ಸ್ಟೇಟ್ ಬ್ಯಾಂಕ್ ಗ್ರಾಹಕರಿಗೆ ಭರ್ಜರಿ ಸುದ್ದಿ! ಇನ್ಮುಂದೆ ಬ್ಯಾಂಕ್‌ಗೆ ಹೋಗುವ ತಲೆನೋವು ಇಲ್ಲ
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಯೋನೋ 2.0 ಅಪ್‌ಗ್ರೇಡ್ ಬಿಡುಗಡೆ ಮಾಡಿದ್ದು ವೇಗವಾದ ಪೇಮೆಂಟ್ ಭದ್ರತೆ ಸುಲಭ ಬ್ಯಾಂಕಿಂಗ್ ಸೇವೆಗಳೊಂದಿಗೆ ಡಿಜಿಟಲ್ ವ್ಯವಹಾರಗಳನ್ನು ಇನ್ನಷ್ಟು ಸರಳ ಸುರಕ್ಷಿತ ಅನುಭವವಾಗಿಸಲು ಗ್ರಾಹಕರಿಗೆ ಹೊಸ ಆಯ್ಕೆಯನ್ನು ನೀಡಿದೆ
- SBI YONO 2.0 ಮೂಲಕ ವೇಗವಾದ ಡಿಜಿಟಲ್ ಬ್ಯಾಂಕಿಂಗ್
- ಯೋನೋ 2.0 ಅಪ್ನಲ್ಲಿ ಹೆಚ್ಚುವರಿ ಭದ್ರತಾ ವೈಶಿಷ್ಟ್ಯ
- SBI ಡಿಜಿಟಲ್ ಸೇವೆಗಳು ಗ್ರಾಹಕರಿಗೆ ಹೊಸ ಅನುಭವ
State Bank Of India: ದೇಶದಲ್ಲೇ ಅತಿ ಹೆಚ್ಚು ಗ್ರಾಹಕರನ್ನು ಹೊಂದಿರುವ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI), ಡಿಜಿಟಲ್ ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಮತ್ತೊಂದು ಮಹತ್ವದ ಹೆಜ್ಜೆ ಇಟ್ಟಿದೆ. ಗ್ರಾಹಕರ ಅನುಭವವನ್ನು ಇನ್ನಷ್ಟು ಸುಲಭಗೊಳಿಸುವ ಉದ್ದೇಶದಿಂದ, ಯೋನೋ ಅಪ್ಲಿಕೇಶನ್‌ನ ಹೊಸ ಆವೃತ್ತಿಯಾದ YONO 2.0 App ಅನ್ನು ಬಿಡುಗಡೆ ಮಾಡಿದೆ.
ವೇಗ ಮತ್ತು ಸರಳತೆಗೆ ಒತ್ತು
ಯೋನೋ 2.0 ಆವೃತ್ತಿಯಲ್ಲಿ ಪೇಮೆಂಟ್ ಹಾಗೂ ಬ್ಯಾಂಕಿಂಗ್ ಪ್ರಕ್ರಿಯೆಗಳನ್ನು ಹೆಚ್ಚು ವೇಗವಾಗಿ ನಿರ್ವಹಿಸುವಂತೆ ವಿನ್ಯಾಸಗೊಳಿಸಲಾಗಿದೆ. ಬ್ಯಾಲೆನ್ಸ್ ಪರಿಶೀಲನೆ, ಹಣ ವರ್ಗಾವಣೆ, ಬಿಲ್ ಪಾವತಿ ಹಾಗೂ UPI ಸೇವೆಗಳು ಈಗ ಕಡಿಮೆ ಸಮಯದಲ್ಲಿ ಪೂರ್ಣಗೊಳ್ಳಲಿವೆ. ವ್ಯವಹಾರ ವಿಫಲವಾಗುವ ಸಾಧ್ಯತೆಯೂ ಗಣನೀಯವಾಗಿ ಕಡಿಮೆಯಾಗಿದೆ.
ಭದ್ರತೆಗೆ ಹೆಚ್ಚುವರಿ ಪದರ
ಡಿಜಿಟಲ್ ವಂಚನೆಗಳನ್ನು ತಡೆಯಲು ಹೊಸ ಆವೃತ್ತಿಯಲ್ಲಿ ಹೆಚ್ಚುವರಿ ಭದ್ರತಾ ಕ್ರಮಗಳನ್ನು ಸೇರಿಸಲಾಗಿದೆ. ಪ್ರತಿಯೊಂದು ಪ್ರಮುಖ ವ್ಯವಹಾರಕ್ಕೂ ಒನ್ ಟೈಮ್ ಪಾಸ್‌ವರ್ಡ್ (OTP) ದೃಢೀಕರಣ ಕಡ್ಡಾಯವಾಗಿದ್ದು, ಗ್ರಾಹಕರ ಹಣಕ್ಕೆ ಹೆಚ್ಚುವರಿ ರಕ್ಷಣೆ ಒದಗಿಸುತ್ತದೆ.
ಬ್ರಾಂಚ್‌ಗೆ ಹೋಗದೇ ಬ್ಯಾಂಕಿಂಗ್
ಇನ್ನು ಬ್ಯಾಂಕ್ ಶಾಖೆಗೆ ಹೋಗುವ ಅಗತ್ಯವಿಲ್ಲದೆ, ಮನೆಯಲ್ಲೇ ಕುಳಿತು ಬಹುತೇಕ ಎಲ್ಲಾ ಬ್ಯಾಂಕಿಂಗ್ ಸೇವೆಗಳನ್ನು ಮೊಬೈಲ್ ಮೂಲಕ ಬಳಸಿಕೊಳ್ಳಬಹುದು. ಸಾಲ ಮಾಹಿತಿ (Bank Loan Details), ಖಾತೆ ನಿರ್ವಹಣೆ, ಪೇಮೆಂಟ್ ಸೇವೆಗಳು ಎಲ್ಲವೂ ಒಂದೇ ಅಪ್ನಲ್ಲಿ ಲಭ್ಯ.
20 ಕೋಟಿ ಬಳಕೆದಾರರ ಗುರಿ
ಪ್ರಸ್ತುತ ಯೋನೋ ಅಪ್ ಬಳಕೆದಾರರ ಸಂಖ್ಯೆ 9–10 ಕೋಟಿ ನಡುವೆ ಇದೆ. ಮುಂದಿನ ದಿನಗಳಲ್ಲಿ ಈ ಸಂಖ್ಯೆಯನ್ನು 20 ಕೋಟಿಗೆ ಹೆಚ್ಚಿಸುವ ಗುರಿಯನ್ನು SBI ಹೊಂದಿದೆ. ಇದಕ್ಕಾಗಿ ಡಿಜಿಟಲ್ ಸಹಾಯ ಸಿಬ್ಬಂದಿಯನ್ನು ಹೆಚ್ಚಿಸಲಾಗುತ್ತಿದ್ದು, ಮುಂದಿನ ಎಂಟು ತಿಂಗಳಲ್ಲಿ ಸುಮಾರು 6,500 ಸಿಬ್ಬಂದಿಯನ್ನು ನೇಮಿಸುವ ಯೋಜನೆ ಇದೆ.
