ಟಿವಿಎಸ್ ಬೈಕ್ ಮತ್ತು ಸ್ಕೂಟರ್ ಬೆಲೆಯಲ್ಲಿ ಭಾರೀ ಇಳಿಕೆ! ಖರೀದಿಗೆ ಬಂಪರ್ ಅವಕಾಶ
ಜಿಎಸ್ಟಿ 2.0 ಹೊಸ ತೆರಿಗೆ ಸ್ಲ್ಯಾಬ್ ಪರಿಣಾಮವಾಗಿ ಟಿವಿಎಸ್ ತನ್ನ ಬೈಕ್ ಹಾಗೂ ಸ್ಕೂಟರ್ಗಳ ಬೆಲೆಯಲ್ಲಿ ಸಾವಿರಾರು ರೂಪಾಯಿ ಇಳಿಕೆ ಘೋಷಿಸಿದೆ. ಹಬ್ಬದ ಸೀಸನ್ನಲ್ಲಿ ಗ್ರಾಹಕರಿಗೆ ಇದು ಸಂತಸದ ಸುದ್ದಿ.
TVS Bike and Scooter Prices: ಹಬ್ಬದ ಸೀಸನ್ನಲ್ಲಿ ಗ್ರಾಹಕರನ್ನು ಆಕರ್ಷಿಸಲು ಟಿವಿಎಸ್ ತನ್ನ ಜನಪ್ರಿಯ ಬೈಕ್ ಮತ್ತು ಸ್ಕೂಟರ್ ಮಾದರಿಗಳ ಬೆಲೆಯಲ್ಲಿ ಭಾರೀ ಇಳಿಕೆಯನ್ನು ಘೋಷಿಸಿದೆ. ಜಿಎಸ್ಟಿ 2.0 ತೆರಿಗೆ ಸ್ಲ್ಯಾಬ್ ಬದಲಾವಣೆಯಿಂದಾಗಿ ಈ ದರ ಕಡಿತ ಸಾಧ್ಯವಾಗಿದೆ.
ಟಿವಿಎಸ್ ಜೂಪಿಟರ್ ಸ್ಕೂಟರ್ ಶ್ರೇಣಿಯಲ್ಲಿ ಹೆಚ್ಚು ಬೇಡಿಕೆ ಇರುವ ಮಾದರಿಗಳ ಬೆಲೆ ಕಡಿಮೆಯಾಗಿದ್ದು, ಜೂಪಿಟರ್ 110 ಈಗ ₹72,400 ಕ್ಕೆ ಲಭ್ಯ. ಹಿಂದಿನ ದರಕ್ಕಿಂತ ₹6,481 ಕಡಿಮೆ. ಇದೇ ರೀತಿ ಜೂಪಿಟರ್ 125 ಮಾದರಿಯ ಹೊಸ ಬೆಲೆ ₹75,600 ಆಗಿದ್ದು, ₹6,795 ಇಳಿಕೆಯಾಗಿದೆ.
ಸ್ಪೋರ್ಟಿ ಸ್ಕೂಟರ್ ಹುಡುಕುವವರಿಗೆ ಜನಪ್ರಿಯ ಎನ್ಟಾರ್ಕ್ ಶ್ರೇಣಿಯೂ ಹೆಚ್ಚು ಆಕರ್ಷಕವಾಗಿದೆ. ಎನ್ಟಾರ್ಕ್ 125 ಈಗ ₹80,900 ಕ್ಕೆ ಸಿಗುತ್ತಿದ್ದು, ₹7,242 ಉಳಿತಾಯ ಸಾಧ್ಯ. ಎನ್ಟಾರ್ಕ್ 150 ಮಾದರಿಯ ದರ ನೇರವಾಗಿ ₹9,600 ಇಳಿದು, ₹1.09 ಲಕ್ಷಕ್ಕೆ ತಲುಪಿದೆ.
ಟಿವಿಎಸ್ ತನ್ನ ಎಂಟ್ರಿ-ಲೆವೆಲ್ ಬೈಕ್ಗಳ ಮೇಲೂ ರಿಯಾಯಿತಿ ನೀಡಿದೆ. ಎಕ್ಸ್ಎಲ್ 100 ಈಗ ₹43,900 ಕ್ಕೆ ದೊರೆಯುತ್ತಿದ್ದು, ₹3,854 ಕಡಿತವಾಗಿದೆ. ರೇಡಿಯಾನ್ ಬೈಕ್ ಬೆಲೆ ₹55,100 ಆಗಿ ₹4,850 ಇಳಿಕೆಯಾಗಿದೆ. ಜನಪ್ರಿಯ ಟಿವಿಎಸ್ ಸ್ಪೋರ್ಟ್ ಬೈಕ್ ಇದೀಗ ₹51,150 ಕ್ಕೆ ಲಭ್ಯವಾಗುತ್ತಿದ್ದು, ಇದು ₹8,440 ರಷ್ಟು ಇಳಿಕೆಯಾಗಿದೆ.
ಸ್ಟಾರ್ ಸಿಟಿ ಮಾದರಿಯ ಬೆಲೆ ಕೂಡ ಇಳಿಕೆ ಕಂಡು ₹72,200 ಕ್ಕೆ ಲಭ್ಯವಾಗಿದೆ. ಅದೇ ರೀತಿ ಹೆಚ್ಚು ಮಾರಾಟವಾಗುವ ರೈಡರ್ ಮಾದರಿ ಈಗ ₹80,050 ಕ್ಕೆ ಸಿಗುತ್ತಿದ್ದು, ₹7,575 ಉಳಿತಾಯ ಸಾಧ್ಯ. ಟಿವಿಎಸ್ ಅಪಾಚೆ ಶ್ರೇಣಿಯಲ್ಲಿ ಗರಿಷ್ಠ ₹27,000 ವರೆಗೆ ರಿಯಾಯಿತಿ ದೊರೆಯುತ್ತದೆ. ಟಿವಿಎಸ್ ಜೆಸ್ಟ್ ಸ್ಕೂಟರ್ ಈಗ ₹70,600 ದರದಲ್ಲಿ ಲಭ್ಯವಿದೆ, ಇದು ₹6,291 ಇಳಿಕೆಯಾಗಿದೆ.
ಹೀಗಾಗಿ, ಹಬ್ಬದ ಕಾಲದಲ್ಲಿ ಟಿವಿಎಸ್ ತನ್ನ ಗ್ರಾಹಕರಿಗೆ ನೀಡಿರುವ ಈ ಬೆಲೆ ಇಳಿಕೆ ಮಾರಾಟ ಹೆಚ್ಚುವಿಕೆಗೆ ಕಾರಣವಾಗುವ ನಿರೀಕ್ಷೆ ವ್ಯಕ್ತವಾಗಿದೆ.
TVS Slashes Bike and Scooter Prices
