ಕೃಷಿ ಭೂಮಿ ಮಾರಾಟ ಮಾಡಿದ್ರೂ ಟ್ಯಾಕ್ಸ್ ಕಟ್ಟಬೇಕಾ? ಬಂತು ಹೊಸ ನಿಯಮ

• ಗ್ರಾಮೀಣ ಕೃಷಿ ಭೂಮಿಗೆ ಟ್ಯಾಕ್ಸ್ ಮನ್ನಾ
• ಪಟ್ಟಣ ಕೃಷಿ ಭೂಮಿಗೆ ಟ್ಯಾಕ್ಸ್ ವಿಧ ಅನಿವಾರ್ಯ
• 54B ಮೂಲಕ ಮರು ಹೂಡಿಕೆಗೆ ಮನ್ನಾ

ನೀವು ಕೃಷಿ ಭೂಮಿ (agricultural land) ಮಾರಾಟ ಮಾಡುವ ಮೊದಲು ಅದು ಗ್ರಾಮೀಣ ಪ್ರದೇಶದಲ್ಲಿದೆಯೋ, ಪಟ್ಟಣ ಪ್ರದೇಶದಲ್ಲಿದೆಯೋ ಎಂಬುದನ್ನು ಗಮನದಲ್ಲಿಡಿ. ಇದರ ಮೇರೆಗೆ ನಿಮಗೆ ಟ್ಯಾಕ್ಸ್ ಅನ್ವಯಿಸುತ್ತದೆಯೋ ಇಲ್ಲವೋ ಅಂತ ನಿರ್ಧರವಾಗುತ್ತದೆ.

ಗ್ರಾಮಾಂತರ ಪ್ರದೇಶದಲ್ಲಿ ಇರುವ ಕೃಷಿಭೂಮಿಯನ್ನು ನೇರವಾಗಿ ಕೃಷಿಗಾಗಿ ಬಳಸುತ್ತಿರುವರೆಂದರೆ, ಅದು (capital asset) ಎಂದು ಪರಿಗಣಿಸಲಾಗದು. ಹೀಗಾಗಿ, ಅಂತಹ ಭೂಮಿಯ ಮಾರಾಟದಿಂದ ಪಡೆದ ಲಾಭದ ಮೇಲೆ ಯಾವುದೇ ಟ್ಯಾಕ್ಸ್ ವಿಧಿಸಲಾಗುವುದಿಲ್ಲ.

ಇದನ್ನೂ ಓದಿ: ರೈತರಿಗೆ ಸಿಹಿಸುದ್ದಿ, ಮಹಿಳೆಯರು ಸೇರಿದಂತೆ ರೈತರ ಖಾತೆಗೆ ₹2,000 ಜಮಾ

ಆದರೆ, ಅದು ನಗರದ ವ್ಯಾಪ್ತಿಯೊಳಗೆ ಇದ್ದರೆ ಅಥವಾ ಕೃಷಿಗೆ ಬಳಸದೇ ಇತರ ಉದ್ದೇಶಕ್ಕೆ ಬಳಸಿದರೆ, ಅಂದರೆ ನಿಮ್ಮ ಮೇಲೆ ಮೂಲಧನ ಲಾಭದ ತೆರಿಗೆ (Capital Gains Tax) ಅನ್ವಯವಾಗುತ್ತದೆ.

ದೇಶದ ಆದಾಯ ತೆರಿಗೆ ಕಾಯ್ದೆ (Income Tax Act) ಸೆಕ್ಷನ್ 10(1) ಮತ್ತು ಸೆಕ್ಷನ್ 45 ಪ್ರಕಾರ, ಗ್ರಾಮೀಣ ಕೃಷಿಭೂಮಿ ಮಾರಾಟದ ಲಾಭವನ್ನು ತೆರಿಗೆ ವಿಮುಕ್ತಗೊಳಿಸಲಾಗಿದೆ. ಆದರೆ, ಇಂತಹ ಲಾಭಗಳನ್ನು ನಿಮ್ಮ ITR ಫಾರ್ಮಿನ (Schedule EI) ಅಡಿಯಲ್ಲಿ ಒದಗಿಸಬೇಕು ಎಂಬ ನಿಯಮವಿದೆ.

ಭೂಮಿ ನಗರದಲ್ಲಿ ಇದ್ದು, ನೀವು ಎರಡು ವರ್ಷಕ್ಕಿಂತ ಹೆಚ್ಚು ಕಾಲ ಹಿಡಿದಿಟ್ಟುಕೊಂಡಿದ್ದರೆ, ಲಾಭವನ್ನು (Long Term Capital Gain) ಎಂದು ಪರಿಗಣಿಸಲಾಗುತ್ತದೆ. ಇಂತಹ ಸಂದರ್ಭದಲ್ಲಿ 12.5% ಪೂರಕ ತೆರಿಗೆ ವಿಧಿಸಲಾಗುತ್ತದೆ. ಜೊತೆಗೆ, ಜುಲೈ 23, 2024 ಕ್ಕಿಂತ ಮೊದಲು ಖರೀದಿಸಿದವರಿಗೆ indexation ಆಯ್ಕೆ ಇರಲಿದೆ. ಇಲ್ಲದೆ ಇದ್ದರೆ 20% ತೆರಿಗೆ ಅನ್ವಯವಾಗಬಹುದು.

ಇದನ್ನೂ ಓದಿ: ಪ್ರಧಾನಮಂತ್ರಿ ವಿದ್ಯಾಲಕ್ಷ್ಮಿ ಯೋಜನೆ, ವಿದ್ಯಾರ್ಥಿಗಳಿಗೆ 4 ಲಕ್ಷ ಶಿಕ್ಷಣ ಸಾಲ ಸೌಲಭ್ಯ

ಕಾಯ್ದೆಯ ಸೆಕ್ಷನ್ 54B ಪ್ರಕಾರ, ನೀವು ಮಾರಿದ ಭೂಮಿಯಿಂದ ಬಂದ ಹಣವನ್ನು ಎರಡು ವರ್ಷಗಳಲ್ಲಿ ಮತ್ತೊಂದು ಕೃಷಿಭೂಮಿಗೆ ಹೂಡಿಕೆ ಮಾಡಿದರೆ, ತೆರಿಗೆ ವಿನಾಯಿತಿ (tax exemption) ಸಿಗಬಹುದಾಗಿದೆ. ಜೊತೆಗೆ ಸೆಕ್ಷನ್ 54EC ಮತ್ತು 54F ಅನ್ವಯ ಟ್ಯಾಕ್ಸ್ ಮನ್ನಾ ಪಡೆಯಲು ಸಾಧ್ಯ.

ಆದ್ದರಿಂದ ನಿಮ್ಮ ಭೂಮಿ ಮಾರಾಟದ ಮೊದಲು ಅದರ ಸ್ಥಾನ, ಬಳಕೆ ಮತ್ತು ಹೂಡಿಕೆ ಯೋಜನೆಗಳನ್ನು ಸರಿಯಾಗಿ ಪರಿಶೀಲಿಸಿ, ನಂತರವೇ ಮುಂದಾಗುವುದು ಉತ್ತಮ. ಇಲ್ಲದಿದ್ದರೆ ಹೆಚ್ಚುವರಿ ತೆರಿಗೆಭಾರ ನಿಮ್ಮ ಮೇಲೆ ಬೀಳಬಹುದು.

Will You Pay Tax on Farm Land Sale

English Summary▼

Whether you have to pay tax on selling agricultural land depends on the location and how the land is used. Rural farmland that's actively used for farming is exempt from Capital Gains Tax, while urban farmland within municipal limits is taxed as a capital asset.

If the land is held for more than two years, it may attract Long-Term Capital Gains Tax at 12.5% (without indexation) or 20% (with indexation). However, exemptions are available under Section 54B if the proceeds are reinvested in another agricultural land within two years. Always review your land status and usage before selling.