ದಿನ ಭವಿಷ್ಯ 10-4-2025: ಹಣಕಾಸಿನಲ್ಲಿ ಎಚ್ಚರಿಕೆ ಅಗತ್ಯ, ಈ ರಾಶಿಗಳಿಗೆ ಯಥೇಚ್ಛ ಖರ್ಚು

ದಿನ ಭವಿಷ್ಯ 10 ಏಪ್ರಿಲ್ 2025

ಮೇಷ ರಾಶಿ (Aries): ಕುಟುಂಬದಲ್ಲಿ ನೆಮ್ಮದಿ ಮತ್ತು ಸಹಕಾರದ ವಾತಾವರಣ ನಿರ್ಮಾಣವಾಗುತ್ತದೆ. ಆರೋಗ್ಯದಲ್ಲಿ ಸ್ವಲ್ಪ ಏರುಪೇರಾಗುವ ಸಾಧ್ಯತೆ ಇದೆ, ಆದ್ದರಿಂದ ದಿನಚರಿಯಲ್ಲಿ ಜಾಗರೂಕತೆ ಕಾಯ್ದುಕೊಳ್ಳುವುದು ಮುಖ್ಯ. ಹಣಕಾಸು ನಿರ್ವಹಣೆಯಲ್ಲಿ ಎಚ್ಚರಿಕೆಯಿಂದಿರಬೇಕು. ಹೊಸ ಕಾರ್ಯಪ್ರಾರಂಭದಿಂದ ದೂರವಿರುವುದು ಉತ್ತಮ. ಆತ್ಮೀಯರೊಂದಿಗೆ ಸಮಯ ಕಳೆಯುವುದು ನೆಮ್ಮದಿಗೆ ಕಾರಣವಾಗಬಹುದು.

ವೃಷಭ ರಾಶಿ (Taurus): ಅಪರಿಚಿತರ ಮಾತುಗಳ ಮೇಲೆ ಹೆಚ್ಚು ನಂಬಿಕೆ ಇಡುವುದು ತಪ್ಪಿಗೆ ಕಾರಣವಾಗಬಹುದು.
ಒತ್ತಡದಿಂದ ದೂರವಿರುವುದು ಆರೋಗ್ಯಕ್ಕೆ ಲಾಭಕರ. ಯತ್ನಿಸಿದ ಕೆಲಸಗಳಲ್ಲಿ ಜಯವನ್ನೂ, ಮೆಚ್ಚುಗೆಗಳನ್ನೂ ಪಡೆಯುವಿರಿ. ಎಲ್ಲೆಲ್ಲೂ ನೆಮ್ಮದಿ ಮತ್ತು ಸಂತೋಷ ಅನುಭವಿಸುವಿರಿ. ಶತ್ರುಗಳಿಂದ ಹಾನಿ ಆಗುವ ಸಾಧ್ಯತೆ ಕಡಿಮೆ. ಗೌರವ-ಮರ್ಯಾದೆ ಹೆಚ್ಚಾಗುವುದು ಖಚಿತ.

ಮಿಥುನ ರಾಶಿ (Gemini): ಆಧ್ಯಾತ್ಮಿಕ ಚಿಂತನೆಯಲ್ಲಿ ಆಸಕ್ತಿ ಹೆಚ್ಚಾಗಬಹುದು. ಕುಟುಂಬದಲ್ಲಿ ಒಗ್ಗಟ್ಟು ಹೆಚ್ಚು ಇರುತ್ತದೆ. ದಿಟ್ಟ ಮನಸ್ಸಿನಿಂದ ಕೆಲವು ಮಹತ್ವದ ಕಾರ್ಯಗಳನ್ನು ಪೂರೈಸುವಿರಿ. ಮಕ್ಕಳಿಗೆ ಸಂಬಂಧಿಸಿದ ವಿಷಯಗಳಲ್ಲಿ ಹೆಚ್ಚಿನ ಗಮನ ಕೊಡಬೇಕು. ಉದ್ಯೋಗ ಕ್ಷೇತ್ರದಲ್ಲಿ ಗೌರವ ಹೆಚ್ಚಾಗುತ್ತದೆ. ಮನೆಯವರು ಸಂತೋಷದಿಂದ ಇರುವಂತೆ ಮಾಡಿ. ನಿಮಗೆ ಹೊಸ ಉತ್ಸಾಹ ಲಭಿಸಬಹುದು.

ಕಟಕ ರಾಶಿ (Cancer): ಅರ್ಥವಿಲ್ಲದ ಕಲಹಗಳು ಉದ್ಭವಿಸಬಹುದು. ಅನಗತ್ಯ ಆತಂಕಗಳು ಉಂಟಾಗುತ್ತವೆ. ವಿದ್ಯಾರ್ಥಿಗಳಿಗೆ ಗಮನ ಹರಿಸುವ ಅಗತ್ಯವಿದೆ. ವ್ಯಾಪಾರ ಕ್ಷೇತ್ರದಲ್ಲಿ ಎಚ್ಚರಿಕೆ ಅವಶ್ಯಕ. ಮಹಿಳೆಯರು ಮಕ್ಕಳ ಭದ್ರತೆ ಬಗ್ಗೆ ಹೆಚ್ಚು ಗಮನ ಕೊಡುವ ಸಮಯ.  ಮನಸ್ಸು ಚಂಚಲವಾಗಿರುವುದರಿಂದ ಧೈರ್ಯ ಹಾಗೂ ಶಾಂತ ಮನಸ್ಸು ಅಗತ್ಯ.

ಸಿಂಹ ರಾಶಿ (Leo): ನೀವು ಇಚ್ಛಿಸಿದ ಕಾರ್ಯಗಳಲ್ಲಿ ವಿಘ್ನಗಳಿರಬಹುದು. ಆಸ್ತಿಗೆ ಸಂಬಂಧಿಸಿದ ವ್ಯವಹಾರಗಳಲ್ಲಿ ಎಚ್ಚರಿಕೆಯಿಂದ ನಡೆದುಕೊಳ್ಳಿ. ಮೋಸ ಅಥವಾ ನಷ್ಟ ಸಂಭವಿಸಬಹುದು. ಹಣಕಾಸು ಪರಿಸ್ಥಿತಿ ಬಿಗುವಿಗೆ ತರುವ ಸಾಧ್ಯತೆ ಇದೆ. ಹೊಸ ಕೆಲಸ ಆರಂಭಿಸುವ ಮೊದಲು ಯೋಚಿಸಿ. ದೀರ್ಘ ಪ್ರಯಾಣ ಸಾಧ್ಯತೆಗಳಿವೆ, ಆದರೆ ಅನಿವಾರ್ಯವಾದದ್ದು ಮಾತ್ರ ಮಾಡುವುದು ಶ್ರೇಯಸ್ಕರ.

ಕನ್ಯಾ ರಾಶಿ (Virgo): ನಿರಂತರ ಯತ್ನದಿಂದ ಲಾಭ ಕಂಡುಕೊಳ್ಳಬಹುದು. ಉದ್ಯೋಗದಲ್ಲಿ ಅಲ್ಪ ಮಟ್ಟದ ಬದಲಾವಣೆಗಳು ನೆಮ್ಮದಿ ತರುತ್ತವೆ. ಹಣಕಾಸು ವ್ಯವಹಾರಗಳಲ್ಲಿ ಮುಜುಗರ ಎದುರಾಗಬಹುದು. ವಾದ-ವಿವಾದಗಳಿಂದ ದೂರವಿರುವುದು ಶ್ರೇಯಸ್ಕರ. ಆರೋಗ್ಯ ಸಮಸ್ಯೆ ನಿವಾರಣೆಗೆ ಔಷಧ ಸೇವನೆ ಅಗತ್ಯ. ನಿಜವಾದ ಸ್ನೇಹಿತರು ನಿಮ್ಮ ಬೆಂಬಲಕ್ಕೆ ನಿಲ್ಲುವರು.

ತುಲಾ ರಾಶಿ (Libra): ಭವಿಷ್ಯದ ಯೋಜನೆಗಳನ್ನು ಇದೀಗ ರೂಪಿಸಲು ಸಮಯ ಅನುಕೂಲಕರ. ಉದ್ಯೋಗ ಅಥವಾ ನಿವಾಸ ಬದಲಾವಣೆ ಸೂಚನೆಗಳಿವೆ. ಹೊಸ ಪರಿಚಯಗಳು ಜತೆಗೊಳ್ಳುತ್ತವೆ. ಖರ್ಚುಗಳು ನಿಯಂತ್ರಣದಲ್ಲಿ ಇರಲಿ. ಬಹು ದಿನಗಳ ಯೋಜನೆಗೆ ಇಂದು ಬೆಂಬಲ ಸಿಗಬಹುದು, ನಿಮ್ಮ ಗುರಿಗಳನ್ನು ಸಾಧಿಸುವ ಹಂತದಲ್ಲಿ ಇದ್ದೀರಿ, ಹಾಗೆಯೇ ಮುಂದುವರೆಯಿರಿ.

ವೃಶ್ಚಿಕ ರಾಶಿ (Scorpio): ದಿನವಿಡೀ ಸಂತೋಷದ ಕ್ಷಣಗಳು ನಿಮ್ಮನ್ನು ತುಂಬಿ ಹರಿಯುವಂತೆ ಮಾಡುತ್ತವೆ. ಶುಭವಾರ್ತೆ ನಿಮ್ಮಲ್ಲಿ ಹೊಸ ಉತ್ಸಾಹ ಹುಟ್ಟುಮಾಡುತ್ತದೆ. ಕುಟುಂಬದಲ್ಲಿ ನೆಮ್ಮದಿ ಇದೆ. ಸಾಮಾಜಿಕವಾಗಿ ನೀವು ಗಮನ ಸೆಳೆಯುವಿರಿ. ಹೊಸ ಚಟುವಟಿಕೆಗಳಲ್ಲಿ ಭಾಗವಹಿಸುವ ಅವಕಾಶ ಸಿಗಬಹುದು. ಶಾಂತಿಯಿಂದ ಮುಂದುವರೆಯಿರಿ, ಪ್ರಗತಿ ತಾನಾಗೇ ನಿಮ್ಮ ಎದುರಾಗುತ್ತದೆ.

ಧನು ರಾಶಿ (Sagittarius): ಅನಿರೀಕ್ಷಿತ ಕಾರ್ಯಗಳಲ್ಲಿ ಪಾಲ್ಗೊಳ್ಳುವ ಅವಕಾಶ ಸಿಗಬಹುದು. ಉದ್ಯೋಗದಲ್ಲಿ ಬೆಳವಣಿಗೆ ಕಂಡುಬರುವುದು. ಆತ್ಮೀಯರ ಭೇಟಿಯಲ್ಲಿ ವಿಫಲತೆ ಸಂಭವಿಸಬಹುದು. ಅನಗತ್ಯ ವೆಚ್ಚಗಳಿಂದ ಬೇಸರವಾಗಬಹುದು. ಪ್ರಯಾಣದಲ್ಲಿ ಎಚ್ಚರಿಕೆ ಅಗತ್ಯ. ಮಹಿಳಾ ಸಹಾಯದಿಂದ ಹಣಕಾಸು ಲಾಭವಾಗುವ ಸೂಚನೆ ಇದೆ. ಒಟ್ಟಾರೆ ಬುದ್ದಿವಂತಿಕೆಯಿಂದ ಇರಬೇಕಾದ ದಿನ.

ಮಕರ ರಾಶಿ (Capricorn): ಅದ್ಭುತ ಅವಕಾಶಗಳು ನಿಮ್ಮ ಹಾದಿಯಲ್ಲಿ ಬರುತ್ತವೆ. ಶುಭಕಾರ್ಯಗಳಿಗೆ ಸಿದ್ಧತೆ ಸುಲಭವಾಗಿ ನಡೆಯುತ್ತದೆ. ಮುಖ್ಯ ಸುದ್ದಿಗಳು ನಿಮಗೆ ಸಂತೋಷ ನೀಡುತ್ತವೆ. ಆತ್ಮೀಯರಿಂದ ಸಂಪೂರ್ಣ ಸಹಕಾರ ಸಿಗುತ್ತದೆ. ಖರೀದಿಗೆ ಒಳ್ಳೆಯ ಸಮಯ; ಹೊಸ ವಸ್ತುಗಳು ಲಾಭಕಾರಿಯಾಗುತ್ತವೆ. ವೃತ್ತಿ ಜೀವನದಲ್ಲಿ ಪ್ರಗತಿಯ ಉನ್ನತ ಶ್ರೇಣಿಗೆ ಏರುವಿರಿ.

ಕುಂಭ ರಾಶಿ (Aquarius): ಧಾರ್ಮಿಕ ಕಾರ್ಯಗಳಲ್ಲಿ ಪಾಲ್ಗೊಳ್ಳುವ ಇಚ್ಛೆ ಹೆಚ್ಚಾಗುತ್ತದೆ. ದೇವದರ್ಶನದಿಂದ ಮನಸ್ಸು ಶುದ್ಧಿಯಾಗುತ್ತದೆ. ಕುಟುಂಬದಲ್ಲಿ ನೆಮ್ಮದಿ ಇದೆ. ಉತ್ತಮ ಸುದ್ದಿ ನಿಮ್ಮ ಉತ್ಸಾಹ ಹೆಚ್ಚಿಸಬಹುದು. ಹಣಕಾಸು ಲಾಭವೂ ಜೊತೆಗೆ ದೊರೆಯಬಹುದು. ವ್ಯಾಪಾರಿಗಳಿಗೆ ಒಂದೊಳ್ಳೆ ದಿನ, ಹೆಚ್ಚಿನ ಲಾಭ ನಿರೀಕ್ಷಿಸಬಹುದು. ಹಣಕ್ಕೆ ಯಾವುದೇ ಅಡೆತಡೆ ಇಲ್ಲ.

ಮೀನ ರಾಶಿ (Pisces): ಅನಗತ್ಯ ಭಯಗಳು ನಿವಾರಣೆಯಾಗುತ್ತವೆ. ಪ್ರಯಾಣದ ಸಂದರ್ಭ ಎಚ್ಚರಿಕೆ ಅಗತ್ಯ. ಉದ್ಯೋಗದಲ್ಲಿ ಸ್ಥಳ ಬದಲಾವಣೆ ಸಂಭವಿಸಬಹುದು. ಹಣಕಾಸಿನಲ್ಲಿ ಕೆಲವು ಬದಲಾವಣೆಗಳು ಕಂಡುಬರುತ್ತವೆ. ಸಾಲ ಸಂಬಂಧಿತ ವಿಚಾರಗಳಲ್ಲಿ ಚುರುಕಾಗಿ ನಡೆದುಕೊಳ್ಳಿ. ಆತ್ಮೀಯರ ಸಹಕಾರ ತಡವಾಗಿ ಬರುವುದು ಸಾಧ್ಯ. ಯಾರ ಮೇಲೂ ವಿಶ್ವಾಸ ಬೇಡ, ನಿಮ್ಮ ಶ್ರಮದಲ್ಲಿ ನಂಬಿಕೆ ಇರಿಸಿ.