ಒಂದು ರೂಪಾಯಿ ಕಟ್ಟಬೇಕಿಲ್ಲ! ಎಸ್‌ಬಿಐ ಬ್ಯಾಂಕ್‌ನಿಂದ ಕಾರ್ ಲೋನ್, ಆಕರ್ಷಕ ಆಫರ್
SBI Car Loan: ಹೊಸ ವರ್ಷಕ್ಕೆ ಎಲೆಕ್ಟ್ರಿಕ್ ಕಾರು ಖರೀದಿ ಯೋಚನೆ ಮಾಡಿದರೆ, ಎಸ್‌ಬಿಐ ನೀಡುತ್ತಿರುವ ಗ್ರೀನ್ ಕಾರ್ ಲೋನ್ ಮೂಲಕ ಆನ್‌ರೋಡ್ ಬೆಲೆಯ 100% ವರೆಗೆ ಫೈನಾನ್ಸ್ ಸಿಗುವ ದೊಡ್ಡ ಅವಕಾಶ ಲಭ್ಯ.
- ಎಲೆಕ್ಟ್ರಿಕ್ ಕಾರ್ ಲೋನ್, 100% ಫಂಡಿಂಗ್
- ಎಸ್‌ಬಿಐ ಗ್ರೀನ್ ಕಾರ್ ಲೋನ್‌ಗೆ ಸುಲಭ ನಿಯಮ
- ಎಲೆಕ್ಟ್ರಿಕ್ ಕಾರ್ ಖರೀದಿಗೆ ಕಡಿಮೆ ಬಡ್ಡಿದರ
State Bank Car Loan Offer: ಹೊಸ ವರ್ಷದ ಖರೀದಿ ಯೋಜನೆಗಳಲ್ಲಿ ಎಲೆಕ್ಟ್ರಿಕ್ ಕಾರ್ (Electric Car) ಸೇರಿಸಿಕೊಂಡಿರುವವರಿಗೆ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ಉತ್ತಮ ಸುದ್ದಿಯನ್ನು ನೀಡಿದೆ.
ಬ್ಯಾಂಕ್ ನೀಡುತ್ತಿರುವ ಎಸ್‌ಬಿಐ ಎಲೆಕ್ಟ್ರಿಕ್ ವೆಹಿಕಲ್ ಲೋನ್ ಅಥವಾ ಗ್ರೀನ್ ಕಾರ್ ಲೋನ್ ಯೋಜನೆಯಡಿ, ಗ್ರಾಹಕರು ಕಾರಿನ ಆನ್‌ರೋಡ್ ಬೆಲೆಯ 100% ವರೆಗೆ ಸಾಲ ಪಡೆಯುವ ಅವಕಾಶ ಹೊಂದಿದ್ದಾರೆ. ಪರಿಸರ ಸ್ನೇಹಿ ವಾಹನಗಳಿಗೆ ಉತ್ತೇಜನ ನೀಡುವ ಉದ್ದೇಶದಿಂದ ಈ ಯೋಜನೆ ಹೆಚ್ಚು ಬೇಡಿಕೆ ಪಡೆದಿದೆ.
ಈ ಸಾಲಕ್ಕೆ ಅರ್ಜಿ ಸಲ್ಲಿಸಲು 21 ರಿಂದ 70 ವರ್ಷದವರಾಗಿರಬೇಕು. ಬ್ಯಾಂಕ್ ಅಧಿಕೃತ ಮಾಹಿತಿಯ ಪ್ರಕಾರ, ಕನಿಷ್ಠ ವರ್ಷಿಕ ಆದಾಯ ₹3 ಲಕ್ಷ ಇರಬೇಕು. 700ಕ್ಕಿಂತ ಹೆಚ್ಚು ಸಿಬಿಲ್ ಸ್ಕೋರ್ ಹೊಂದಿರುವ ಹೊಸ ಕಸ್ಟಮರ್‌ಗಳಿಗೆ 8.75% ಆರಂಭಿಕ ಬಡ್ಡಿದರ ಅನ್ವಯವಾಗುತ್ತದೆ.
ಇದನ್ನೂ ಓದಿ: ನಿಮ್ಮ PhonePe, Google Pay, UPI ಲಿಮಿಟ್ ಹೆಚ್ಚಿಸುವುದು ಹೇಗೆ? ಇಲ್ಲಿದೆ ಸಂಪೂರ್ಣ ಪ್ರಕ್ರಿಯೆ
ವಿವಿಧ ಉದ್ಯೋಗ ಮತ್ತು ವ್ಯವಹಾರ ವಿಭಾಗಗಳಿಗೆ ಬೇರೆ ಬೇರೆ ನಿಯಮಗಳನ್ನು ಎಸ್‌ಬಿಐ ನಿಗದಿ ಮಾಡಿದೆ. ರಕ್ಷಣಾ ಇಲಾಖೆ, ಪಾರಾಮಿಲಿಟರಿ, ಸರ್ಕಾರಿ ಸಂಸ್ಥೆಗಳ ನೌಕರರಿಗೆ ಒಟ್ಟು ವಾರ್ಷಿಕ ಆದಾಯದ ಆಧಾರದ ಮೇಲೆ ಗರಿಷ್ಠ 48 ಪಟ್ಟು ವರೆಗೆ ಲೋನ್ ಸಿಗುತ್ತದೆ.
ಸ್ವಯಂ ಉದ್ಯೋಗಿಗಳು ಮತ್ತು ವ್ಯವಹಾರಸ್ಥರಿಗೆ ವಾರ್ಷಿಕ ಆದಾಯಕ್ಕೆ ನಾಲ್ಕು ಪಟ್ಟು ವರೆಗೆ ಫೈನಾನ್ಸ್ ಲಭ್ಯವಿದೆ. ಕೃಷಿ ಮತ್ತು ಸಂಬಂಧಿತ ಚಟುವಟಿಕೆಗಳಲ್ಲಿ ತೊಡಗಿರುವವರಿಗೆ ಕೂಡ 3 ಪಟ್ಟು ವರೆಗೆ ಸಾಲ ಸಿಗಲಿದೆ.
ಸಾಲ ಮಂಜೂರಾತಿಗಾಗಿ ಅಗತ್ಯ ದಾಖಲೆಗಳ ಪಟ್ಟಿಯೂ ವಿವರಿಸಲಾಗಿದೆ. ವೇತನಗಾರರಿಗೆ ಬ್ಯಾಂಕ್ ಸ್ಟೇಟ್ಮೆಂಟ್, ಪಾಸ್‌ಪೋರ್ಟ್ ಫೋಟೋ, ಗುರುತು ಮತ್ತು ವಿಳಾಸ ದಾಖಲೆಗಳು, ಸ್ಯಾಲರಿ ಸ್ಲಿಪ್, ಫಾರ್ಮ್-16 ಹಾಗೂ ಎರಡು ವರ್ಷದ ಐಟಿಆರ್ ಪ್ರತಿಗಳು ಬೇಕಾಗುತ್ತವೆ.
ಇದನ್ನೂ ಓದಿ: ಕೇವಲ 15,499ಕ್ಕೆ ಎಲೆಕ್ಟ್ರಿಕ್ ಸ್ಕೂಟರ್! 30KM ಮೈಲೇಜ್ ಕೊಡುತ್ತೆ, ಇಎಂಐ ಆದ್ರೆ ಬರಿ ₹970
ವ್ಯವಹಾರಸ್ಥರಿಗೆ ಆಡಿಟ್ ಮಾಡಿದ ಬ್ಯಾಲೆನ್ಸ್ ಶೀಟ್, ಲಾಭ-ನಷ್ಟ ಪತ್ರ, ವ್ಯಾಪಾರ ಪರವಾನಗಿ ಮತ್ತು ಇತರ ಮೌಲ್ಯಾಧಾರಿತ ದಾಖಲೆಗಳು ಸೇರಿ ಸಲ್ಲಿಸಬೇಕು.
ಕೃಷಿ ಹಾಗೂ ಸಂಬಂಧಿತ ಉದ್ಯಮಗಳಲ್ಲಿ ತೊಡಗಿರುವವರಿಗೆ ಕೃಷಿ ದಾಖಲೆಗಳು, ಭೂ ದಾಖಲೆಗಳು, ಡೈರಿ/ಪೌಲ್ಟ್ರಿ/ಹಾರ್ಟಿಕಲ್ಚರ್ ಚಟುವಟಿಕೆಗಳ ಸಾಕ್ಷ್ಯಪತ್ರಗಳು ಅಗತ್ಯವಾಗುತ್ತವೆ.
ಗುರುತು ಮತ್ತು ವಿಳಾಸಕ್ಕೆ ಮತದಾರ ಐಡಿ, ಪಾಸ್‌ಪೋರ್ಟ್, ಪ್ಯಾನ್, ರೇಷನ್ ಕಾರ್ಡ್, ವಿದ್ಯುತ್/ದೂರವಾಣಿ ಬಿಲ್ ನಕಲುಗಳನ್ನು ಬಳಸಬಹುದು.
SBI Electric Car Loan, 100 Percent On-Road Funding Offer
