ಸುಜುಕಿ ಆಕ್ಸೆಸ್ ರೈಡ್ ಕನೆಕ್ಟ್ ಹೊಸ ಸ್ಕೂಟರ್ ಆವೃತ್ತಿ ಬಿಡುಗಡೆ!
ಸುಜುಕಿ ತನ್ನ ಜನಪ್ರಿಯ ಆಕ್ಸೆಸ್ ಸ್ಕೂಟರ್‌ನ Ride Connect ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಇದು ಹೊಸ ಬಣ್ಣ, ಡಿಜಿಟಲ್ ಡಿಸ್ಪ್ಲೇ ಹಾಗೂ ನವೀನ ವೈಶಿಷ್ಟ್ಯಗಳೊಂದಿಗೆ ಗ್ರಾಹಕರ ಮುಂದಿದೆ.
- ಹೊಸ ಬಣ್ಣದಲ್ಲಿ ಲಭ್ಯವಿರುವ ಆಕ್ಸೆಸ್ Ride Connect
- 124cc ಎಂಜಿನ್, 46 ಕಿಮೀ ಮೈಲೇಜ್
- ಬಾಹ್ಯ ಇಂಧನ ಕ್ಯಾಪ್, ಸೆಂಟ್ರಲ್ ಲಾಕ್ ಮತ್ತಷ್ಟು ವೈಶಿಷ್ಟ್ಯಗಳು
ಸುಜುಕಿ ಆಕ್ಸೆಸ್ ನಮ್ಮ ದೇಶದಲ್ಲಿ ಹೆಚ್ಚು ಮಾರಾಟವಾಗುವ ಸ್ಕೂಟರ್‌ಗಳಲ್ಲಿ ಒಂದಾಗಿದೆ. ಸುಜುಕಿ ಮೋಟಾರ್‌ಸೈಕಲ್ ಇಂಡಿಯಾ ಇದರ ಹೊಸ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ.
ಸುಜುಕಿ ಆಕ್ಸೆಸ್ (Suzuki Access) ಹೊಸ ಆವೃತ್ತಿಯನ್ನು ಸುಜುಕಿ ಮೋಟಾರ್‌ಸೈಕಲ್ ಇಂಡಿಯಾ ಬಿಡುಗಡೆ ಮಾಡಿದೆ. ಈ Ride Connect ಆವೃತ್ತಿಯ ಬೆಲೆ ₹1,01,900 (ex-showroom) ಆಗಿದೆ. ಹೊಸ ಬಣ್ಣವಾದ ಪರ್ಲ್ ಮ್ಯಾಟ್ ಆಕ್ವಾ ಸಿಲ್ವರ್ ಒಳಗೊಂಡಂತೆ ಮ್ಯಾಟಿಕ್ ನಂ.2, ಸ್ಟೆಲ್ಲರ್ ಬ್ಲೂ, ಪರ್ಲ್ ಗ್ರೇ ವೈಟ್ ಮತ್ತು ಸಾಲಿಡ್ ಐಸ್ ಗ್ರೀನ್ ಬಣ್ಣಗಳಲ್ಲೂ ಲಭ್ಯವಿದೆ.
ಈ ಆವೃತ್ತಿಯು 4.2 ಇಂಚಿನ ಬಣ್ಣದ TFT ಡಿಜಿಟಲ್ ಡಿಸ್ಪ್ಲೇ (Digital Display) ಹೊಂದಿದ್ದು, ತೀಕ್ಷ್ಣ ದೃಶ್ಯಗಳನ್ನು ಒದಗಿಸುತ್ತದೆ. ಬಾಹ್ಯ ಇಂಧನ ಫಿಲ್ಲರ್ ಕ್ಯಾಪ್ ಮತ್ತು ಒಂದು-ಪುಶ್ ಸೆಂಟ್ರಲ್ ಲಾಕಿಂಗ್ ವ್ಯವಸ್ಥೆ ಬಳಕೆದಾರರ ಅನುಭವವನ್ನು ಸುಲಭಗೊಳಿಸುತ್ತವೆ.
124 ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿರುವ ಈ ಸ್ಕೂಟರ್, 6500 rpm ನಲ್ಲಿ 8.31 bhp ಪವರ್ ಮತ್ತು 5000 rpm ನಲ್ಲಿ 10.2 Nm ಟಾರ್ಕ್ ಉತ್ಪತ್ತಿ ಮಾಡುತ್ತದೆ. ಈ ಎಂಜಿನ್ ಫ್ಯೂಯಲ್ ಇಂಜೆಕ್ಷನ್ (Fuel Injection), ಸಿವಿಟಿ (CVT Transmission), ಕಿಕ್ ಹಾಗೂ ಎಲೆಕ್ಟ್ರಿಕ್ ಸ್ಟಾರ್ಟರ್ ಇತ್ಯಾದಿ ತಂತ್ರಜ್ಞಾನಗಳೊಂದಿಗೆ ಬರುತ್ತದೆ.
ಮುಂಭಾಗದಲ್ಲಿ LED ಹೆಡ್‌ಲ್ಯಾಂಪ್ ಮತ್ತು ಹಿಂಭಾಗದಲ್ಲಿ LED ಟೈಲ್ ಲ್ಯಾಂಪ್ ನೀಡಲಾಗಿದೆ. ಜೊತೆಗೆ USB ಪೋರ್ಟ್, ಮುಂಭಾಗ utility pocket, ಸೀಟ್ ಕೆಳಗಿನ ಸ್ಟೋರೇಜ್ ಸ್ಪೇಸ್‌ಗಳು, ಎಂಜಿನ್ ಕಿಲ್ ಸ್ವಿಚ್ ಮತ್ತಿತರ ಉಪಯುಕ್ತ ವೈಶಿಷ್ಟ್ಯಗಳು ಇದರಲ್ಲಿ ಸೇರಿವೆ.
Ride Connect ಆವೃತ್ತಿಯ ಮೈಲೇಜ್ ಸುಮಾರು 46 ಕಿಮೀಪ್ರಲೀಟರ್, ಇಂಧನ ಟ್ಯಾಂಕ್ ಸಾಮರ್ಥ್ಯ 5.3 ಲೀಟರ್, ತೂಕ ಸುಮಾರು 106 ಕೆ.ಜಿ. ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್, ಹಿಂಭಾಗದಲ್ಲಿ ಸ್ವಿಂಗ್ ಆರ್ಮ್ ಸಸ್ಪೆನ್ಷನ್, ಡಿಸ್ಕ್ ಅಥವಾ ಡ್ರಮ್ ಬ್ರೇಕ್ ಆಯ್ಕೆ ಲಭ್ಯವಿದೆ.
ಸುಜುಕಿ ಮೋಟಾರ್‌ಸೈಕಲ್ ಇಂಡಿಯಾದ ಮಾರಾಟ ವಿಭಾಗದ ಉಪಾಧ್ಯಕ್ಷ ದೀಪಕ್ ಮುಟ್ರೆಜಾ ಹೇಳುವಂತೆ, “ನಗರದ ಭಾರೀ ಟ್ರಾಫಿಕ್‌ ನಡುವೆ ಈ ಸ್ಕೂಟರ್ ಸುಲಭ ಚಾಲನೆಗಾಗಿ ವಿನ್ಯಾಸಗೊಳಿಸಲಾಗಿದೆ. ನವೀನ ತಂತ್ರಜ್ಞಾನ ಮತ್ತು ಡಿಜಿಟಲ್ ಡಿಸ್ಪ್ಲೇ ಬಳಕೆದಾರರ ಅನುಭವವನ್ನು ಮತ್ತಷ್ಟು ಸುಧಾರಿಸುತ್ತದೆ. ವಿಶ್ವಾಸಾರ್ಹತೆ, ಸೌಕರ್ಯ ಹಾಗೂ ದಕ್ಷತೆ ಈ ಸ್ಕೂಟರ್‌ನ ವೈಶಿಷ್ಟ್ಯ.”
Suzuki Access Ride Connect launched in India
