ನಿಮ್ಮ ಪರ್ಸನಲ್ ಲೋನ್ ಅರ್ಜಿ ರಿಜೆಕ್ಟ್ ಆಯ್ತಾ? ಹಾಗಾದ್ರೆ, ಮೊದಲು ಈ 4 ತಪ್ಪು ತಿದ್ದಿಕೊಳ್ಳಿ
Personal Loan: ಬ್ಯಾಂಕ್ ನಿಮ್ಮ ಪರ್ಸನಲ್ ಲೋನ್ ಅರ್ಜಿ ತಿರಸ್ಕರಿಸಿದ್ದರೆ, ಕಾರಣ ಹುಡುಕುವುದು ಅಗತ್ಯ. ಕ್ರೆಡಿಟ್ ಸ್ಕೋರ್, ಸ್ಥಿರ ಆದಾಯ, ವಯಸ್ಸು ಮತ್ತು EMI ಭಾರ ಸರಿಯಾಗಿದ್ದರೆ ಲೋನ್ ಅನುಮೋದನೆ ಸುಲಭವಾಗುತ್ತದೆ.
Personal Loan: ಪರ್ಸನಲ್ ಲೋನ್‌ಗೆ ಅರ್ಜಿ ಸಲ್ಲಿಸಿದ್ದೇ ತಿರಸ್ಕಾರವಾಗುತ್ತಿರುವುದಾದರೆ, ಕಾರಣಗಳನ್ನು ಸರಿಯಾಗಿ ಪರಿಶೀಲಿಸುವುದು ಅತ್ಯಂತ ಮುಖ್ಯ. ಅನೇಕರು ತುರ್ತು ಹಣದ ಅವಶ್ಯಕತೆ ಬಂದಾಗ ನೇರವಾಗಿ ಬ್ಯಾಂಕ್‌ಗೆ ಹೋಗುತ್ತಾರೆ, ಆದರೆ ಅರ್ಜಿ ಮರುಮರು ತಿರಸ್ಕೃತವಾದಾಗ ಏನು ತಪ್ಪಾಗಿದೆ ಎಂದು ಅರ್ಥವಾಗದೆ ಕಂಗಾಲಾಗುತ್ತಾರೆ.
ಮೊದಲಿಗೆ ಗಮನಿಸಬೇಕಾದದ್ದು ಕ್ರೆಡಿಟ್ ಸ್ಕೋರ್ (Credit Score). 750ಕ್ಕಿಂತ ಕಡಿಮೆ ಸ್ಕೋರ್ ಇದ್ದರೆ, ಹೆಚ್ಚಿನ ಬ್ಯಾಂಕ್‌ಗಳು ತಕ್ಷಣವೇ ಲೋನ್ ಮಂಜೂರನ್ನು ನಿರಾಕರಿಸುತ್ತವೆ. ನೀವು ಹಳೆಯ EMIಗಳನ್ನು ಸಮಯಕ್ಕೆ ಪಾವತಿಸಿದ್ದೀರಾ? ಎಂದು ಬ್ಯಾಂಕ್‌ಗಳು ಪರಿಶೀಲಿಸುತ್ತವೆ. ಸ್ಕೋರ್ ಕಡಿಮೆಯಿದ್ದರೆ, ಅದನ್ನು ಸುಧಾರಿಸುವುದು ಅನಿವಾರ್ಯ.
ಇದನ್ನೂ ಓದಿ: ಕೇವಲ ₹15,000 ಹೂಡಿಕೆ ಮಾಡಿ ಈ ಬ್ಯುಸಿನೆಸ್‌ ಸ್ಟಾರ್ಟ್‌ ಮಾಡಿದ್ರೆ, ಲಕ್ಷ ಲಕ್ಷ ಆದಾಯ
ಇದಾದ ಮೇಲೆ ಬ್ಯಾಂಕ್‌ಗಳು ಪರಿಶೀಲಿಸುವ ಪ್ರಮುಖ ಅಂಶವೆಂದರೆ ಸ್ಥಿರ ಆದಾಯ. ನೀವು ಕೆಲಸ ಮಾಡುತ್ತಿರುವ ಸಂಸ್ಥೆ ವಿಶ್ವಾಸಾರ್ಹವಾಗಿದೆಯೇ? ಸಂಬಳ ಸಮಯಕ್ಕೆ ಬರುತ್ತಿದೆಯೇ? ಎಂಬುದನ್ನೂ ನೋಡುತ್ತಾರೆ. ನಿಮಗೆ ನಿರಂತರ ಆದಾಯವಿದ್ದರೆ, ಬ್ಯಾಂಕ್‌ಗಳಿಗೆ ನಿಮ್ಮಲ್ಲಿ ವಿಶ್ವಾಸ ಹೆಚ್ಚುತ್ತದೆ ಮತ್ತು ಲೋನ್ ಮಂಜೂರು ಸುಲಭವಾಗುತ್ತದೆ.
ವಯಸ್ಸು ಕೂಡ ಲೋನ್ ಅನುಮೋದನೆಗೆ ಪ್ರಭಾವ ಬೀರುವ ಅಂಶ. ಸಾಮಾನ್ಯವಾಗಿ 21 ರಿಂದ 60 ವರ್ಷದವರ ನಡುವೆ ವ್ಯಕ್ತಿಗತ ಸಾಲ ನೀಡಲು ಬ್ಯಾಂಕ್‌ಗಳು ಹೆಚ್ಚು ಒಲವು ತೋರಿಸುತ್ತವೆ. ಯುವಕರಿಗೆ ಹೆಚ್ಚು ಸಮಯ ಇರುವುದರಿಂದ ಮರುಪಾವತಿ ಸಾಮರ್ಥ್ಯ ಹೆಚ್ಚಾಗಿದೆ ಎಂದು ಬ್ಯಾಂಕ್‌ಗಳು ಅಂದಾಜಿಸುತ್ತವೆ.
ಇದನ್ನೂ ಓದಿ: ಮುದ್ರಾ ಸಾಲ ಯೋಜನೆ! ಮಹಿಳೆಯರಿಗೆ ಮನೆಯಲ್ಲೇ 50 ಸಾವಿರ ಆದಾಯ ಗಳಿಸುವ ಬಿಸಿನೆಸ್ ಅವಕಾಶ
ಇನ್ನೊಂದು ಪ್ರಮುಖ ಅಂಶ ನಿಮ್ಮ ಪ್ರಸ್ತುತ EMI ಭಾರ. ಸಂಬಳದ ದೊಡ್ಡ ಭಾಗ ಈಗಾಗಲೇ ಹಳೆಯ ಸಾಲಗಳ EMIಗಳಿಗೆ ಹೋಗುತ್ತಿದ್ದರೆ, ಹೊಸ ಲೋನ್‌ಗಾಗಿ ಬ್ಯಾಂಕ್‌ಗಳು ಹಿಂಜರಿಯಬಹುದು. ಆದ್ದರಿಂದ ಮೊದಲೇ ಹಳೆಯ ಸಾಲಗಳನ್ನು ಕಡಿಮೆ ಮಾಡುವುದು ಉತ್ತಮ. ಹೀಗಾಗಿ ಕ್ರೆಡಿಟ್ ಸ್ಕೋರ್ ಸುಧಾರಿಸಿ ಲೋನ್ ಮಂಜೂರಿನ ಸಾಧ್ಯತೆ ಹೆಚ್ಚಿಸಬಹುದು.
ಈ ನಾಲ್ಕು ಅಂಶಗಳನ್ನು ಸರಿಪಡಿಸಿದರೆ, ಪರ್ಸನಲ್ ಲೋನ್ ಅನುಮೋದನೆ ಪಡೆಯುವುದು ಇನ್ನು ಕಷ್ಟಕರವಾಗುವುದಿಲ್ಲ.
Why Banks Reject Personal Loans, 4 Must-Check Reasons
