ಒಂದೇ ಚಾರ್ಜ್‌ನಲ್ಲಿ 158 ಕಿ.ಮೀ ಮೈಲೇಜ್! ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಬಿಡುಗಡೆ - Electric Scooter
158 ಕಿ.ಮೀ ಮೈಲೇಜ್, ಆಕರ್ಷಕ ಡ್ಯುಯಲ್ ಟೋನ್ ಕಲರ್ ಆಯ್ಕೆಗಳು, ಬ್ಲೂಟೂತ್ ಡಿಜಿಟಲ್ ಕ್ಲಸ್ಟರ್, ಭದ್ರತಾ ವೈಶಿಷ್ಟ್ಯಗಳು – ಅಗ್ಗದ ಬೆಲೆಯಲ್ಲೇ ಟಿವಿಎಸ್ ಹೊಸ ಆರ್ಬಿಟರ್ ಎಲೆಕ್ಟ್ರಿಕ್ ಸ್ಕೂಟರ್
- ಟಿವಿಎಸ್ ಆರ್ಬಿಟರ್ ಎಲೆಕ್ಟ್ರಿಕ್ ಸ್ಕೂಟರ್ 158 ಕಿ.ಮೀ ರೇಂಜ್ ಒದಗಿಸುತ್ತದೆ
- ಆರು ವಿಭಿನ್ನ ಡ್ಯುಯಲ್ ಟೋನ್ ಬಣ್ಣಗಳ ಆಯ್ಕೆಯೊಂದಿಗೆ ಬಂದಿದೆ
- ಬ್ಲೂಟೂತ್, ಜಿಯೋಫೆನ್ಸಿಂಗ್, ಕ್ರೂಸ್ ಕಂಟ್ರೋಲ್ ಸೇರಿದಂತೆ ಸ್ಮಾರ್ಟ್ ವೈಶಿಷ್ಟ್ಯಗಳು
TVS Orbiter Electric Scooter : ಎಲೆಕ್ಟ್ರಿಕ್ ವಾಹನ ಮಾರುಕಟ್ಟೆಯಲ್ಲಿ ತನ್ನ ಪಾದಾರ್ಪಣೆ ಇನ್ನಷ್ಟು ಬಲಪಡಿಸಲು ಟಿವಿಎಸ್ ಮೋಟಾರ್ ಕಂಪನಿ ಆರ್ಬಿಟರ್ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಪರಿಚಯಿಸಿದೆ.
ಬಹುಕಾಲದ ನಿರೀಕ್ಷೆಯ ನಂತರ ಬಂತು ಎಂಬ ಖುಷಿಯ ವಾತಾವರಣವಿದೆ. ಆರಂಭಿಕ ಬೆಲೆ ₹99,900 (ಎಕ್ಸ್-ಶೋ ರೂಂ) ಎಂದು ಕಂಪನಿ ಘೋಷಿಸಿದೆ.
ಡಿಸೈನ್ ಮತ್ತು ಶೈಲಿ:
ಆರ್ಬಿಟರ್ ಒಂದು ಅರ್ಬನ್ ಎಲೆಕ್ಟ್ರಿಕ್ ಸ್ಕೂಟರ್ ಆಗಿದ್ದು, ಆಕರ್ಷಕ ಡ್ಯುಯಲ್ ಟೋನ್ ಪೇಂಟ್ ಜತೆಗೆ ದೊಡ್ಡ ಎಲ್‌ಇಡಿ ಲೈಟ್ಸ್‌, ವಿಶಾಲವಾದ ವೈಡ್ ಸ್ಕ್ರೀನ್‌, ಹಾಗೂ ಬ್ಲೂಟೂತ್ ಡಿಜಿಟಲ್ ಕ್ಲಸ್ಟರ್ ಹೊಂದಿದೆ. ಇದರಲ್ಲಿ USB ಚಾರ್ಜಿಂಗ್, OTA ಅಪ್‌ಡೇಟ್ಸ್ ಹಾಗೂ ಸ್ಮಾರ್ಟ್ ನಾವಿಗೇಶನ್ ಸೌಲಭ್ಯಗಳೂ ಸೇರಿವೆ.
ಇದನ್ನೂ ಓದಿ: ಜಿಯೋ ಬಳಕೆದಾರರಿಗೆ ಬಂಪರ್ ಆಫರ್, ಕೇವಲ 91 ರೂಪಾಯಿಗೆ 28 ದಿನಗಳ ವ್ಯಾಲಿಡಿಟಿ
ಬಣ್ಣಗಳ ಆಯ್ಕೆಗಳು:
ಸ್ಕೂಟರ್ ಆರು ವಿಭಿನ್ನ ಬಣ್ಣಗಳಲ್ಲಿ ಲಭ್ಯ – ನಿಯಾನ್ ಸನ್‌ಬರ್ಸ್ಟ್, ಸ್ಟ್ರಾಟೋಸ್ ಬ್ಲೂ, ಲೂನರ್ ಗ್ರೇ, ಮಾರ್ಟಿನ್ ಕಾಪರ್, ಕಾಸ್ಮಿಕ್ ಟೈಟಾನಿಯಂ ಮತ್ತು ಸ್ಟೆಲ್ಲರ್ ಸಿಲ್ವರ್.
ರೇಂಜ್
ಒಮ್ಮೆ ಚಾರ್ಜ್ ಮಾಡಿದರೆ 158 ಕಿ.ಮೀ ದೂರ ಸಾಗಿ, ಗರಿಷ್ಠ 68 ಕಿ.ಮೀ ವೇಗ ತಲುಪಬಲ್ಲದು ಎಂದು ಕಂಪನಿ ಹೇಳಿದೆ. ವೀಲ್ ಹಬ್ ಮೋಟರ್ ಅಳವಡಿಸಲಾಗಿದೆ.
ಸ್ಮಾರ್ಟ್ ತಂತ್ರಜ್ಞಾನ:
- ಅಪಘಾತ ಎಚ್ಚರಿಕೆ, ಸ್ಕೂಟರ್ ಕಳ್ಳತನ ವಿರೋಧಿ ಸೌಲಭ್ಯ
- ಜಿಯೋ-ಫೆನ್ಸಿಂಗ್, ಟೈಮ್-ಫೆನ್ಸಿಂಗ್ ಅಲರ್ಟ್
- ಮೊಬೈಲ್ ಆಪ್ ಮೂಲಕ ಬ್ಯಾಟರಿ ಸ್ಥಿತಿ, ಓಡೋಮೀಟರ್ ಪರಿಶೀಲನೆ
- ಹಿಲ್ ಹೋಲ್ಡ್ ಅಸಿಸ್ಟ್, ಕ್ರೂಸ್ ಕಂಟ್ರೋಲ್, ಪಾರ್ಕಿಂಗ್ ಅಸಿಸ್ಟ್
- OTA ಅಪ್‌ಡೇಟ್ಸ್ ಮೂಲಕ ನಿರಂತರ ನವೀಕರಣ
ಮಾರುಕಟ್ಟೆ ಸ್ಪರ್ಧೆ:
ಆರ್ಬಿಟರ್, ಅಥರ್ ರಿಜ್ಟಾ, ಓಲಾ S1X ಮತ್ತು ಹೀರೋ VIDA VX2 ಮಾದರಿಗಳಿಗೆ ಬಲವಾದ ಪ್ರತಿಸ್ಪರ್ಧಿಯಾಗಲಿದೆ. ಬುಕ್ಕಿಂಗ್‌ಗಳನ್ನು ಅಧಿಕೃತ ವೆಬ್‌ಸೈಟ್ ಹಾಗೂ ಟಿವಿಎಸ್ ಡೀಲರ್‌ಶಿಪ್‌ಗಳಲ್ಲಿ ಪ್ರಾರಂಭಿಸಲಾಗಿದೆ. ಆದರೆ ಡೆಲಿವರಿ ಟೈಮ್‌ಲೈನ್ ಬಗ್ಗೆ ಕಂಪನಿ ಇನ್ನೂ ಮಾಹಿತಿ ನೀಡಿಲ್ಲ.
TVS Orbiter Electric Scooter
