ಪೆನ್ಷನ್ ಹಣ ಬ್ಯಾಂಕ್‌ನಲ್ಲೇ ಇದ್ದರೆ ಸರ್ಕಾರ ಹಿಂಪಡೆಯುತ್ತದೆಯಾ? ಇಲ್ಲಿದೆ ಅಸಲಿ ವಿಚಾರ
ಹಲವಾರು ನಿವೃತ್ತರು ತಮ್ಮ ಪೆನ್ಷನ್ ಹಣವನ್ನು ಬ್ಯಾಂಕ್‌ನಲ್ಲೇ ಬಿಡುತ್ತಾರೆ. ಆದರೆ 6 ತಿಂಗಳಿಗೂ ವಹಿವಾಟು ಮಾಡದಿದ್ದರೆ ಪೆನ್ಷನ್ ತಾತ್ಕಾಲಿಕವಾಗಿ ನಿಲ್ಲಬಹುದು. ಹಣವನ್ನು ಸರ್ಕಾರ ವಾಪಸ್ ತೆಗೆದುಕೊಳ್ಳುವುದಿಲ್ಲ.
pension money: ನಿವೃತ್ತ ಜೀವನದಲ್ಲಿ ಪೆನ್ಷನ್ ಅನೇಕರ ಆರ್ಥಿಕ ಭರವಸೆ. ಆದರೆ ಕೆಲವರು ಬ್ಯಾಂಕ್ ಖಾತೆಯಲ್ಲಿ (Bank Account) ಜಮಾ ಆಗುವ ಪೆನ್ಷನ್ ಮೊತ್ತವನ್ನು ತಿಂಗಳು ತಿಂಗಳು ತೆಗೆಯದೇ ಬಿಡುತ್ತಾರೆ. ಇದರಿಂದ ಸರ್ಕಾರ ಆ ಹಣವನ್ನು ವಾಪಸ್ ತೆಗೆದುಕೊಳ್ಳುತ್ತದೆಯೇ ಎಂಬ ಪ್ರಶ್ನೆ ಹಲವರ ಮನಸ್ಸಿನಲ್ಲಿ ಮೂಡುತ್ತದೆ.
ವಾಸ್ತವದಲ್ಲಿ ಸರ್ಕಾರ ನಿಮ್ಮ ಖಾತೆಯಿಂದ ನೇರವಾಗಿ ಹಣವನ್ನು ವಾಪಸ್ ಪಡೆಯುವುದಿಲ್ಲ. ಆದರೆ ಆರು ತಿಂಗಳುಗಳಿಗೂ ಯಾವುದೇ ವಹಿವಾಟು ಅಥವಾ ಚಲನವಲನ ಕಂಡುಬಂದಿಲ್ಲವಾದರೆ, ಆ ಖಾತೆಯನ್ನು ‘ನಿಷ್ಕ್ರಿಯ’ ಎಂದು ಪರಿಗಣಿಸಲಾಗುತ್ತದೆ. ಆ ಸಂದರ್ಭದಲ್ಲಿ ಪೆನ್ಷನ್ ತಾತ್ಕಾಲಿಕವಾಗಿ ನಿಲ್ಲಬಹುದು.
ಪೆನ್ಷನ್ ಖಾತೆ ನಿರಂತರವಾಗಿ ಸಕ್ರಿಯವಾಗಿರಲು ಜೀವನ ಪ್ರಮಾಣಪತ್ರ (Life Certificate) ಹಾಗೂ KYC ಅಪ್ಡೇಟ್ ಮಾಡುವುದು ಅತ್ಯಗತ್ಯ. ಖಾತೆಯಲ್ಲಿ ಯಾವುದೇ ಚಟುವಟಿಕೆ ಇಲ್ಲದಿದ್ದರೆ, ಸರ್ಕಾರ ಖಾತೆದಾರರು ಜೀವಂತವಾಗಿದ್ದಾರೆಯೇ ಎಂಬ ಅನುಮಾನದಿಂದ ಪೆನ್ಷನ್ ನಿಲ್ಲಿಸಬಹುದು.
ಹಣವನ್ನು ಬ್ಯಾಂಕ್‌ನಲ್ಲೇ ಸುರಕ್ಷಿತವಾಗಿ ಇಡಲಾಗುತ್ತದೆ, ಸರ್ಕಾರ ಅದನ್ನು ಹಿಂಪಡೆಯುವುದಿಲ್ಲ. ಆದರೆ ಪೆನ್ಷನ್ ಪುನಃ ಪ್ರಾರಂಭಿಸಲು ಅಗತ್ಯ ದಾಖಲೆಗಳನ್ನು ಸಲ್ಲಿಸಬೇಕು. ಲೈಫ್ ಸರ್ಟಿಫಿಕೇಟ್ ನೀಡದಿದ್ದರೆ ಅಥವಾ ಖಾತೆ ನಿಷ್ಕ್ರಿಯವಾಗಿದ್ದರೆ, ಪೆನ್ಷನ್ ತಾತ್ಕಾಲಿಕವಾಗಿ ನಿಲ್ಲುತ್ತದೆ.
ಈ ಸಂದರ್ಭಗಳಲ್ಲಿ ಪೆನ್ಷನರು ತಮ್ಮ ಬ್ಯಾಂಕ್ ಅಥವಾ EPFO ಕಚೇರಿಯನ್ನು ಸಂಪರ್ಕಿಸಿ ಜೀವನ ಪ್ರಮಾಣಪತ್ರ ಹಾಗೂ ಲಿಖಿತ ವಿನಂತಿ ಸಲ್ಲಿಸಬಹುದು. ಖಾತೆ ಯಾಕೆ ನಿಷ್ಕ್ರಿಯವಾಯಿತು ಎಂಬ ವಿವರವನ್ನು ನೀಡಬೇಕು. ಸರಿಯಾದ ದೃಢೀಕರಣ ಪ್ರಕ್ರಿಯೆ ಪೂರ್ಣಗೊಂಡ ನಂತರ, ಪೆನ್ಷನ್ ಮತ್ತೆ ಜಾರಿಯಾಗುತ್ತದೆ.
ಆದ್ದರಿಂದ ನಿವೃತ್ತರು ತಮ್ಮ ಬ್ಯಾಂಕ್ ಖಾತೆಯಲ್ಲಿ ಕನಿಷ್ಠ ಒಂದು ವಹಿವಾಟು ನಿರಂತರವಾಗಿ ಮಾಡುವುದು ಉತ್ತಮ. ಇದರಿಂದ ಪೆನ್ಷನ್ ಅಡ್ಡಿಯಾಗದೇ ನಿರಂತರವಾಗಿ ದೊರೆಯುತ್ತದೆ.
Will the government take back unwithdrawn pension money
