ಟಾಪ್ 5 ಎಲೆಕ್ಟ್ರಿಕ್ ಸ್ಕೂಟರ್‌ಗಳು! ಕಡಿಮೆ ದರದಲ್ಲಿ ಹೆಚ್ಚು ಮೈಲೇಜ್ ಮತ್ತು ಸ್ಮಾರ್ಟ್ ಫೀಚರ್ಸ್‌

Electric Scooters: ಭಾರತದಲ್ಲಿ ಪೆಟ್ರೋಲ್ ಬೆಲೆಗಳು ಏರಿಕೆಯಾಗುತ್ತಿರುವ ಸಂದರ್ಭದಲ್ಲಿ, ಜನರು ಹೆಚ್ಚು ಆರ್ಥಿಕ ಮತ್ತು ಪರಿಸರ ಸ್ನೇಹಿ ಪ್ರಯಾಣದ ಮಾರ್ಗಗಳನ್ನು ಹುಡುಕುತ್ತಿದ್ದಾರೆ. ಅದಕ್ಕೆ ಪರ್ಯಾಯವಾಗಿ ಎಲೆಕ್ಟ್ರಿಕ್ ಸ್ಕೂಟರ್‌ಗಳು ಗ್ರಾಹಕರಲ್ಲಿ ಹೊಸ ಟ್ರೆಂಡ್ ಆಗಿವೆ. ಇವು ಧೂಮ ಮತ್ತು ಶಬ್ದ ರಹಿತವಾಗಿದ್ದು, ದಿನನಿತ್ಯದ ಪ್ರಯಾಣಕ್ಕೆ ಅತ್ಯುತ್ತಮ ಆಯ್ಕೆಯಾಗಿ ಹೊರಹೊಮ್ಮಿವೆ.

ಓಲಾ S1 X (Ola S1 X) : ಕಂಪನಿಯ ಅತ್ಯಂತ ಬಜೆಟ್ ಸ್ನೇಹಿ ಎಲೆಕ್ಟ್ರಿಕ್ ಸ್ಕೂಟರ್ ಆಗಿದ್ದು, ಇದರ ಬೆಲೆ ₹79,999 ರಿಂದ ಆರಂಭವಾಗುತ್ತದೆ. 2kWh ರಿಂದ 4kWh ಬ್ಯಾಟರಿ ಆಯ್ಕೆಯೊಂದಿಗೆ ಬರುತ್ತದೆ. ಒಂದು ಬಾರಿ ಚಾರ್ಜ್ ಮಾಡಿದರೆ 242 ಕಿಮೀ ದೂರ ಪ್ರಯಾಣಿಸಬಹುದು. 5.5kW ಮೋಟಾರ್ ಕೇವಲ 2.6 ಸೆಕೆಂಡುಗಳಲ್ಲಿ 0 ರಿಂದ 40 ಕಿಮೀ/ಗಂ ವೇಗ ತಲುಪುತ್ತದೆ. 7 ಇಂಚಿನ ಟಿಎಫ್‌ಟಿ ಡಿಸ್ಪ್ಲೇ, ಕ್ರೂಯಿಸ್ ಕಂಟ್ರೋಲ್, ರಿವರ್ಸ್ ಮೋಡ್ ಮತ್ತು ನ್ಯಾವಿಗೇಶನ್‌ಗಳು ಇದನ್ನು ಅತ್ಯಾಧುನಿಕ ಮಾಡುತ್ತವೆ.

ಟಿವಿಎಸ್ ಐಕ್ಯೂಬ್ (TVS iQube) : ಸುಲಭ ಪ್ರಯಾಣ ಮತ್ತು ಸ್ಮಾರ್ಟ್ ಫೀಚರ್ಸ್‌ನಿಂದ ಜನಪ್ರಿಯವಾದ ಈ ಸ್ಕೂಟರ್ ₹96,422 ರಿಂದ ಲಭ್ಯ. ಇದು 2.2kWh ರಿಂದ 5.1kWh ಬ್ಯಾಟರಿ ಪ್ಯಾಕ್ ಹೊಂದಿದೆ ಮತ್ತು 212 ಕಿಮೀ ರೇಂಜ್ ನೀಡುತ್ತದೆ. ಅಲೆಕ್ಸಾ ಇಂಟಿಗ್ರೇಷನ್, ಟಚ್‌ಸ್ಕ್ರೀನ್ ಡಿಸ್ಪ್ಲೇ, ಜಿಯೋ ಫೆನ್ಸಿಂಗ್ ಮುಂತಾದ ತಂತ್ರಜ್ಞಾನಗಳು ಇದರ ವೈಶಿಷ್ಟ್ಯ.

ಬಜಾಜ್ ಚೇತಕ್ (Bajaj Chetak) : ಕ್ಲಾಸಿಕ್ ಡಿಸೈನ್ ಮತ್ತು ಆಧುನಿಕ ತಂತ್ರಜ್ಞಾನಗಳ ಸಂಯೋಜನೆಯಿಂದ ಪ್ರಸಿದ್ಧ. ಇದರ ಬೆಲೆ ₹1,02,400 ಆಗಿದೆ. 3.5kWh ಬ್ಯಾಟರಿ ಮತ್ತು 4kW ಮೋಟಾರ್ ಹೊಂದಿದ್ದು, 153 ಕಿಮೀ ದೂರ ಪ್ರಯಾಣಿಸಲು ಸಾಧ್ಯ. ಬ್ಲೂಟೂತ್, ಟಚ್ ಡ್ಯಾಶ್‌ಬೋರ್ಡ್, ಲೈವ್ ಟ್ರ್ಯಾಕಿಂಗ್ ಮುಂತಾದ ವೈಶಿಷ್ಟ್ಯಗಳಿವೆ.

ಅಥರ್ ರಿಜ್ಟಾ (Ather Rizta) : ಕುಟುಂಬದ ಪ್ರಯಾಣಕ್ಕೆ ಸೂಕ್ತವಾದ ಈ ಸ್ಕೂಟರ್ ₹1,04,999 ದಿಂದ ಲಭ್ಯವಿದೆ. 2.9kWh ಅಥವಾ 3.7kWh ಬ್ಯಾಟರಿ ಆಯ್ಕೆಯು 159 ಕಿಮೀ ರೇಂಜ್ ನೀಡುತ್ತದೆ. 7 ಇಂಚಿನ ಟಚ್ ಸ್ಕ್ರೀನ್, ವಾಯ್ಸ್ ಅಸಿಸ್ಟೆಂಟ್, ಮಲ್ಟಿ ರೈಡ್ ಮೋಡ್‌ಗಳು ಈ ಸ್ಕೂಟರ್‌ನ ವಿಶೇಷತೆ.

ಹೋಂಡಾ ಆಕ್ಟಿವಾ E (Honda Activa E) : ಹೋಂಡಾ ಕಂಪನಿಯ ಪ್ರಸಿದ್ಧ ಆಕ್ಟಿವಾ ಮಾದರಿಯ ಎಲೆಕ್ಟ್ರಿಕ್ ಆವೃತ್ತಿ ಇದೀಗ ಮಾರುಕಟ್ಟೆಯಲ್ಲಿ ಲಭ್ಯ. ಇದರ ಬೆಲೆ ₹1,17,428 ಆಗಿದೆ. 1.5kWh ಬದಲಾಯಿಸಬಹುದಾದ ಬ್ಯಾಟರಿ ಹೊಂದಿರುವ ಇದು ಒಂದು ಚಾರ್ಜ್‌ನಲ್ಲಿ 102 ಕಿಮೀ ದೂರ ಪ್ರಯಾಣಿಸಬಹುದು. ಡಿಜಿಟಲ್ ಕ್ಲಸ್ಟರ್, ಬ್ಲೂಟೂತ್ ಮತ್ತು ರಿಜೆನೆರೇಟಿವ್ ಬ್ರೇಕಿಂಗ್‌ಗಳು ಇದರ ವಿಶೇಷತೆ.

ಈ ಎಲ್ಲ ಸ್ಕೂಟರ್‌ಗಳು ಪೆಟ್ರೋಲ್ ಖರ್ಚು ಕಡಿಮೆ ಮಾಡುತ್ತವೆ, ಪರಿಸರ ರಕ್ಷಣೆಗೆ ಸಹಕಾರ ನೀಡುತ್ತವೆ ಮತ್ತು ದಿನನಿತ್ಯದ ಪ್ರಯಾಣವನ್ನು ಸುಲಭ ಹಾಗೂ ಆರ್ಥಿಕಗೊಳಿಸುತ್ತವೆ.