ಬೆಳ್ಳಿ ಮತ್ತು ಚಿನ್ನದ ಸಾಲಗಳಿಗೆ ಆರ್‌ಬಿಐನ ಹೊಸ ಮಾರ್ಗಸೂಚಿಗಳು! ಇನ್ಮುಂದೆ ನ್ಯೂ ರೂಲ್ಸ್

Gold Loan : ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಚಿನ್ನ ಮತ್ತು ಬೆಳ್ಳಿಯನ್ನು ಅಡ ಇಟ್ಟು ನೀಡಲಾಗುವ ಸಾಲಗಳ ಕುರಿತು ಹೊಸ ಮಾರ್ಗಸೂಚಿಗಳನ್ನು ಪ್ರಕಟಿಸಿದೆ.

ಇತ್ತೀಚೆಗೆ ಬೆಲೆ ಏರಿಕೆಯಿಂದಾಗಿ ಬಂಗಾರ ಮತ್ತು ಬೆಳ್ಳಿ ಪ್ರಮುಖ ಆಸ್ತಿಗಳಾಗಿದ್ದು, ಜನರು ಅವುಗಳ ವಿರುದ್ಧ ಸಾಲ ಪಡೆಯುವುದು ಸಾಮಾನ್ಯವಾಗಿದೆ. ಈ ಹಿನ್ನೆಲೆಯಲ್ಲಿ ಬ್ಯಾಂಕ್‌ಗಳು ಮತ್ತು ಸಾಲಗಾರರ ಹಿತಾಸಕ್ತಿಗಾಗಿ RBI ಸ್ಪಷ್ಟ ನಿಯಮಗಳನ್ನು ಹೊರಡಿಸಿದೆ.

ಹೊಸ ನಿಯಮಗಳ ಪ್ರಕಾರ, ರೂ. 2.5 ಲಕ್ಷದೊಳಗಿನ ಸಾಲಗಳಿಗೆ ಲೋನ್-ಟು-ವ್ಯಾಲ್ಯೂ (LTV) ಪ್ರಮಾಣವನ್ನು 75%ರಿಂದ 85%ಕ್ಕೆ ಹೆಚ್ಚಿಸಲಾಗಿದೆ. ರೂ. 2.5 ಲಕ್ಷದಿಂದ 5 ಲಕ್ಷದೊಳಗಿನ ಸಾಲಗಳಿಗೆ 80% ಮೌಲ್ಯ, ಮತ್ತು ರೂ. 5 ಲಕ್ಷಕ್ಕಿಂತ ಹೆಚ್ಚಿನ ಸಾಲಗಳಿಗೆ 75% ಮೌಲ್ಯ ಅನ್ವಯವಾಗಲಿದೆ.

ಉದಾಹರಣೆಗೆ, ನೀವು ರೂ. 6 ಲಕ್ಷ ಸಾಲ ಪಡೆಯಲು ಬಯಸಿದರೆ, ಕನಿಷ್ಠ ರೂ. 8 ಲಕ್ಷ ಮೌಲ್ಯದ ಬಂಗಾರ ಅಥವಾ ಬೆಳ್ಳಿಯ ಆಭರಣಗಳನ್ನು ಅಡ ಇಡಬೇಕು.

RBI ಮಾರ್ಗಸೂಚಿಗಳ ಪ್ರಕಾರ, ಬಂಗಾರದ ಬಿಸ್ಕತ್ತುಗಳು ಅಥವಾ ಬೆಳ್ಳಿಯ ಇಂಗೊಟ್‌ಗಳನ್ನು ಅಡ ಇಡುವುದಕ್ಕೆ ಅನುಮತಿ ಇಲ್ಲ. ಆದರೆ ಬಂಗಾರ ಹಾಗೂ ಬೆಳ್ಳಿಯ ಆಭರಣಗಳು, ನಾಣ್ಯಗಳು ಮುಂತಾದವುಗಳನ್ನು ಅಡವಿಟ್ಟು ಸಾಲ ಪಡೆಯಬಹುದು.

ಬಂಗಾರದ ಆಭರಣಗಳಿಗೆ 1 ಕಿಲೋ ಮತ್ತು ನಾಣ್ಯಗಳಿಗೆ 50 ಗ್ರಾಂ ಮಿತಿ ನಿಗದಿಪಡಿಸಲಾಗಿದೆ. ಬೆಳ್ಳಿಯ ಆಭರಣಗಳಿಗೆ 10 ಕಿಲೋ ಮತ್ತು ನಾಣ್ಯಗಳಿಗೆ 500 ಗ್ರಾಂ ಮಿತಿಯಿದೆ.

ಸಾಲವನ್ನು ತೀರಿಸಿದ ನಂತರ, ಅದೇ ದಿನ ಅಥವಾ ಗರಿಷ್ಠ ಏಳು ಕಾರ್ಯದಿನಗಳೊಳಗೆ ಬ್ಯಾಂಕ್ ಹಣವನ್ನು ಮರಳಿ ನೀಡಬೇಕು. ಆ ಅವಧಿಯನ್ನು ಮೀರಿ ತಡವಾದರೆ, ಬ್ಯಾಂಕ್ ಪ್ರತಿ ದಿನ ರೂ. 5,000 ದಂಡವಾಗಿ ಪಾವತಿಸಬೇಕಾಗುತ್ತದೆ. ಈ ನಿಯಮಗಳು ಮುಂದಿನ ಹಣಕಾಸು ವರ್ಷದಿಂದ, ಅಂದರೆ 2026ರ ಏಪ್ರಿಲ್ 1ರಿಂದ ಜಾರಿಗೆ ಬರುತ್ತವೆ ಎಂದು RBI ಘೋಷಿಸಿದೆ.

RBI issues new rules for Gold and Silver Loans