್‌ಪೋಸ್ಟ್ ಮಾತ್ರವಲ್ಲದೆ ಬ್ಯಾಂಕಿಂಗ್ ಮಟ್ಟದ ಸೇವೆಗಳನ್ನೂ ಒದಗಿಸುತ್ತದೆ. RD, TD, MIS, PPF, SSA, KVP ಸೇರಿದಂತೆ ಅನೇಕ ಸ್ಮಾಲ್ ಸೇವಿಂಗ್ಸ್ ಯೋಜನೆಗಳು (Small Savings Scheme) ಜನಪ್ರಿಯವಾಗಿದ್ದು, ಅವುಗಳಲ್ಲಿ ಟೈಮ್ ಡಿಪಾಸಿಟ್ ಹೆಚ್ಚು ಬೇಡಿಕೆ ಪಡೆದಿದೆ.

English Summary▼

The Post Office Time Deposit scheme has become a popular savings option because it offers interest rates higher than most bank fixed deposits. With tenure options ranging from one to five years, the five-year plan provides the highest returns at 7.5%. A ₹1 lakh investment grows to ₹1,44,995 after five years, making it a better choice for many individuals.