ಫೋನ್ ಪೇ, ಗೂಗಲ್ ಪೇ ಸೆಂಡಿಂಗ್ ಫೇಲ್ ಆದ್ರೆ ಏನು ಮಾಡಬೇಕು? ಇಲ್ಲಿದೆ ಟ್ರಿಕ್ಸ್

• ಹಣ ಕಡಿತವಾದರೂ ಪಾವತಿ ವಿಫಲವಾದರೆ ಏನು ಮಾಡಬೇಕು?
• ವಿವರಗಳೊಂದಿಗೆ ನಿಮ್ಮ ಆಪ್‌ನಲ್ಲಿಯೇ ದೂರು ದಾಖಲಿಸಿ.
• NPCI ಅಥವಾ RBI ಮೂಲಕ ಪರಿಹಾರ ಪಡೆಯುವ ವ್ಯವಸ್ಥೆ ಇದೆ.

ಯುಪಿಐ (UPI) ಆಧಾರಿತ ಪಾವತಿ ಪ್ಲಾಟ್‌ಫಾರ್ಮ್‌ಗಳಾದ ಫೋನ್ ಪೇ (PhonePe), ಗೂಗಲ್ ಪೇ (Google Pay), ಪೇಟಿಎಂ (Paytm) ಮೂಲಕ ದಿನಕ್ಕೆ ಲಕ್ಷಾಂತರ ವಹಿವಾಟುಗಳು ನಡೆಯುತ್ತಿವೆ. ಆದರೆ ಕೆಲವೊಮ್ಮೆ ಪಾವತಿ ವೇಳೆ ಹಣ ಕಡಿತವಾದರೂ ತಲುಪದೆ ಅರ್ಧಕ್ಕೆ ನಿಂತುಬಿಡುತ್ತದೆ.

ಹಣ ಕಡಿತಗೊಂಡ ಬಳಿಕ ವಹಿವಾಟು ವಿಫಲವಾಗಿದೆ ಎಂದು ತಕ್ಷಣ ತೋರಿದರೆ ಅಷ್ಟು ಗಂಭೀರವಿಲ್ಲ. ಸಾಮಾನ್ಯವಾಗಿ 60 ಸೆಕೆಂಡುಗಳಲ್ಲಿ ಪಾವತಿ ಯಶಸ್ವಿಯಾಗಿದೆಯೇ ಅಥವಾ ವಿಫಲವಾಯಿತೇ ಎಂಬ ಮಾಹಿತಿ ಪೇಮೆಂಟ್ ಆಪ್‌ನಲ್ಲಿ (payment app) ಕಾಣುತ್ತದೆ. ಆದರೆ ಕೆಲವೊಮ್ಮೆ ಈ ಸ್ಥಿತಿ ನಿರ್ದಿಷ್ಟವಾಗಿರದೆ ಅಲ್ಲಿಗೆ ನಿಂತು ಬಿಡುವ ಸಾಧ್ಯತೆ ಇದೆ.

ಇದನ್ನೂ ಓದಿ: ಈ ದೇಶದಲ್ಲಿ ನಮ್ಮ 1 ರೂಪಾಯಿ ಕೊಟ್ರೆ, 507 ರೂಪಾಯಿ ಸಿಗುತ್ತೆ! ಎಲ್ಲಿ ಗೊತ್ತಾ?

ಈ ಪರಿಸ್ಥಿತಿಯಲ್ಲಿ ಮೊದಲಿಗೆ ನೀವು ಪಾವತಿ ಸ್ವೀಕರಿಸಬೇಕಿದ್ದ ವ್ಯಕ್ತಿಯೊಂದಿಗೆ (receiver or merchant) ಸಂಪರ್ಕಿಸಿ ಹಣ ತಲುಪಿದೆಯೇ ಎಂದು ದೃಢಪಡಿಸಬೇಕು.

ಹಣ ತಲುಪಿಲ್ಲವೆಂಬುದು ಖಚಿತವಾದ ಮೇಲೆ, ತಕ್ಷಣವೇ ನಿಮ್ಮ ಯುಪಿಐ ಆಪ್‌ನ ಟ್ರಾನ್ಸಾಕ್ಷನ್ ಇತಿಹಾಸಕ್ಕೆ (transaction history) ಹೋಗಿ ಸಂಬಂಧಿತ ವಹಿವಾಟು ಆಯ್ಕೆ ಮಾಡಿ “Report Issue” ಅಥವಾ “Raise Complaint” ಬಟನ್‌ನ ಮೂಲಕ ದೂರು ಸಲ್ಲಿಸಬಹುದು.

ದೂರು ನೀಡುವಾಗ ಈ ಮಾಹಿತಿ ಅಗತ್ಯವಿರುತ್ತದೆ:

ವಹಿವಾಟಿನ ದಿನಾಂಕ ಮತ್ತು ಸಮಯ
ವಹಿವಾಟು ಮೊತ್ತ
ವಹಿವಾಟು ಐಡಿ (transaction ID)
ಯುಪಿಐ ಐಡಿ (UPI ID)

ಅಪ್ಲಿಕೇಶನ್ ಮೂಲಕ ಸಮಸ್ಯೆ ಪರಿಹಾರವಾಗದಿದ್ದರೆ, ನೀವು ನಿಮ್ಮ ಬ್ಯಾಂಕಿನ ಗ್ರಾಹಕ ಸೇವಾ ಕೇಂದ್ರವನ್ನೂ ಸಂಪರ್ಕಿಸಬಹುದು. ಕೆಲವು ಸಂದರ್ಭಗಳಲ್ಲಿ ಬ್ಯಾಂಕ್‌ಗಳು ಶಾಖೆಗೆ ಭೇಟಿ ನೀಡುವಂತೆ ಸೂಚಿಸಬಹುದು.

ಇದನ್ನೂ ಓದಿ: ನಿಮ್ದು ಎಸ್‌ಬಿಐ ಬ್ಯಾಂಕಿನಲ್ಲಿ ಅಕೌಂಟ್ ಇದ್ಯಾ? ಹಾಗಾದ್ರೆ ಈ ಬಂಪರ್ ಸುದ್ದಿ ನಿಮಗಾಗಿ

ಆದರೂ ಸಮಸ್ಯೆ ಬಗೆಹರಿಯದಿದ್ದರೆ, ನೀವು ನೇರವಾಗಿ NPCI (National Payments Corporation of India) ವೆಬ್‌ಸೈಟ್‌ನಲ್ಲಿ [Dispute Redressal System] ಮೂಲಕ ದೂರು ಸಲ್ಲಿಸಬಹುದು. ಇಲ್ಲಿ ನಿಮ್ಮ ವಹಿವಾಟು ಸಂಬಂಧಿತ ಎಲ್ಲಾ ವಿವರಗಳನ್ನು ನಮೂದಿಸಿ, ತಪಾಸಣೆಗೆ ಪೂರಕ ದಾಖಲೆಗಳೊಂದಿಗೆ ಅರ್ಜಿ ಸಲ್ಲಿಸಬೇಕು.

ಇದನ್ನೂ ಓದಿ: ಕೆನರಾ ಬ್ಯಾಂಕ್ ಗ್ರಾಹಕರಿಗೆ ಬಂಪರ್! ರಾತ್ರೋ-ರಾತ್ರಿ ಲೋನ್ ಬಡ್ಡಿದರಗಳು ಇಳಿಕೆ

NPCI ಕೂಡ ಪರಿಹಾರ ನೀಡದಿದ್ದರೆ, RBI (Reserve Bank of India) ಸಂಪರ್ಕಿಸಬಹುದಾಗಿದೆ. ಆದರೆ ಈ ಹೆಜ್ಜೆಗೆ ಮುನ್ನ ನೀವು NPCI ಗೆ ದೂರು ನೀಡಿದ 30 ದಿನಗಳ ಬಳಿಕ ಮಾತ್ರ RBI ಗೆ ದೂರು ಸಲ್ಲಿಸಲು ಅವಕಾಶವಿದೆ.

UPI ಬಳಸುವ ಮುನ್ನ ಈ ಅಂಶಗಳು ಗಮನದಲ್ಲಿಡಿ:

1. ಸ್ವೀಕರಿಸುವವರ ಹೆಸರು ಮತ್ತು UPI ಐಡಿ ಸರಿಹೊಂದುತ್ತದೆಯೇ ಎಂದು ದೃಢಪಡಿಸಿಕೊಳ್ಳಿ
2. ಅಪರಿಚಿತ QR ಕೋಡ್‌ಗಳನ್ನು ಸ್ಕ್ಯಾನ್ ಮಾಡುವಾಗ ಎಚ್ಚರದಿಂದಿರಿ
3. ಒಮ್ಮೆ ಪಾವತಿ ಆಗದ ಕಾರಣ, ತಕ್ಷಣ ಎರಡನೇ ಬಾರಿ ಕಳುಹಿಸಬೇಡಿ
4. ಯಾವುದೇ ಹಣದ ವಹಿವಾಟು ಅರ್ಧಕ್ಕೆ ನಿಂತರೆ ಅದರ ಐಡಿ ನಿಮ್ಮ ಬಳಿ ಇಟ್ಕೊಳ್ಳಿ

ಇಷ್ಟು ಮಾಡುವುದು ತುಂಬಾ ಜನರಿಗೆ ಹಣ ಹಿಂಪಡೆಯುವಲ್ಲಿ ಉಪಯುಕ್ತವಾಗಿದೆ. ಯುಪಿಐ ಸೌಲಭ್ಯ ಸರಿಯಾಗಿ ಬಳಸಿಕೊಂಡರೆ ತೊಂದರೆ ಬರುವ ಪ್ರಶ್ನೆಯೇ ಇಲ್ಲ.

What To Do If UPI Payment Gets Stuck

English Summary▼

Digital payment platforms like PhonePe, Google Pay, and Paytm sometimes face transaction delays due to server issues or internet interruptions. In such cases, users may see their money debited, but the payment doesn’t reach the receiver.

To resolve this, users should first confirm whether the receiver got the amount. If not, raise a complaint within the app using the transaction ID. If unresolved, contact the bank, and later NPCI or even RBI, depending on the escalation level.