20 ಲಕ್ಷ ಬಜೆಟ್‌ನಲ್ಲಿ ಲಭ್ಯವಿರುವ ಟಾಪ್ 5 ಎಲೆಕ್ಟ್ರಿಕ್ ಕಾರುಗಳು! ಇವೇ ಬೆಸ್ಟ್ ಮಾದರಿಗಳು
ಭಾರತದಲ್ಲಿ ಎಲೆಕ್ಟ್ರಿಕ್ ಕಾರುಗಳ ಬೇಡಿಕೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ₹20 ಲಕ್ಷ ಬಜೆಟ್‌ನಲ್ಲಿ ಹೆಚ್ಚು ಮೈಲೇಜ್, ಆಕರ್ಷಕ ವಿನ್ಯಾಸ ಹಾಗೂ ಆಧುನಿಕ ತಂತ್ರಜ್ಞಾನ ಹೊಂದಿರುವ ಟಾಪ್ 5 ಎಲೆಕ್ಟ್ರಿಕ್ ಕಾರುಗಳ ವಿವರ ಇಲ್ಲಿದೆ.
Electric Cars : ಭಾರತದಲ್ಲಿ ಈಗ ಎಲೆಕ್ಟ್ರಿಕ್ ಕಾರುಗಳ ಕಾಲ ಶುರುವಾಗಿದೆ. ಪರಿಸರ ಸ್ನೇಹಿ ಹಾಗೂ ಪೆಟ್ರೋಲ್-ಡೀಸೆಲ್ ಬೆಲೆ ಏರಿಕೆಯಿಂದಾಗಿ ಹೆಚ್ಚು ಜನ ಈಗ ಗ್ರೀನ್ ಡ್ರೈವಿಂಗ್‌ಕಡೆ ಮುಖಮಾಡಿದ್ದಾರೆ.
₹20 ಲಕ್ಷ ಒಳಗಿನ ಬಜೆಟ್‌ನಲ್ಲಿಯೇ ಇದೀಗ ಸಾಕಷ್ಟು ಸ್ಟೈಲಿಷ್ ಹಾಗೂ ಪವರ್‌ಫುಲ್ ಎಲೆಕ್ಟ್ರಿಕ್ ಕಾರುಗಳು ಲಭ್ಯವಿವೆ.
ಮಹೀಂದ್ರಾ BE.6: ಮಹೀಂದ್ರಾ ಕಂಪನಿಯ BE.6 ಮಾದರಿ ಸುಮಾರು ₹18.9 ಲಕ್ಷಕ್ಕೆ ಲಭ್ಯ. 557 ಕಿ.ಮೀ. ರೇಂಜ್‌ನೊಂದಿಗೆ ಈ ಮಾದರಿ ಈ ಲಿಸ್ಟ್‌ನಲ್ಲಿ ಮೊದಲ ಸ್ಥಾನದಲ್ಲಿದೆ. ಫ್ಯೂಚರಿಸ್ಟಿಕ್ ವಿನ್ಯಾಸ, ಅಡ್ವಾನ್ಸ್ಡ್ ಪ್ಲಾಟ್‌ಫಾರ್ಮ್ ಮತ್ತು ಹೈಟೆಕ್ ಇಂಟೀರಿಯರ್ ಈ ಕಾರಿನ ಆಕರ್ಷಣೆ. ಆದರೆ ಹೈ ಎಂಡ್ ಮಾದರಿಗಳ ಬೆಲೆ ₹20 ಲಕ್ಷ ದಾಟಬಹುದು.
ಟಾಟಾ ಪಂಚ್ EV: ಟಾಟಾ ಕಂಪನಿಯ ಪಂಚ್ EV ಕೇವಲ ₹9.99 ಲಕ್ಷದ ಆರಂಭಿಕ ಬೆಲೆಯಲ್ಲಿ ಸಿಗುತ್ತದೆ. 290 ಕಿ.ಮೀ. ರೇಂಜ್ ಇರುವ ಈ ಕಾರು ನಗರ ಸಂಚಾರಕ್ಕೆ ಅತ್ಯುತ್ತಮ. ಟಚ್‌ಸ್ಕ್ರೀನ್, ಫಾಸ್ಟ್ ಚಾರ್ಜಿಂಗ್ ಸೌಲಭ್ಯಗಳೊಂದಿಗೆ ಇದು ಹೊಸ ಖರೀದಿದಾರರಿಗೆ ಟ್ರಸ್ಟೆಡ್ ಆಯ್ಕೆ. ಆದರೆ ಹೈವೇ ಪ್ರಯಾಣಕ್ಕೆ ಅಷ್ಟು ಸೂಕ್ತವಲ್ಲ.
ಹ್ಯೂಂಡೈ ಕ್ರೆಟಾ EV: ₹18.02 ಲಕ್ಷ ಬೆಲೆಯಲ್ಲಿ ಲಭ್ಯವಾಗುವ ಹ್ಯೂಂಡೈ ಕ್ರೆಟಾ ಎಲೆಕ್ಟ್ರಿಕ್, ಜನಪ್ರಿಯ SUV ಕ್ರೆಟಾ ಮಾದರಿಯ ಎಲೆಕ್ಟ್ರಿಕ್ ರೂಪ. 510 ಕಿ.ಮೀ. ರೇಂಜ್ ನೀಡುವ ಈ ವಾಹನ ಹ್ಯೂಂಡೈನ ಟ್ರಸ್ಟ್‌ಬ್ರಾಂಡ್ ಹಾಗೂ ಸರ್ವಿಸ್ ನೆಟ್ವರ್ಕ್‌ನಿಂದ ಹೆಚ್ಚು ಖ್ಯಾತಿ ಗಳಿಸಿದೆ. ಲಾಂಗ್ ಟ್ರಾವೆಲ್‌ಗಳಿಗೆ ಇದು ಸೂಕ್ತ ಆಯ್ಕೆ.
MG ವಿಂಡ್ಸರ್ ಪ್ರೋ: ₹17.25 ಲಕ್ಷ ಬೆಲೆಯ MG ವಿಂಡ್ಸರ್ ಪ್ರೋ ತನ್ನ ‘Battery-as-a-Service’ ಮಾದರಿಯಿಂದ ವಿಶಿಷ್ಟ. ಬ್ಯಾಟರಿಗಾಗಿ ಪ್ರತ್ಯೇಕ ಮಾಸಿಕ ಶುಲ್ಕ ಪಾವತಿಸಿ ಕಾರು ಖರೀದಿಸಬಹುದು. 449 ಕಿ.ಮೀ. ರೇಂಜ್ ನೀಡುವ ಈ ಕಾರು ಪ್ರೀಮಿಯಂ ಇಂಟೀರಿಯರ್ ಹಾಗೂ ಟೆಕ್‌ ಫೀಚರ್‌ಗಳಿಂದ ತುಂಬಿದೆ.
ಕಿಯಾ ಕಾರೆನ್ಸ್ ಕ್ಲಾವಿಸ್ EV: ₹17.99 ಲಕ್ಷ ಬೆಲೆಯಲ್ಲಿ ಲಭ್ಯವಿರುವ ಕಿಯಾ ಕಾರೆನ್ಸ್ ಕ್ಲಾವಿಸ್ EV, ಭಾರತದ ಅತ್ಯಂತ ಅಫೋರ್ಡಬಲ್ 7-ಸೀಟರ್ ಎಲೆಕ್ಟ್ರಿಕ್ ಕಾರು. ದೊಡ್ಡ ಕುಟುಂಬಗಳಿಗೆ ಸೂಕ್ತವಾಗಿರುವ ಈ ಕಾರು 490 ಕಿ.ಮೀ. ರೇಂಜ್ ಹಾಗೂ ಪ್ಯಾನೋರಾಮಿಕ್ ಸನ್‌ರೂಫ್, ಸೆಫ್ಟಿ ಫೀಚರ್‌ಗಳಿಂದ ಗಮನ ಸೆಳೆಯುತ್ತದೆ.
ಈ ಪಟ್ಟಿ, ಬಜೆಟ್ ಹಾಗೂ ಫೀಚರ್‌ಗಳ ಮಧ್ಯೆ ಪರ್ಫೆಕ್ಟ್ ಬ್ಯಾಲೆನ್ಸ್ ಹುಡುಕುತ್ತಿರುವವರಿಗೆ ಮಾರ್ಗದರ್ಶಕವಾಗಲಿದೆ. ಭಾರತದಲ್ಲಿ ಎಲೆಕ್ಟ್ರಿಕ್ ಕಾರುಗಳ ಭವಿಷ್ಯ ಸ್ಪಷ್ಟ — ಗ್ರೀನ್, ಸ್ಟೈಲಿಷ್ ಮತ್ತು ಸ್ಮಾರ್ಟ್!
Top 5 Electric Cars in India Under 20 Lakh
