ಭಾರತದಲ್ಲಿ ಬಿಡುಗಡೆಯಾಗಲಿವೆ 3 ಹೊಸ ಇ-ಸ್ಕೂಟರ್‌ಗಳು! ಬೆಲೆ ಲಕ್ಷಕ್ಕಿಂತ ಕಡಿಮೆ
ಭಾರತೀಯ ಮಾರುಕಟ್ಟೆಯಲ್ಲಿ ಮೂರು ಹೊಸ ಈ-ಸ್ಕೂಟರ್‌ಗಳು ಶೀಘ್ರದಲ್ಲಿ ಲಾಂಚ್ ಆಗಲಿವೆ. ಕಡಿಮೆ ದರ, ಹೆಚ್ಚು ಮೈಲೇಜ್ ಮತ್ತು ಆಧುನಿಕ ವೈಶಿಷ್ಟ್ಯಗಳ ಕಾರಣ ಗ್ರಾಹಕರ ಗಮನ ಸೆಳೆಯುವ ನಿರೀಕ್ಷೆ ವ್ಯಕ್ತವಾಗಿದೆ.
ಭಾರತೀಯ ಆಟೋ ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ವಾಹನಗಳಿಗೆ ಕಳೆದ ಎರಡು ವರ್ಷಗಳಿಂದ ಬೇಡಿಕೆ ಜೋರಾಗಿದೆ. ಕಡಿಮೆ ನಿರ್ವಹಣೆ, ಕಡಿಮೆ ಚಾಲನಾ ವೆಚ್ಚ ಮತ್ತು ಹೆಚ್ಚು ಮೈಲೇಜ್ ನೀಡುವ ಕಾರಣ ಜನರು ಈ-ಸ್ಕೂಟರ್‌ಗಳತ್ತ ಹೆಚ್ಚು ತಿರುಗುತ್ತಿದ್ದಾರೆ. ಇದೇ ಸಂದರ್ಭದಲ್ಲಿ ಮೂರು ಪ್ರಮುಖ ಕಂಪನಿಗಳು ತಮ್ಮ ಹೊಸ ಮಾದರಿಗಳನ್ನು ಮಾರುಕಟ್ಟೆಗೆ ತರಲು ಸಿದ್ಧವಾಗಿವೆ.
ಮೊದಲನೆಯದಾಗಿ, ಯಮಹಾ ಏರಾಕ್ಸ್-E ಮಾದರಿ ಸ್ಪೋರ್ಟಿ ಲುಕ್‌ ಮತ್ತು ಶಕ್ತಿಶಾಲಿ ಪ್ರದರ್ಶನಕ್ಕಾಗಿ ಯುವಕರನ್ನು ಗುರಿಯಾಗಿಸಿಕೊಂಡಿದೆ. 9.4 kW ಮಿಡ್-ಮೌಂಟೆಡ್ ಎಲೆಕ್ಟ್ರಿಕ್ ಮೋಟರ್, 48 Nm ಟಾರ್ಕ್ ಹಾಗೂ ಎರಡು ಡಿಟಾಚ್ ಮಾಡಬಹುದಾದ ಬ್ಯಾಟರಿ ಪ್ಯಾಕ್‌ ಸೇರಿ ಒಟ್ಟು 6 kWh ಸಾಮರ್ಥ್ಯವನ್ನು ಹೊಂದಿದೆ.
ಎಕೋ, ಸ್ಟಾಂಡರ್ಡ್, ಪವರ್ ಮತ್ತು ಬೂಸ್ಟ್ ಸೇರಿ ನಾಲ್ಕು ರೈಡಿಂಗ್ ಮೋಡ್‌ಗಳಿರುವುದು ಇದರ ವಿಶೇಷ. TFT ಕಾನ್ಸೋಲ್, ಬ್ಲೂಟೂತ್, ನ್ಯಾವಿಗೇಶನ್, OTA ಅಪ್‌ಡೇಟ್‌ಗಳೂ ಲಭ್ಯ.
ಇನ್ನೊಂದೆಡೆ, ಹೊಸ ತಲೆಮಾರಿನ ಬಜಾಜ್ ಚೇತಕ್ ಕುಟುಂಬ ಬಳಕೆದಾರರನ್ನು ಗಮನದಲ್ಲಿ ಇಟ್ಟುಕೊಂಡು ವಿನ್ಯಾಸಗೊಳಿಸಲಾಗಿದೆ. ಓವಲ್ LED ಹೆಡ್ಲ್ಯಾಂಪ್, DRL, LCD ಕ್ಲಸ್ಟರ್ ಮತ್ತು ಹಬ್-ಮೌಂಟೆಡ್ ಮೋಟರ್ ಇದನ್ನು ಆಕರ್ಷಕವಾಗಿಸುತ್ತದೆ.
3 kWh–3.5 kWh ಬ್ಯಾಟರಿಯಿಂದ 123–150 ಕಿಮೀ ರೇಂಜ್. ಟಚ್‌ಸ್ಕ್ರೀನ್, ಜಿಯೋ-ಫೆನ್ಸಿಂಗ್, ಮ್ಯೂಸಿಕ್ ಕಂಟ್ರೋಲ್, ಸ್ಮಾರ್ಟ್‌ಫೋನ್ ಕನೆಕ್ಟಿವಿಟಿ ಮುಂತಾದವುಗಳೂ ದೊರೆಯಲಿವೆ.
ಮತ್ತೊಂದು ಮುಖ್ಯ ಪ್ರತಿಸ್ಪರ್ಧಿ ಅಥರ್ EL, ಕುಟುಂಬ ಮತ್ತು ದೈನಂದಿನ ಪ್ರಯಾಣಿಕರಿಗೆ ಅನುಗುಣವಾಗಿರುವ ಕೈಗೆಟುಕುವ ಮಾದರಿ. 2–5 kWh ಬ್ಯಾಟರಿ ಸಾಮರ್ಥ್ಯಕ್ಕೆ ಬೆಂಬಲ ನೀಡುವ ಈ ಸ್ಕೂಟರ್ 100–150 ಕಿಮೀ ರೇಂಜ್ ನೀಡಲಿದೆ.
AI ಆಧಾರಿತ ಕನೆಕ್ಟಿವಿಟಿ, ಕಡಿಮೆ ತೂಕದ ಮೆಟೀರಿಯಲ್, ದೀರ್ಘಕಾಲ ಸರ್ವಿಸ್‌ ಲೈಫ್ ಇದರ ಹೈಲೈಟ್‌. ಉತ್ತರ ಮತ್ತು ಮಧ್ಯ ಭಾರತದಲ್ಲಿ ತನ್ನ ವ್ಯಾಪಾರ ವಿಸ್ತರಿಸಲು ಅಥರ್ 700ಕ್ಕೂ ಹೆಚ್ಚು ಶೋರೂಮ್‌ ತೆರೆಯಲು ಯೋಜಿಸಿದೆ.
ಮೂರು ಸ್ಕೂಟರ್‌ಗಳೂ 1 ಲಕ್ಷ ರೂಪಾಯಿ ಒಳಗಿನ ಪ್ರಾರಂಭಿಕ ಬೆಲೆಯಲ್ಲಿ ಬರಲಿರುವುದರಿಂದ ಮಾರುಕಟ್ಟೆಯಲ್ಲಿ ಭಾರೀ ಸ್ಪರ್ಧೆ ಅನಿವಾರ್ಯವಾಗಿದೆ.
Three New Affordable E-Scooters Coming Soon in India
