ಮಹಿಳೆಯರ ಖಾತೆಗೆ 6 ಸಾವಿರ ಜಮಾ, ಕೇಂದ್ರದಿಂದ ಶುಭ ಸುದ್ದಿ! ಅರ್ಜಿ ಸಲ್ಲಿಸುವುದು ಹೇಗೆ?
ಮಹಿಳೆಯರಿಗೆ ಕೇಂದ್ರ ಸರ್ಕಾರದ ಮಾತೃ ವಂದನ ಯೋಜನೆಯಡಿ ಹಂತ ಹಂತವಾಗಿ ₹6,000 ಹಣ ಸಹಾಯ ಲಭ್ಯ. ಅರ್ಹತೆ, ಅರ್ಜಿ ವಿಧಾನ, ದಾಖಲೆಗಳ ವಿವರ ಇಲ್ಲಿದೆ.
- ಮಹಿಳೆಯರಿಗೆ ₹6,000 ನೆರವು ಕೇಂದ್ರ ಸರ್ಕಾರದಿಂದ
- ಮಾತೃ ವಂದನ ಯೋಜನೆ ಮೂಲಕ ಬ್ಯಾಂಕ್ ಖಾತೆಗೆ ಹಣ
- PMMVY ಯೋಜನೆ ಅರ್ಜಿ, ಅರ್ಹತೆ, ದಾಖಲೆಗಳ ಮಾಹಿತಿ
ಮಹಿಳೆಯರ ಆರೋಗ್ಯ ಮತ್ತು ಆರ್ಥಿಕ ಭದ್ರತೆಯನ್ನು ಬಲಪಡಿಸುವ ಉದ್ದೇಶದಿಂದ ಕೇಂದ್ರ ಸರ್ಕಾರ ಹಲವು ಯೋಜನೆಗಳನ್ನು ಜಾರಿಗೊಳಿಸಿದೆ. ಅದರಲ್ಲೂ ಗರ್ಭಿಣಿ ಮಹಿಳೆಯರು ಹಾಗೂ ತಾಯಂದಿರಿಗೆ ಸಹಾಯ ಮಾಡುವ ಪ್ರಧಾನಮಂತ್ರಿ ಮಾತೃ ವಂದನ ಯೋಜನೆ (Pradhan Mantri Matru Vandana Yojana) ಪ್ರಮುಖವಾಗಿದೆ.
ಈ ಯೋಜನೆಯನ್ನು 2017ರಲ್ಲಿ ಆರಂಭಿಸಲಾಗಿದ್ದು, ಸಮಾಜ ಮತ್ತು ಆರ್ಥಿಕವಾಗಿ ಹಿಂದುಳಿದ ವರ್ಗಗಳ ಮಹಿಳೆಯರಿಗೆ ಗರ್ಭಧಾರಣೆ ಹಾಗೂ ಪ್ರಸವದ ಸಮಯದಲ್ಲಿ ಅಗತ್ಯವಾದ ಆರ್ಥಿಕ ಬೆಂಬಲ ಒದಗಿಸುವುದು ಇದರ ಮುಖ್ಯ ಗುರಿಯಾಗಿದೆ. ಆದರೂ, ಮಾಹಿತಿ ಕೊರತೆಯಿಂದ ಅನೇಕರು ಈ ಸೌಲಭ್ಯದಿಂದ ವಂಚಿತರಾಗುತ್ತಿದ್ದಾರೆ.
ಎಷ್ಟು ಹಣ ಸಿಗುತ್ತದೆ?
ಮೊದಲ ಮಗುವಿಗೆ ಗರ್ಭಿಣಿ ಮಹಿಳೆಯರಿಗೆ ಒಟ್ಟು ₹5,000 ನೆರವು ಲಭ್ಯ. ಈ ಮೊತ್ತವನ್ನು ಎರಡು ಹಂತಗಳಲ್ಲಿ ಬಿಡುಗಡೆ ಮಾಡಲಾಗುತ್ತದೆ. ಗರ್ಭಧಾರಣೆ ನೋಂದಣಿ ಮಾಡಿದ ಬಳಿಕ ಮೊದಲ ಹಂತದಲ್ಲಿ ಹಣ ಜಮೆಯಾಗುತ್ತದೆ. ಪ್ರಸವದ ಬಳಿಕ ಉಳಿದ ಮೊತ್ತವನ್ನು ನೀಡಲಾಗುತ್ತದೆ.
ಎರಡನೇ ಮಗುವಿನ ಸಂದರ್ಭದಲ್ಲಿ ವಿಶೇಷ ನಿಯಮವಿದ್ದು, ಆ ಮಗು ಹೆಣ್ಣುಮಗುವಾಗಿದ್ದರೆ ಒಂದೇ ಹಂತದಲ್ಲಿ ₹6,000 ನೆರವು ನೀಡಲಾಗುತ್ತದೆ. ಈ ಹಣ ನೇರವಾಗಿ ಫಲಾನುಭವಿಯ ಬ್ಯಾಂಕ್ ಖಾತೆಗೆ (Bank Account) ಜಮೆಯಾಗುತ್ತದೆ.
ಯಾರು ಅರ್ಹರು?
ಈ ಯೋಜನೆಯಡಿ ಸಹಾಯ ಪಡೆಯಲು ಗರ್ಭಿಣಿ ಮಹಿಳೆಗೆ ಕನಿಷ್ಠ 19 ವರ್ಷ ವಯಸ್ಸು ಇರಬೇಕು. ಮೊದಲ ಮಗುವಿನ ಜನನ ಅಥವಾ ಅರ್ಹ ಪರಿಸ್ಥಿತಿಯಲ್ಲಿನ ಎರಡನೇ ಮಗುವಿನ ಜನನವಾಗಿರಬೇಕು. ಬಡತನ ರೇಖೆ ಒಳಗಿನ ಕುಟುಂಬಗಳಿಗೆ, ಎಸ್‌ಸಿ/ಎಸ್‌ಟಿ ವರ್ಗದ ಮಹಿಳೆಯರಿಗೆ, ಅಂಗವಿಕಲ ಮಹಿಳೆಯರಿಗೆ ಹಾಗೂ ವೇತನ ನಷ್ಟ ಅನುಭವಿಸುತ್ತಿರುವ ಕಾರ್ಮಿಕ ಮಹಿಳೆಯರಿಗೆ ಈ ಯೋಜನೆ ಅನ್ವಯಿಸುತ್ತದೆ.
ಕುಟುಂಬದ ವಾರ್ಷಿಕ ಆದಾಯ ₹8 ಲಕ್ಷಕ್ಕಿಂತ ಕಡಿಮೆ ಇರಬೇಕು. ಜೊತೆಗೆ ರೇಷನ್ ಕಾರ್ಡ್, MGNREGA ಜಾಬ್ ಕಾರ್ಡ್ ಅಥವಾ ಇ-ಶ್ರಮ್ ಕಾರ್ಡ್ ಇದ್ದರೆ ಅರ್ಜಿ ಸುಲಭವಾಗುತ್ತದೆ.
ಅವಶ್ಯಕ ದಾಖಲೆಗಳು
ಅರ್ಜಿಗೆ ಆಧಾರ್ ಕಾರ್ಡ್, ಬ್ಯಾಂಕ್ ಪಾಸ್‌ಬುಕ್, ಗರ್ಭಧಾರಣೆ ಮತ್ತು ಪ್ರಸವ ಪ್ರಮಾಣಪತ್ರ, ಮಕ್ಕಳ ಲಸಿಕೆ ವಿವರಗಳು, MCP/RCHI ಕಾರ್ಡ್, ಆದಾಯ ಪ್ರಮಾಣಪತ್ರ ಸೇರಿದಂತೆ ಅಗತ್ಯ ದಾಖಲೆಗಳನ್ನು ಸಲ್ಲಿಸಬೇಕು.
ಅರ್ಜಿಯನ್ನು ಹೇಗೆ ಸಲ್ಲಿಸಬೇಕು?
ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಸರ್ಕಾರದ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ ಅಗತ್ಯ ವಿವರಗಳನ್ನು ತುಂಬಬೇಕು. ದಾಖಲೆಗಳನ್ನು ಅಪ್‌ಲೋಡ್ ಮಾಡಿದ ಬಳಿಕ, ಅಧಿಕಾರಿಗಳು ಪರಿಶೀಲನೆ ನಡೆಸಿ ಹಂತ ಹಂತವಾಗಿ ಹಣವನ್ನು ಖಾತೆಗೆ ಜಮೆ ಮಾಡುತ್ತಾರೆ.
ಇದಲ್ಲದೆ, ಹತ್ತಿರದ ಅಂಗನವಾಡಿ ಕೇಂದ್ರಗಳು ಅಥವಾ ಸರ್ಕಾರಿ ಕಚೇರಿಗಳಲ್ಲಿ ಆಫ್‌ಲೈನ್ ಮೂಲಕವೂ ಅರ್ಜಿ ಸಲ್ಲಿಸುವ ಅವಕಾಶವಿದೆ.
