ಭಾರತದಲ್ಲಿ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಪಡೆದ ಪ್ರಮುಖ ಎಲೆಕ್ಟ್ರಿಕ್ ಕಾರುಗಳು
ಭಾರತೀಯ ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ಕಾರುಗಳಿಗೆ ಬೇಡಿಕೆ ಏರಿಕೆಯಾಗುತ್ತಿರುವ ನಡುವೆ, ಭಾರತ NCAP ನಡೆಸಿದ ಕ್ರ್ಯಾಶ್ ಪರೀಕ್ಷೆಯಲ್ಲಿ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಪಡೆದ ಬಹುಶಃ ಟಾಟಾ, ಮಹೀಂದ್ರಾ ಮತ್ತು ಮಾರುತಿಯ EVಗಳು ಗಮನಸೆಳೆಯುತ್ತಿವೆ.
Electric Cars: ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳತ್ತ ತಿರುಗುತ್ತಿರುವ ಓಟ ದಿನದಿಂದ ದಿನಕ್ಕೆ ಗಟ್ಟಿಯಾಗುತ್ತಿದೆ. ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಏರಿಕೆಯಾಗಿರುವ ಹಿನ್ನೆಲೆಯಲ್ಲೇ, ಸುರಕ್ಷತೆ ಮತ್ತು ದೀರ್ಘ ಶ್ರೇಣಿ ನೀಡುವ EVಗಳ ಮಾರುಕಟ್ಟೆ ವೇಗವಾಗಿ ವಿಸ್ತರಿಸುತ್ತಿದೆ.
ಇದಕ್ಕೆ ಸೇರ್ಪಡೆಯಾಗಿ ಭಾರತ NCAP ನಡೆಸುತ್ತಿರುವ ನೂತನ ಸುರಕ್ಷತಾ ಪರೀಕ್ಷೆಗಳು ಗ್ರಾಹಕರ ವಿಶ್ವಾಸವನ್ನು ಹೆಚ್ಚಿಸಿವೆ.
ಮಾರುತಿ ಇ-ವಿಟಾರಾ 5-ಸ್ಟಾರ್ ಸಾಧನೆ
ಮಾರುತಿ ಸುದೀರ್ಘ ನಿರೀಕ್ಷೆಯ ಬಳಿಕ ಭಾರತೀಯ ಮಾರುಕಟ್ಟೆಗೆ ತನ್ನ ಮೊದಲ ಎಲೆಕ್ಟ್ರಿಕ್ ಕಾರಾದ ಇ-ವಿಟಾರಾನ್ನು ಪರಿಚಯಿಸಿದೆ. 2026 ಜನವರಿಯಲ್ಲಿ ಅಧಿಕೃತವಾಗಿ ಲಾಂಚ್ ಆಗಲಿರುವ ಈ ಕಾರು, ಕ್ರ್ಯಾಶ್ ಪರೀಕ್ಷೆಯಲ್ಲಿ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಪಡೆದಿದ್ದು ಕಂಪನಿಗೆ ದೊಡ್ಡ ಬಲವಾಗಿದೆ. ವಯಸ್ಕರ ಸುರಕ್ಷತೆಯಲ್ಲಿ 32ರಲ್ಲಿ 31.49 ಹಾಗೂ ಮಕ್ಕಳ ಸುರಕ್ಷತೆಯಲ್ಲಿ 49ರಲ್ಲಿ 43 ಅಂಕಗಳನ್ನು ಪಡೆದಿದೆ.
ಟಾಟಾ EVಗಳ ಬಲಿಷ್ಠ ಪ್ರದರ್ಶನ
ಎಲೆಕ್ಟ್ರಿಕ್ ಕಾರು ವಿಭಾಗದಲ್ಲಿ ಟಾಟಾ ಮೋಟಾರ್ಸ್ ಈಗಾಗಲೇ ಪ್ರಮುಖ ಸ್ಥಾನವನ್ನು ಹೊಂದಿದೆ. ಪಂಛ್ EV, ಹರಿಯರ್ EV, ನಕ್ಸಾನ್ EV ಮತ್ತು ಕರ್ವ್ EV — ಈ ನಾಲ್ಕೂ ಮಾದರಿಗಳು ಭಾರತ NCAP ಕ್ರ್ಯಾಶ್ ಟೆಸ್ಟ್‌ನಲ್ಲಿ 5-ಸ್ಟಾರ್ ರೇಟಿಂಗ್ ಗಳಿಸಿವೆ.
- ಹರಿಯರ್ EV (AOP 32/32, COP 45/49)
- ಪಂಛ್ EV (AOP 31.46/32, COP 45/49)
- ನಕ್ಸಾನ್ EV (AOP 29.86/32, COP 44.95/49)
- ಕರ್ವ್ EV (AOP 30.81/32, COP 44.83/49)
ಮಹೀಂದ್ರಾ EVಗಳು: ಸುರಕ್ಷತೆಯಲ್ಲಿ ಮತ್ತೊಂದು ಹೆಜ್ಜೆ
ಟಾಟಾ ನಂತರ ಹೆಚ್ಚಿನ EV ಮಾದರಿಗಳನ್ನು ಬಿಡುಗಡೆ ಮಾಡಿರುವ ಕಂಪನಿ ಮಹೀಂದ್ರಾ. XUV 400 EV, XEV 9e ಮತ್ತು BE 6, ಈ ಮೂರು ಮಾದರಿಗಳೂ 5-ಸ್ಟಾರ್ ಸುರಕ್ಷತಾ ಮೌಲ್ಯಮಾಪನ ಪಡೆದುಕೊಂಡಿವೆ.
- XUV 400 EV (AOP 30.38, COP 43)
- XEV 9e (AOP 32/32, COP 45/49)
- BE 6 (AOP 31.97/32, COP 45/49)
ಭಾರತದಲ್ಲಿ ಸುರಕ್ಷತೆ, ಶ್ರೇಣಿ ಮತ್ತು ತಂತ್ರಜ್ಞಾನಗಳನ್ನು ಪ್ರಮುಖವಾಗಿ ಪರಿಗಣಿಸುವ ಗ್ರಾಹಕರ ಸಂಖ್ಯೆ ಹೆಚ್ಚುತ್ತಿರುವುದರಿಂದ 5-ಸ್ಟಾರ್ ರೇಟಿಂಗ್ ಪಡೆದ ಇಂತಹ ಎಲೆಕ್ಟ್ರಿಕ್ ಕಾರುಗಳು ಹೆಚ್ಚು ಜನಪ್ರಿಯವಾಗುತ್ತಿವೆ. ಮುಂದಿನ ವರ್ಷಗಳಲ್ಲಿ ಇನ್ನೂ ಹೆಚ್ಚಿನ ಸುರಕ್ಷತಾ ಮಾನದಂಡಗಳೊಂದಿಗೆ ಹೊಸ EVಗಳು ಬರಬಹುದೆಂಬ ನಿರೀಕ್ಷೆಯಿದೆ.
