ಸದ್ದು ಮಾಡುತ್ತಿದೆ ಹೊಸ ಸ್ಟೈಲಿಶ್ ಎಲೆಕ್ಟ್ರಿಕ್ ಬೈಕ್! 30 ಸಾವಿರ ಭರ್ಜರಿ ರಿಯಾಯಿತಿ
Electric Bike: ಒಬನ್ ರೋರ್ ಎಲೆಕ್ಟ್ರಿಕ್ ಬೈಕ್ ಇದೀಗ ಭಾರೀ ಚರ್ಚೆಯಲ್ಲಿದೆ. ಕೇವಲ ₹150 ರೂಪಾಯಿಯಲ್ಲೇ ತಿಂಗಳಿಡೀ ಓಡಿಸಬಹುದಾದ ಈ ಬೈಕ್‌ಗೆ ಈಗ ₹30,000 ರಿಯಾಯಿತಿ ದೊರೆಯುತ್ತಿದೆ.
Electric Bike : ಇಂಧನ ದರಗಳು ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿರುವ ಈ ಕಾಲದಲ್ಲಿ ಕಡಿಮೆ ವೆಚ್ಚದ ಪರ್ಯಾಯ ಹುಡುಕುವವರಿಗೆ ಒಬನ್ ರೋರ್ ಎಲೆಕ್ಟ್ರಿಕ್ ಬೈಕ್ ಸೂಕ್ತ ಆಯ್ಕೆಯಾಗಿದೆ. ಭಾರತದಲ್ಲಿ ನಿರ್ಮಿತವಾದ ಈ ಸ್ಟೈಲಿಷ್ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಯುವ ಜನರ ಮನಸೆಳೆಯುತ್ತಿದೆ. ಈಗ ಈ ಬೈಕ್ ಮೇಲೆ ₹30,000ರವರೆಗೆ ರಿಯಾಯಿತಿ ನೀಡಲಾಗುತ್ತಿದೆ.
ಒಬನ್ ಎಲೆಕ್ಟ್ರಿಕ್ ಕಂಪನಿಯು ವಿನ್ಯಾಸಗೊಳಿಸಿದ ಈ ಬೈಕ್‌ಗಳಲ್ಲಿ 4.4 kWh ಸಾಮರ್ಥ್ಯದ LFP ಬ್ಯಾಟರಿ ಅಳವಡಿಸಲಾಗಿದೆ. ಒಂದು ಬಾರಿ ಪೂರ್ಣ ಚಾರ್ಜ್ ಮಾಡಿದರೆ 187 ಕಿಲೋಮೀಟರ್‌ಗಳವರೆಗೆ ಪ್ರಯಾಣಿಸಲು ಸಾಧ್ಯ. ಸಾಮಾನ್ಯ ಪ್ಲಗ್ ಸಾಕ್‌ಟ್ ಮೂಲಕ ಕೇವಲ 2 ಗಂಟೆಗಳಲ್ಲಿ 80% ಚಾರ್ಜ್ ಆಗುತ್ತದೆ ಎಂಬುದು ಇದರ ಪ್ರಮುಖ ವೈಶಿಷ್ಟ್ಯ.
ಈ ಬೈಕ್‌ನಲ್ಲಿ ಎಕೋ, ಸಿಟಿ, ಹವಾಕ್ ಎಂಬ ಮೂರು ವಿಭಿನ್ನ ರೈಡಿಂಗ್ ಮೋಡ್‌ಗಳಿವೆ. ಎಕೋ ಮೋಡ್‌ನಲ್ಲಿ ಗರಿಷ್ಠ ಶ್ರೇಣಿಯನ್ನು ಪಡೆಯಬಹುದು, ಹವಾಕ್ ಮೋಡ್‌ನಲ್ಲಿ ಪೂರ್ಣ ಶಕ್ತಿ ಬಿಡುಗಡೆ ಆಗುತ್ತದೆ. ವೇಗದ ವಿಷಯಕ್ಕೆ ಬಂದ್ರೆ, ಇದು ಕೇವಲ 3 ಸೆಕೆಂಡ್‌ನಲ್ಲಿ 0 ರಿಂದ 40 kmph ತಲುಪುತ್ತದೆ. ಗರಿಷ್ಠ ವೇಗ 100 kmph.
10 kW ಶಕ್ತಿಯ ಮಿಡ್-ಡ್ರೈವ್ ಮೋಟಾರ್ ಹೊಂದಿರುವ ಈ ಬೈಕ್ ತ್ವರಿತ ವೇಗ, ಉತ್ತಮ ಸ್ಥಿರತೆ ಮತ್ತು ಸ್ಮೂತ್ ರೈಡಿಂಗ್ ಅನುಭವವನ್ನು ನೀಡುತ್ತದೆ. ಸ್ಮಾರ್ಟ್‌ಫೋನ್ ಕನೆಕ್ಟಿವಿಟಿ, ನ್ಯಾವಿಗೇಶನ್, ಎಲ್ಇಡಿ ಲೈಟಿಂಗ್ ಸೇರಿದಂತೆ ಹಲವು ಆಧುನಿಕ ಫೀಚರ್‌ಗಳು ಸೇರಿವೆ.
ಸುರಕ್ಷತೆಗಾಗಿ ಮುಂದೂ ಹಿಂದೂ ಚಕ್ರಗಳಿಗೆ ಡಿಸ್ಕ್ ಬ್ರೇಕ್ ಹಾಗೂ ಕಂಬೈನ್ಡ್ ಬ್ರೇಕಿಂಗ್ ಸಿಸ್ಟಂ (CBS) ನೀಡಲಾಗಿದೆ. ಕಂಪನಿ ಬ್ಯಾಟರಿ ಮತ್ತು ಮೋಟಾರ್‌ಗೆ 3 ವರ್ಷ ಅಥವಾ 50,000 ಕಿಮೀ ವರೆಗೆ ವಾರಂಟಿ ನೀಡುತ್ತಿದೆ.
ಒಬನ್ ರೋರ್ ಬೈಕ್‌ನ ಎಕ್ಸ್-ಶೋ ರೂಂ ಬೆಲೆ ₹1.50 ಲಕ್ಷದಿಂದ ಪ್ರಾರಂಭವಾಗುತ್ತದೆ. ಆದರೆ ಪ್ರಸ್ತುತ ಮಾರುಕಟ್ಟೆಯಲ್ಲಿ ಕಂಪನಿ ₹30,000 ರಿಯಾಯಿತಿ ನೀಡುತ್ತಿದ್ದು, ಖರೀದಿದಾರರಿಗೆ ಇದು ಉತ್ತಮ ಅವಕಾಶವಾಗಿದೆ.
ರನ್ನಿಂಗ್ ಖರ್ಚು ಕೇವಲ ಕಿಮೀಗೆ 25–35 ಪೈಸೆಯಷ್ಟೇ. ಅಂದರೆ ದಿನಕ್ಕೆ 20 ಕಿಮೀ ಓಡಿಸಿದರೂ ಕೇವಲ ₹5 ಮಾತ್ರ ಖರ್ಚು. ತಿಂಗಳಿಡೀ ಓಡಿಸಿದರೆ ₹150ಕ್ಕೂ ಹೆಚ್ಚು ಖರ್ಚಾಗುವುದಿಲ್ಲ.
ಈ ಕಡಿಮೆ ವೆಚ್ಚದ, ಶಕ್ತಿಯುತ ಹಾಗೂ ಆಕರ್ಷಕ ವಿನ್ಯಾಸದ ಒಬನ್ ರೋರ್ ಈಗ ಎಲೆಕ್ಟ್ರಿಕ್ ಟೂ-ವೀಲರ್ ಮಾರುಕಟ್ಟೆಯಲ್ಲಿ ಚರ್ಚೆಯ ವಿಷಯವಾಗಿದೆ.
Stylish Oben Rorr Electric Bike with 30,000 Discount
