55,800 ಕ್ಕೆ ಎಲೆಕ್ಟ್ರಿಕ್ ಸ್ಕೂಟರ್, 55 ಕಿ.ಮೀ ಮೈಲೇಜ್! ಇಎಂಐ ಆದ್ರೆ ಬರಿ 1,700 ರೂಪಾಯಿ
Electric Scooter : ಯಾಕುಜಾ ಕಂಪನಿಯ ನ್ಯೂಬ್ಯುಲಾ ಎಲೆಕ್ಟ್ರಿಕ್ ಸ್ಕೂಟರ್ ಇದೀಗ ಕೇವಲ ₹55,800ಕ್ಕೆ ಲಭ್ಯ. ಲೈಸೆನ್ಸ್ ಅಗತ್ಯವಿಲ್ಲ, 55 ಕಿಮೀ ಮೈಲೇಜ್ ಮತ್ತು ಆಕರ್ಷಕ ಲುಕ್‌ನಿಂದ ಗ್ರಾಹಕರ ಮನ ಗೆದ್ದಿದೆ.
Yakuza Nebula Electric Scooter: ಇತ್ತೀಚಿನ ಎಲೆಕ್ಟ್ರಿಕ್ ವಾಹನಗಳ ಸ್ಪರ್ಧೆಯಲ್ಲಿ ಯಾಕುಜಾ ಕಂಪನಿಯ ನ್ಯೂಬ್ಯುಲಾ ಎಲೆಕ್ಟ್ರಿಕ್ ಸ್ಕೂಟರ್ ಗ್ರಾಹಕರ ಗಮನ ಸೆಳೆದಿದೆ. ಆಕರ್ಷಕ ವಿನ್ಯಾಸ, ಬಣ್ಣಗಳ ಆಯ್ಕೆ ಮತ್ತು ಸರಳ ಬೆಲೆಯೊಂದಿಗೆ ಈ ಸ್ಕೂಟರ್ ಈಗ ಮಾರುಕಟ್ಟೆಯಲ್ಲಿ ಟ್ರೆಂಡ್ ಆಗಿದೆ.
ಈ ಸ್ಕೂಟರ್‌ನ್ನು ಮೇ 2025ರಲ್ಲಿ ಬಿಡುಗಡೆ ಮಾಡಲಾಗಿದೆ. ಇದರ ಪ್ರಮುಖ ವಿಶೇಷತೆ ಎಂದರೆ, ಗರಿಷ್ಠ ವೇಗ ಕೇವಲ 25 ಕಿಮೀ ಆಗಿರುವುದರಿಂದ ಲೈಸೆನ್ಸ್ ಅಥವಾ ರಿಜಿಸ್ಟ್ರೇಶನ್ ಅಗತ್ಯವಿಲ್ಲ. ದೈನಂದಿನ ಪ್ರಯಾಣಗಳಿಗೆ ಇದು ಸೂಕ್ತ ಆಯ್ಕೆಯಾಗಬಹುದು.
ನ್ಯೂಬ್ಯುಲಾ EVಯು 60V ಲೆಡ್-ಆಸಿಡ್ ಬ್ಯಾಟರಿಯನ್ನು ಹೊಂದಿದ್ದು, ಒಂದು ಬಾರಿ ಫುಲ್ ಚಾರ್ಜ್ ಮಾಡಿದರೆ 55 ಕಿಮೀ ತನಕ ಓಡುತ್ತದೆ. ಸಾಮಾನ್ಯ ಮನೆ ಪ್ಲಗ್‌ನಿಂದಲೇ ಚಾರ್ಜ್ ಮಾಡಬಹುದಾದ ಈ ಬ್ಯಾಟರಿಯು 6 ರಿಂದ 8 ಗಂಟೆಗಳಲ್ಲಿ ಪೂರ್ಣ ಚಾರ್ಜ್ ಆಗುತ್ತದೆ. ಬ್ಯಾಟರಿ ರಿಮೂವಬಲ್ ಆಗಿಲ್ಲ ಎಂಬುದು ಒಂದು ಸಣ್ಣ ಮೈನಸ್ ಪಾಯಿಂಟ್.
ಈ ಸ್ಕೂಟರ್‌ನಲ್ಲಿ 250W BLDC ಹಬ್ ಮೋಟಾರ್‌ ನೀಡಲಾಗಿದೆ, ಇದು ಶಕ್ತಿಶಾಲಿಯಾಗಿದೆ. ಮುಂಭಾಗದಲ್ಲಿ ಡ್ರಮ್ ಬ್ರೇಕ್ ಮತ್ತು ಹಿಂಭಾಗದಲ್ಲಿ ಡಿಸ್ಕ್ ಬ್ರೇಕ್ ನೀಡಿರುವುದು ಸುರಕ್ಷತೆಗೆ ಪ್ಲಸ್ ಪಾಯಿಂಟ್. ಜೊತೆಗೆ ಎಲೆಕ್ಟ್ರಾನಿಕ್ ಬ್ರೇಕ್ ಸಿಸ್ಟಮ್ (EBS) ಇದ್ದು, ಸ್ಕೂಟರ್ ಸ್ಲಿಪ್ ಅಥವಾ ಜಾರುವ ಅಪಾಯ ಕಡಿಮೆಗೊಳಿಸುತ್ತದೆ.
ಡಿಜಿಟಲ್ ಸ್ಪೀಡೋಮೀಟರ್, ಟ್ಯಾಕೋಮೀಟರ್, ಸರ್ವಿಸ್ ಇಂಡಿಕೇಟರ್ ಹಾಗೂ USB ಚಾರ್ಜಿಂಗ್ ಪೋರ್ಟ್ ಸೇರಿದಂತೆ ಹಲವು ಡಿಜಿಟಲ್ ಫೀಚರ್‌ಗಳು ಒಳಗೊಂಡಿವೆ. LED ಲೈಟಿಂಗ್ ಸಿಸ್ಟಮ್ ಮತ್ತು DRL ಲೈಟ್ಸ್‌ನಿಂದ ಇದು ರಾತ್ರಿ ಸಮಯದಲ್ಲಿಯೂ ಸ್ಟೈಲಿಷ್ ಆಗಿ ಕಾಣುತ್ತದೆ.
ಸೌಕರ್ಯದ ದೃಷ್ಟಿಯಿಂದ, ಸೀಟಿನ ಕೆಳಭಾಗದಲ್ಲಿ ಸಾಕಷ್ಟು ಸ್ಟೋರೇಜ್ ಇದೆ. ಜೊತೆಗೆ ಪ್ಯಾಸೆಂಜರ್ ಫುಟ್‌ರೆಸ್ಟ್, ಗ್ರಾಬ್ ರೈಲ್ ಹಾಗೂ ಆಂಟಿ ಥೆಫ್ಟ್ ಅಲಾರಂ ಸೌಲಭ್ಯವೂ ಇದೆ. ಬ್ಲ್ಯಾಕ್, ರೆಡ್, ಡಾರ್ಕ್ ಗ್ರೀನ್ ಮತ್ತು ಯೆಲ್ಲೋ ಬಣ್ಣಗಳಲ್ಲಿ ಇದು ಲಭ್ಯವಿದೆ.
ಸಸ್ಪೆನ್ಷನ್ ಭಾಗದಲ್ಲಿ ಮುಂಭಾಗ ಟೆಲಿಸ್ಕೋಪಿಕ್ ಮತ್ತು ಹಿಂಭಾಗ ಹೈಡ್ರಾಲಿಕ್ ಸಿಸ್ಟಮ್ ನೀಡಲಾಗಿದೆ. ಟ್ಯೂಬ್ಲೆಸ್ ಟೈರ್ ಮತ್ತು ಅಲಾಯ್ ವೀಲ್ಸ್‌ನಿಂದ ರಸ್ತೆಗಳಲ್ಲಿ ಹಸನಾಗಿಯೇ ಚಲಿಸುತ್ತದೆ. ಪಾರ್ಕಿಂಗ್ ವೇಳೆ ರಿವರ್ಸ್ ಅಸಿಸ್ಟ್ ಆಯ್ಕೆಯೂ ನೀಡಲಾಗಿದೆ.
ಬ್ಯಾಟರಿ ವರ್ಶನ್ ಪ್ರಕಾರ ಬೆಲೆ ಬದಲಾಗುತ್ತದೆ, 60V ಮಾದರಿಯು ₹55,800 ಆಗಿದ್ದು, 72V ಮಾದರಿಯು ₹58,800. EMI ಯೋಜನೆಗಳು ₹1,700ರಿಂದ ಪ್ರಾರಂಭವಾಗುತ್ತವೆ ಮತ್ತು 36 ತಿಂಗಳಲ್ಲಿ ಪಾವತಿಸುವ ಸೌಲಭ್ಯವಿದೆ.
100 ಕಿಮೀ ಪ್ರಯಾಣಕ್ಕೆ ಅಂದಾಜು ₹30 ಖರ್ಚಾಗುತ್ತದೆ, ಇದು ಪೆಟ್ರೋಲ್ ಸ್ಕೂಟರ್‌ಗಳಿಗಿಂತ ತುಂಬಾ ಕಡಿಮೆ. ಆದ್ದರಿಂದ ದೈನಂದಿನ ಪ್ರಯಾಣಿಕರಿಗೆ ಇದು ಆರ್ಥಿಕ ಹಾಗೂ ಪರಿಸರ ಸ್ನೇಹಿ ಆಯ್ಕೆಯಾಗಿದೆ.
ಆದರೆ, ಕೆಲವು ಖರೀದಿದಾರರು ಬೆಲೆ ಸ್ವಲ್ಪ ಹೆಚ್ಚು ಎಂದು ಭಾವಿಸುತ್ತಾರೆ. ₹50,000 ಒಳಗೆ ಬಂದಿದ್ದರೆ ಸ್ಪರ್ಧಾತ್ಮಕವಾಗಿರುತ್ತಿತ್ತು ಎನ್ನುವುದು ಅಭಿಪ್ರಾಯ. ಏಕೆಂದರೆ ಇದೇ ಕಂಪನಿಯಿಂದ ₹35,000 ರಿಂದ ₹45,000 ಒಳಗಿನ ಇತರೆ ಮಾದರಿಗಳು ಕೂಡ ಲಭ್ಯವಿವೆ.
ಸ್ಟೈಲಿಷ್ ಲುಕ್, ಉಪಯುಕ್ತ ಫೀಚರ್‌ಗಳು ಮತ್ತು ಕಡಿಮೆ ನಿರ್ವಹಣಾ ವೆಚ್ಚ ಬಯಸುವವರಿಗೆ ನ್ಯೂಬ್ಯುಲಾ ಎಲೆಕ್ಟ್ರಿಕ್ ಸ್ಕೂಟರ್ ಒಳ್ಳೆಯ ಆಯ್ಕೆಯಾಗಬಹುದು.
Yakuza Nebula Electric Scooter with 55 km Mileage
