ಕೇವಲ ₹10,000 ಡೌನ್ ಪೇಮೆಂಟ್! ಟಾಟಾ ನೆಕ್ಸಾನ್ ಕಾರು ಖರೀದಿಸಿ, ಇಲ್ಲಿದೆ EMI ಲೆಕ್ಕಾಚಾರ

Tata Nexon Car: ಭಾರತೀಯ ಮಾರುಕಟ್ಟೆಯಲ್ಲಿ ಅತ್ಯಂತ ಹೆಚ್ಚು ಮಾರಾಟವಾಗುತ್ತಿರುವ ಕ್ಯಾಂಪ್ಯಾಕ್ಟ್ SUVಗಳಲ್ಲಿ ಟಾಟಾ ನೆಕ್ಸಾನ್ ಪ್ರಮುಖ ಸ್ಥಾನ ಪಡೆದುಕೊಂಡಿದೆ. ಪೆಟ್ರೋಲ್, ಡೀಸೆಲ್, CNG ಮತ್ತು ಎಲೆಕ್ಟ್ರಿಕ್ ಸೇರಿದಂತೆ ವಿವಿಧ ರೂಪಾಂತರಗಳಲ್ಲಿ ಲಭ್ಯವಿರುವ ಈ ಕಾರು ಸಾಮಾನ್ಯ ಗ್ರಾಹಕರಿಂದ ಭಾರೀ ಬೇಡಿಕೆ ಪಡೆದಿದೆ.

ಕೇವಲ ₹10,000 EMIಯಲ್ಲೇ ಕಾರು ಖರೀದಿಸಬಹುದು (Car Loan EMI) ಎಂಬ ಮಾಹಿತಿ ಹಲವರಲ್ಲಿ ಹೊಸ ಆಸಕ್ತಿ ಮೂಡಿಸಿದೆ.

EMI ಲೆಕ್ಕಾಚಾರ

ನೆಕ್ಸಾನ್ ಬೇಸ್‌ ಮಾಡೆಲ್‌ನ ಆನ್-ರೋಡ್ ಬೆಲೆ ಸುಮಾರು ₹9 ಲಕ್ಷದಿಂದ ಆರಂಭವಾಗುತ್ತದೆ. ನೀವು ₹3 ಲಕ್ಷದ ಡೌನ್ ಪೇಮೆಂಟ್ ಮಾಡಿದರೆ, ಉಳಿದ ₹6 ಲಕ್ಷಕ್ಕೆ 10% ಬಡ್ಡಿದರದಲ್ಲಿ 7 ವರ್ಷಗಳ ಸಾಲ ಲಭ್ಯ. ಈ ಲೆಕ್ಕಾಚಾರದ ಪ್ರಕಾರ ತಿಂಗಳಿಗೆ ಸುಮಾರು ₹10,000 EMI ಬರಲಿದೆ. ಕಡಿಮೆ ಬಜೆಟ್‌ನಲ್ಲೂ SUV ಖರೀದಿಸುವ ಅವಕಾಶ ಇದರಿಂದ ಸಿಗುತ್ತದೆ.

ನೆಕ್ಸಾನ್‍ನ ವಿಶೇಷತೆಗಳು

ಐಶಾರಾಮಿ ಒಳಾಂಗಣ, ಸುಸಜ್ಜಿತ ಜಾಗ ಮತ್ತು ಸ್ಥಿರ ರೈಡ್ ಗುಣಮಟ್ಟ ನೆಕ್ಸಾನ್‌ಗೆ ಹೆಚ್ಚುವರಿ ಮೌಲ್ಯ ನೀಡುತ್ತದೆ. ಟಾಪ್-ಎಂಡ್ ಮಾದರಿಗಳಲ್ಲಿ ಪನೋರಾಮಿಕ್ ಸನ್‌ರೂಫ್, JBL ಸೌಂಡ್ ಸಿಸ್ಟಮ್‌ಗಳಂತಹ ವೈಶಿಷ್ಟ್ಯಗಳು ಲಭ್ಯ. ಜೊತೆಗೆ 5-ಸ್ಟಾರ್ BNCAP ಭದ್ರತಾ ರೇಟಿಂಗ್ ಮತ್ತು ಆರು ಏರ್‌ಬ್ಯಾಗ್‌ಗಳನ್ನು ಸ್ಟಾಂಡರ್ಡ್ ಆಗೇ ನೀಡುತ್ತಿರುವುದು ಗ್ರಾಹಕರಿಗೆ ಹೆಚ್ಚಿನ ಭರವಸೆ ನೀಡುತ್ತದೆ.

ಬೇಸ್ ಮಾಡಲ್‌ನಲ್ಲಿ ಏನು ಸಿಗುತ್ತದೆ?

ಸ್ಮಾರ್ಟ್ ಪ್ಲಸ್ ವೇರಿಯಂಟ್‌ನಲ್ಲಿ 1.2 ಲೀಟರ್ ಟರ್ಬೋ ಪೆಟ್ರೋಲ್ ಎಂಜಿನ್ ನೀಡಲಾಗಿದ್ದು, 118 bhp ಶಕ್ತಿ ಉತ್ಪಾದಿಸುತ್ತದೆ. ARAI ಪ್ರಕಾರ 17.44 kmpl ಮೈಲೆಜ್ ಹೊಂದಿರುವ ಈ ಮಾದರಿಯಲ್ಲಿ LED ಹೆಡ್‌ಲ್ಯಾಂಪ್‌ಗಳು, ESP, ಆರು ಏರ್‌ಬ್ಯಾಗ್‌ಗಳು ಮತ್ತು ಮ್ಯಾನುಯಲ್ ಗೇರ್‌ಬಾಕ್ಸ್ ಮೊದಲಾದ ಭದ್ರತಾ ಹಾಗೂ ಅಗತ್ಯ ವೈಶಿಷ್ಟ್ಯಗಳು ಲಭ್ಯ.