ಬ್ಯಾಂಕ್‌ ಲೋನ್‌ ಪಡೆದವರು ಸಾವನ್ನಪ್ಪಿದರೆ, ಸಾಲ ತೀರಿಸುವ ಜವಾಬ್ದಾರಿ ಯಾರಿಗೆ?

Bank Loan : ಈ ದಿನಗಳಲ್ಲಿ ಮನೆ, ವಾಹನ ಅಥವಾ ವೈಯಕ್ತಿಕ ಅಗತ್ಯಕ್ಕಾಗಿ ಬ್ಯಾಂಕ್‌ ಲೋನ್‌ ತೆಗೆದುಕೊಳ್ಳುವುದು ಸಾಮಾನ್ಯವಾಗಿದೆ. ಆದರೆ ಸಾಲ ಪಡೆದ ವ್ಯಕ್ತಿ ಅಕಾಲದಲ್ಲಿ ನಿಧನರಾದರೆ, ಆ ಸಾಲದ ಜವಾಬ್ದಾರಿ ಯಾರಿಗೆ ಎಂಬ ಪ್ರಶ್ನೆ ಬಹಳವರಿಗೆ ಗೊಂದಲ ಉಂಟುಮಾಡುತ್ತದೆ.

ಬ್ಯಾಂಕ್‌ಗಳು ಸಾಮಾನ್ಯವಾಗಿ ಮೊದಲು ಸಹ ಅರ್ಜಿದಾರನನ್ನು ಸಂಪರ್ಕಿಸುತ್ತವೆ. ಮನೆ ಅಥವಾ ಶಿಕ್ಷಣ ಸಾಲಗಳಲ್ಲೇ ಹೆಚ್ಚು ಸಹ ಅರ್ಜಿದಾರರ ಹೆಸರು ಇರುತ್ತದೆ. ಅವರು ಸಾಲ ತೀರಿಸಲು ಸಾಧ್ಯವಾಗದಿದ್ದರೆ, ಗ್ಯಾರಂಟರ್‌ನಿಂದ ಹಣ ವಸೂಲಿ ಮಾಡಲು ಬ್ಯಾಂಕ್‌ ಮುಂದಾಗುತ್ತದೆ.

ಗ್ಯಾರಂಟರ್‌ ಕೂಡ ಸಾಲ ತೀರಿಸಲು ನಿರಾಕರಿಸಿದರೆ, ಮುಂದಿನ ಹಂತದಲ್ಲಿ ಬ್ಯಾಂಕ್‌ ಕಾನೂನುಬದ್ಧ ವಾರಸುದಾರರನ್ನು ಸಂಪರ್ಕಿಸುತ್ತದೆ. ಇದರಲ್ಲಿ ಮೃತ ವ್ಯಕ್ತಿಯ ಪತ್ನಿ, ಮಕ್ಕಳು ಅಥವಾ ಪೋಷಕರು ಸೇರಿರಬಹುದು. ಅವರಿಗೆ ನೋಟಿಸ್‌ ನೀಡಲಾಗುತ್ತದೆ ಮತ್ತು ಯಾವುದೇ ಪ್ರತಿಕ್ರಿಯೆ ಇಲ್ಲದಿದ್ದರೆ ಕಾನೂನು ಕ್ರಮ ಕೈಗೊಳ್ಳಲಾಗುತ್ತದೆ.

ಸಹ ಅರ್ಜಿದಾರರು ಅಥವಾ ವಾರಸುದಾರರು ಸಾಲ ತೀರಿಸಲು ನಿರಾಕರಿಸಿದರೆ, ಬ್ಯಾಂಕ್‌ ಆ ವ್ಯಕ್ತಿಯ ಆಸ್ತಿಯನ್ನು ವಶಪಡಿಸಿಕೊಳ್ಳಬಹುದು. ಉದಾಹರಣೆಗೆ, ಮನೆ ಸಾಲದ ಸಂದರ್ಭದಲ್ಲಿ ಬ್ಯಾಂಕ್‌ ನೇರವಾಗಿ ಮನೆಯನ್ನೇ ವಶಪಡಿಸಿಕೊಂಡು ಹರಾಜು ಮೂಲಕ ಮಾರಾಟ ಮಾಡುತ್ತದೆ. ವಾಹನ ಸಾಲದ ವೇಳೆ, ವಾಹನವನ್ನು ಹರಾಜು ಹಾಕಿ ಹಣ ವಸೂಲಿ ಮಾಡಲಾಗುತ್ತದೆ.

ಆದರೆ ಸಾಲ ವಿಮೆ ಇದ್ದರೆ ಪರಿಸ್ಥಿತಿ ಸಂಪೂರ್ಣವಾಗಿ ಬದಲಾಗುತ್ತದೆ. ವಿಮಾ ಕಂಪನಿ ಸಾಲದ ಮೊತ್ತವನ್ನು ಬ್ಯಾಂಕ್‌ಗೆ ಪಾವತಿಸುತ್ತದೆ, ಕುಟುಂಬದವರಿಗೆ ಯಾವುದೇ ಆರ್ಥಿಕ ಭಾರ ಬೀಳುವುದಿಲ್ಲ.

ಕಾನೂನು ಪ್ರಕಾರ, ವಾರಸುದಾರರು ಆಸ್ತಿಯ ಮೇಲೆ ಹಕ್ಕು ಕೇಳಿದರೆ ಮಾತ್ರ ಬ್ಯಾಂಕ್‌ ಅವರಿಗೆ ಸಾಲದ ಜವಾಬ್ದಾರಿಯನ್ನು ತಿಳಿಸಬಹುದು. ಆದರೆ ಅವರು ವಾರಸುದಾರರಲ್ಲದಿದ್ದರೆ ಅಥವಾ ಆಸ್ತಿಯ ಮೇಲೆ ಹಕ್ಕು ಕೇಳದಿದ್ದರೆ, ಬ್ಯಾಂಕ್‌ ಅವರಿಗೆ ಸಾಲ ತೀರಿಸಲು ಒತ್ತಡ ಹಾಕಲು ಸಾಧ್ಯವಿಲ್ಲ.

ಹೀಗಾಗಿ, ಲೋನ್‌ ಪಡೆಯುವವರು ಜೀವ ವಿಮೆ ಅಥವಾ ಸಾಲ ವಿಮೆ ಕಡ್ಡಾಯವಾಗಿ ಹೊಂದಿರುವುದು ಭವಿಷ್ಯದಲ್ಲಿ ಕುಟುಂಬದವರ ಸುರಕ್ಷತೆಗೆ ಅತ್ಯಂತ ಮುಖ್ಯವಾಗಿದೆ.

Who Pays the Bank Loan If the Borrower Dies? Here’s What the Law Says