ಭಾರತಕ್ಕೆ ಲಗ್ಗೆ ಇಡಲು ಸಜ್ಜಾದ VinFast Electric Scooter; ಬೆಲೆ ಬರಿ 75 ಸಾವಿರ! ಓಲಾ ಸ್ಕೂಟರ್‌ಗೆ ಪೈಪೋಟಿ ಪಕ್ಕಾ
VinFast Electric Scooter: ವಿಯೆಟ್ನಾಂ ಕಂಪನಿ ವಿನ್‌ಫಾಸ್ಟ್ ಭಾರತದಲ್ಲಿ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಮತ್ತು ಮೋಟಾರ್‌ಸೈಕಲ್ ಪರಿಚಯಿಸಲು ಸಿದ್ಧತೆ ನಡೆಸಿದೆ ಎನ್ನಲಾಗಿದ್ದು ವಿನ್ಯಾಸ ಪೇಟೆಂಟ್ ಸಲ್ಲಿಕೆಯ ಬೆನ್ನಲ್ಲೇ ಬೆಲೆ ಮೈಲೇಜ್ ಹಾಗೂ ಬಿಡುಗಡೆ ಕುರಿತು ವಾಹನ ಪ್ರಿಯರಲ್ಲಿ ಕುತೂಹಲ ಹೆಚ್ಚಾಗಿದೆ ಆದರೆ ಅಧಿಕೃತ ಮಾಹಿತಿ ಇನ್ನೂ ಹೊರಬಿದ್ದಿಲ್ಲ.
VinFast Electric Scooter: ಭಾರತದ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ (Electric Two-Wheeler) ಮಾರುಕಟ್ಟೆಯಲ್ಲಿ ಮತ್ತೊಂದು ವಿದೇಶಿ ಕಂಪನಿ ಸ್ಪರ್ಧೆಗೆ ಇಳಿಯುವ ಸೂಚನೆ ನೀಡಿದೆ. ವಿಯೆಟ್ನಾಂ ಮೂಲದ ವಿನ್‌ಫಾಸ್ಟ್ (VinFast) ಭಾರತದಲ್ಲಿ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಮತ್ತು ಪರ್ಫಾರ್ಮೆನ್ಸ್ ಬೈಕ್ ಪರಿಚಯಿಸಲು ಸಿದ್ಧತೆ ನಡೆಸುತ್ತಿದೆ.
ಇತ್ತೀಚೆಗೆ ಕಂಪನಿಯು ಭಾರತದಲ್ಲಿ ಎರಡು ಹೊಸ ಮಾದರಿಗಳ ವಿನ್ಯಾಸಕ್ಕೆ ಪೇಟೆಂಟ್ ಸಲ್ಲಿಸಿರುವುದು ಗಮನ ಸೆಳೆದಿದೆ. ಬಿಡುಗಡೆ ದಿನಾಂಕ ಮತ್ತು ಬೆಲೆ ಇನ್ನೂ ಘೋಷಣೆಯಾಗಿಲ್ಲ. ಆದರೆ ದೇಶದಲ್ಲಿ ಈಗಾಗಲೇ 50 ಡೀಲರ್‌ಗಳನ್ನು ನೇಮಿಸಿರುವುದು ಭಾರತೀಯ ಮಾರುಕಟ್ಟೆಯ ಮೇಲೆ ಕಂಪನಿ ಹೊಂದಿರುವ ಆಸಕ್ತಿಯನ್ನು ತೋರಿಸುತ್ತದೆ.
ಹೊಸ ಸ್ಕೂಟರ್‌ನ ವಿನ್ಯಾಸವು 2025ರ ಭಾರತ್ ಮೊಬಿಲಿಟಿ ಎಕ್ಸ್‌ಪೋದಲ್ಲಿ ಪ್ರದರ್ಶಿಸಿದ್ದ ವೆಂಟೊ ಎಸ್‌ಎನ್ ಮಾದರಿಯನ್ನು ಹೋಲುತ್ತದೆ. ಇದರಲ್ಲಿ ಸಾಮಾನ್ಯ ಹಬ್ ಮೋಟಾರ್ ಬದಲಿಗೆ ಸೈಡ್ ಮೌಂಟೆಡ್ ಮೋಟಾರ್ (Side-mounted Motor) ಬಳಸುವ ಸಾಧ್ಯತೆಯಿದೆ. ಈ ತಂತ್ರಜ್ಞಾನದಿಂದ ಸ್ಕೂಟರ್ ಅನ್ನು ಪ್ರೀಮಿಯಂ ವಿಭಾಗದಲ್ಲಿ ಪರಿಚಯಿಸುವ ಉದ್ದೇಶ ಕಂಪನಿಗಿರಬಹುದು.
ಇನ್ನು ಎಲೆಕ್ಟ್ರಿಕ್ ಬೈಕ್ ಕೂಡ ವಿಶೇಷ ವಿನ್ಯಾಸದೊಂದಿಗೆ ಬರಬಹುದು. ಅಗಲವಾದ ಟೈರ್‌ಗಳು, ಸ್ಪೋರ್ಟಿ ರೈಡಿಂಗ್ ಪೊಸಿಷನ್ ಮತ್ತು ಬ್ಯಾಟರಿ ಅಳವಡಿಕೆಗೆ ಹೆಚ್ಚಿನ ಜಾಗ ಇದರ ಪ್ರಮುಖ ಆಕರ್ಷಣೆಗಳಾಗಿವೆ. ವರದಿಗಳ ಪ್ರಕಾರ, ಇದರ ಮೋಟಾರ್ 50 kW ಗರಿಷ್ಠ ಸಾಮರ್ಥ್ಯ ಹೊಂದಿರಬಹುದು. ಗರಿಷ್ಠ ವೇಗ ಗಂಟೆಗೆ 130 ಕಿ.ಮೀ ಇರಬಹುದು. ಆದರೆ ಅಧಿಕೃತ ತಾಂತ್ರಿಕ ಮಾಹಿತಿ ಇನ್ನೂ ಲಭ್ಯವಿಲ್ಲ.
ಬೆಲೆ ಎಷ್ಟಿರಬಹುದು?
ಭಾರತದಲ್ಲಿ ಬಿಡುಗಡೆಯಾಗಲಿರುವ ವಿನ್‌ಫಾಸ್ಟ್ ಸ್ಕೂಟರ್‌ಗಳ ಅಧಿಕೃತ ಬೆಲೆ ಪ್ರಕಟವಾಗಿಲ್ಲ. ಆಟೋಮೊಬೈಲ್ ವರದಿಗಳಲ್ಲಿನ ಅಂದಾಜಿನ ಪ್ರಕಾರ ವಿವಿಧ ಮಾದರಿಗಳ ಬೆಲೆ ಹೀಗಿರಬಹುದು:
- VinFast Evo Grand: ₹75,000 – ₹85,000
- VinFast Feliz: ₹90,000 – ₹1.10 ಲಕ್ಷ
- VinFast Evo: ₹1.10 – ₹1.30 ಲಕ್ಷ
- VinFast Vero X: ₹1 – ₹1.50 ಲಕ್ಷ
- VinFast Viper: ₹1.35 – ₹1.65 ಲಕ್ಷ
ಈ ದರಗಳು ಅಂದಾಜು ಮಾತ್ರವಾಗಿದ್ದು, ಕಂಪನಿಯ ಅಧಿಕೃತ ಬೆಲೆಗಳಲ್ಲ. ಸ್ಕೂಟರ್‌ಗಳ ಬ್ಯಾಟರಿ ಸಾಮರ್ಥ್ಯ, ಮೈಲೇಜ್ (Range), ಚಾರ್ಜಿಂಗ್ ಸಮಯ ಮತ್ತು ಇತರ ಫೀಚರ್ಸ್ ಬಗ್ಗೆಯೂ ಸಂಪೂರ್ಣ ಮಾಹಿತಿ ಹೊರಬಂದಿಲ್ಲ.
ಒಟ್ಟಿನಲ್ಲಿ ಈಗಾಗಲೇ ಓಲಾ, ಟಿವಿಎಸ್, ಬಜಾಜ್ ಸೇರಿದಂತೆ ಹಲವು ಕಂಪನಿಗಳ ನಡುವೆ ಸ್ಪರ್ಧೆ ಇರುವ ಭಾರತೀಯ ಇವಿ ಮಾರುಕಟ್ಟೆಗೆ ವಿನ್‌ಫಾಸ್ಟ್ ಪ್ರವೇಶಿಸಿದರೆ ಗ್ರಾಹಕರಿಗೆ ಮತ್ತೊಂದು ಆಯ್ಕೆ ಸಿಗಲಿದೆ. ಅಧಿಕೃತ ಬಿಡುಗಡೆ ಘೋಷಣೆಯ ಬಳಿಕವಷ್ಟೇ ಇದರ ಸಂಪೂರ್ಣ ವಿವರ ತಿಳಿಯಲಿದೆ.
ಕರ್ನಾಟಕ ರಾಜ್ಯದ ಮೂಲೆಮೂಲೆಗಳ ಕನ್ನಡ ಸುದ್ದಿಗಳ ಜೊತೆಗೆ ದಿನದ ಪ್ರಮುಖ ಬೆಳವಣಿಗೆಗಳನ್ನು Kannada News Today ಮೂಲಕ ತಿಳಿಯಿರಿ.
