ಏಪ್ರಿಲ್ 1ರಿಂದ ಈ ಮೊಬೈಲ್ ನಂಬರ್‌ಗಳಲ್ಲಿ UPI ಸೇವೆ ಸ್ಥಗಿತ!
UPI Payments: ನಿಯಮದ ಪ್ರಕಾರ, 90 ದಿನಗಳ ಕಾಲ ಬಳಕೆಯಲ್ಲಿರದ (Inactive) ಮೊಬೈಲ್ ನಂಬರಿನಿಂದ ಯುಪಿಐ ಪೇಮೆಂಟ್ ಸಾಧ್ಯವಿರುವುದಿಲ್ಲ
UPI Payments: ಯೂನಿಫೈಡ್ ಪೇಮೆಂಟ್ಸ್ ಇಂಟರ್‌ಫೇಸ್ (UPI) ಬಳಸದವರು ಯಾರೂ ಇಲ್ಲವೆನಿಸುತ್ತದೆ! ಬೆಂಗಳೂರಿನಿಂದ ದೆಹಲಿ ತನಕ, ಕಿರು ವ್ಯಾಪಾರದಿಂದ ದೊಡ್ಡ ವ್ಯವಹಾರಗಳ ತನಕ ಎಲ್ಲರೂ UPI ಸ್ಕ್ಯಾನ್ ಮಾಡಿ ಹಣ ಪಾವತಿಸುತ್ತಾರೆ.
ಆದರೆ ಈಗ ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಒಂದು ಮಹತ್ವದ ನಿಯಮ ಜಾರಿಗೆ ತಂದಿದೆ. ಏಪ್ರಿಲ್ 1, 2025ರಿಂದ ಕೆಲವು ಮೊಬೈಲ್ ನಂಬರಿನಿಂದ ಯುಪಿಐ ಪೇಮೆಂಟ್ ಅಸಾಧ್ಯ. ಅಂದರೆ, ಹೊಸ ನಿಯಮ ಪ್ರಕಾರ ನಂಬರ್ Inactive (ನಿಷ್ಕ್ರಿಯ) ಆಗಿದ್ದರೆ ಪಾವತಿ ಸಾಧ್ಯವಿಲ್ಲ!
ಹೌದು, ನಿಯಮದ ಪ್ರಕಾರ, 90 ದಿನಗಳ ಕಾಲ ಬಳಕೆಯಲ್ಲಿರದ (Inactive) ಮೊಬೈಲ್ ನಂಬರಿನಿಂದ ಯುಪಿಐ ಪೇಮೆಂಟ್ ಸಾಧ್ಯವಿರುವುದಿಲ್ಲ. ಅಂದರೆ, ಅದನ್ನು ಯುಪಿಐ ಬ್ಯಾಂಕ್ ಖಾತೆಯಿಂದ ಡೀ-ಲಿಂಕ್ (De-link) ಮಾಡಲಾಗುತ್ತದೆ. ಇದು ಮುಖ್ಯವಾಗಿ ಫ್ರಾಡ್ (Fraud) ತಡೆಗಟ್ಟಲು ತರಲಾಗಿರುವ ನಿರ್ಧಾರ.
ನಿಮ್ಮ ಯುಪಿಐ ಸೆಕ್ಯೂರಿಟಿಗೆ ಹೊಸ ನಿರ್ಧಾರ
ಹೆಚ್ಚು ಜನರು ತಮ್ಮ ಮೊಬೈಲ್ ನಂಬರನ್ನು ಬದಲಾಯಿಸುವಾಗ ಹಳೆಯ ನಂಬರನ್ನು ನಿರ್ಲಕ್ಷಿಸುತ್ತಾರೆ. ಆದರೆ ಅದು ಹಳೆಯ ಯೂಪಿಐ (UPI) ಖಾತೆಗೆ ಲಿಂಕ್ ಆಗಿರುತ್ತದೆ. ಟೆಲಿಕಾಂ ಕಂಪನಿಗಳು ಆ ನಂಬರನ್ನು ಹೊಸ ಗ್ರಾಹಕರಿಗೆ ನೀಡಿದಾಗ, ಅಪಾಯ ಸೃಷ್ಟಿಯಾಗಬಹುದು! ಅಂದರೆ, ಹೊಸ ವ್ಯಕ್ತಿ ಅದೇ ನಂಬರಿಂದ ಹಣ ವರ್ಗಾಯಿಸುವ ಸಾಧ್ಯತೆ ಇದೆ.
ಈಗಾಗಲೇ ಈ ರೀತಿಯ ಅನೇಕ ಯುಪಿಐ ಮೋಸ ಪ್ರಕರಣಗಳು ಬೆಳಕಿಗೆ ಬಂದಿವೆ. ಆದುದರಿಂದ NPCI ಈ 90 ದಿನ ನಿಯಮ ಜಾರಿಗೆ ತಂದಿದೆ. ಅಂದರೆ, ಒಂದು ನಂಬರ್ ಮೂರೂವರೆ ತಿಂಗಳ ಕಾಲ ಬಳಕೆಯಿಲ್ಲದಿದ್ದರೆ ಅದು ಯೂಪಿಐ ಸೇವೆಯಿಂದ ಮುಕ್ತವಾಗುತ್ತದೆ.
ಇಲ್ಲಿದೆ ಪರಿಹಾರ!
- ನಿಮ್ಮ ಯುಪಿಐ ಖಾತೆಗೆ ಲಿಂಕ್ ಆಗಿರುವ ಮೊಬೈಲ್ ನಂಬರಿನ ಬಳಕೆ ಕಡಿಮೆಯಾದರೆ ಗಮನ ಕೊಡಿ.
- ಮೊಬೈಲ್ ಸೇವೆಯನ್ನು 90 ದಿನಗಳಿಗೂ ಹೆಚ್ಚು ಕಾಲ ನಿಷ್ಕ್ರಿಯವಾಗಿರಿಸಬೇಡಿ.
- ಹೊಸ ನಂಬರನ್ನು ಯುಪಿಐಗೆ ಲಿಂಕ್ ಮಾಡಲು ಬ್ಯಾಂಕ್ ಮತ್ತು UPI ಸೇವಾ ಪ್ಲಾಟ್‌ಫಾರ್ಮ್ (Google Pay, PhonePe, Paytm) ಅನುಮತಿ ನೀಡಬೇಕು.
- ಬ್ಯಾಂಕ್‌ಗಳು ನಿರಂತರವಾಗಿ Inactive ನಂಬರ್‌ಗಳ ಡೇಟಾಬೇಸ್‌ ಅನ್ನು ಅಪ್ಡೇಟ್ ಮಾಡುತ್ತವೆ, ಆದ್ದರಿಂದ ನಿಮ್ಮ ನಂಬರಿನ ಸ್ಥಿತಿಯನ್ನು ಪರಿಶೀಲಿಸಿ.
UPI Payments Block from April 1
