ಕೇವಲ 45 ನಿಮಿಷಗಳಲ್ಲಿ ಸಾಲ ಸಿಗುತ್ತೆ! ಎಸ್‌ಬಿಐ ಗ್ರಾಹಕರಿಗೆ ಡಿಜಿಟಲ್ ಸೌಕರ್ಯ

SBI Loan: ದೇಶದ ಅತಿ ದೊಡ್ಡ ಸರ್ಕಾರಿ ಬ್ಯಾಂಕ್‌ಗಳಲ್ಲೊಂದಾದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) MSME ಕ್ಷೇತ್ರದ ಅಭಿವೃದ್ಧಿಗೆ ಹೊಸ ಹೆಜ್ಜೆ ಇಟ್ಟಿದೆ. ಕೇವಲ 45 ನಿಮಿಷಗಳಲ್ಲಿ ಸಾಲ ಅನುಮೋದನೆ ನೀಡುವ ‘SME ಡಿಜಿಟಲ್ ಬಿಸಿನೆಸ್ ಲೋನ್ಸ್’ ಸೇವೆಯನ್ನು ಬ್ಯಾಂಕ್ ಆರಂಭಿಸಿದೆ.

ಈ ಯೋಜನೆಯಡಿ, ಉದ್ಯಮಿಗಳು ₹5 ಕೋಟಿವರೆಗೆ ಸಾಲಕ್ಕಾಗಿ ಸಂಪೂರ್ಣ ಡಿಜಿಟಲ್ ಪ್ರಕ್ರಿಯೆಯ ಮೂಲಕ ಅರ್ಜಿ ಸಲ್ಲಿಸಬಹುದು. ಬ್ಯಾಂಕ್ ಹೊಸ ತಂತ್ರಜ್ಞಾನ ಮತ್ತು ಬಲವಾದ API ವ್ಯವಸ್ಥೆಯನ್ನು ಬಳಸಿಕೊಂಡು, ಮಾನವ ಮಧ್ಯಸ್ಥಿಕೆ ಇಲ್ಲದೆ ಸಾಲದ ಅರ್ಜಿಯ ಮೌಲ್ಯಮಾಪನ ಮಾಡುತ್ತಿದೆ.

SBI ಅಭಿವೃದ್ಧಿಪಡಿಸಿರುವ ಡೇಟಾ-ಆಧಾರಿತ ಕ್ರೆಡಿಟ್ ಇಂಜಿನ್ (Credit Engine) ತೆರಿಗೆ ದಾಖಲೆಗಳು, GST ರಿಟರ್ನ್ ಹಾಗೂ ಬ್ಯಾಂಕ್ ಸ್ಟೇಟ್ಮೆಂಟ್‌ಗಳಂತಹ ಅಧಿಕೃತ ದಾಖಲೆಗಳ ಆಧಾರದ ಮೇಲೆ ಅರ್ಜಿಯ ಪರಿಶೀಲನೆ ನಡೆಸುತ್ತದೆ. ಅಗತ್ಯ ಮಾಹಿತಿಯನ್ನು ಸಲ್ಲಿಸಿದ ನಂತರ ಕೇವಲ 10 ಸೆಕೆಂಡ್‌ಗಳಲ್ಲಿ ಅನುಮೋದನೆ ನೀಡುವ ಸಾಮರ್ಥ್ಯ ಈ ವ್ಯವಸ್ಥೆಗೆ ಇದೆ.

2023-24 ರಿಂದ ಪ್ರಾರಂಭವಾದ ಈ ಡಿಜಿಟಲ್ ಸೇವೆಯಡಿ, ಆಗಸ್ಟ್ 2025ರವರೆಗೆ 2.25 ಲಕ್ಷ SME ಖಾತೆಗಳಿಗೆ ₹74,434 ಕೋಟಿ ಸಾಲ ಪ್ರಕ್ರಿಯೆ ನಡೆದಿದೆ. ಇದರಲ್ಲಿ ಮುದ್ರಾ ಯೋಜನೆಯಡಿ ₹3,242 ಕೋಟಿ ಮೌಲ್ಯದ 67,299 ಸಾಲಗಳು ಸೇರಿವೆ.

₹50 ಲಕ್ಷವರೆಗೆ ಸಾಲಕ್ಕಾಗಿ ಯಾವುದೇ ಆರ್ಥಿಕ ಸ್ಟೇಟ್ಮೆಂಟ್ ಅಗತ್ಯವಿಲ್ಲ; ಬದಲಾಗಿ GST ರಿಟರ್ನ್ಸ್ ಮತ್ತು ವ್ಯವಹಾರ ಇತಿಹಾಸದ ಆಧಾರದ ಮೇಲೆ ಮೌಲ್ಯಮಾಪನ ನಡೆಯುತ್ತದೆ. ಇದು ಸಣ್ಣ ಹಾಗೂ ಮಧ್ಯಮ ವ್ಯವಹಾರಿಗಳಿಗೆ ಹೆಚ್ಚು ಫ್ಲೆಕ್ಸಿಬಲ್ ಲೋನಿಂಗ್ ವ್ಯವಸ್ಥೆಯನ್ನು ಒದಗಿಸುತ್ತದೆ.

SBI ಪ್ರಕಾರ, ಈ ಡಿಜಿಟಲ್ ಕ್ರಾಂತಿ MSME ಕ್ಷೇತ್ರದ ವೃದ್ಧಿ, ವೇಗ ಮತ್ತು ಸೌಲಭ್ಯಕ್ಕಾಗಿ ಮಹತ್ವದ ಹೆಜ್ಜೆ. 2025 ಮಾರ್ಚ್ 31ರವರೆಗೆ SME ವಿಭಾಗದಲ್ಲಿ 19% ಕ್ರೆಡಿಟ್ ವೃದ್ಧಿ ದಾಖಲಾಗಿದೆ. ಭವಿಷ್ಯದಲ್ಲಿ SBI ತನ್ನ CSP ಕೇಂದ್ರಗಳು, ಔಟ್‌ಡೋರ್ QR ಕೋಡ್ ಪಾಯಿಂಟ್‌ಗಳ ಮೂಲಕ ಈ ಸೇವೆಯನ್ನು ವಿಸ್ತರಿಸಲು ಉದ್ದೇಶಿಸಿದೆ.

SBI MD (R&DB) ಮಾತನಾಡಿ, “ಈ ಯೋಜನೆ MSME ಕ್ಷೇತ್ರದಲ್ಲಿ ಆರ್ಥಿಕ ಸ್ಥಿರತೆ ಹಾಗೂ ಸುಲಭ ಸಾಲದ ಅವಕಾಶಗಳನ್ನು ಹೆಚ್ಚಿಸುತ್ತದೆ. ನಾವು ಮುದ್ರಾ ಪ್ರೊಡಕ್ಟ್‌ಗಳ ಡಿಜಿಟಲೀಕರಣ ಹಾಗೂ CGTMSE ಕವರ್ ಲೋನ್ಸ್‌ನ ಆಟೊಮೇಷನ್‌ ಮೂಲಕ MSME ಗಳಿಗೆ ಕೋಲಾಟರಲ್ ಫ್ರೀ ಸಾಲ ನೀಡಲು ಬದ್ಧರಾಗಿದ್ದೇವೆ,” ಎಂದು ಹೇಳಿದ್ದಾರೆ.

SBI offers MSME digital loans approved in just 45 minutes