Aadhaar PVC Card: ಆಧಾರ್ ಕಾರ್ಡ್ ಬಳಕೆದಾರರಿಗೆ ಪಿವಿಸಿ ಕಾರ್ಡ್! ಸುರಕ್ಷತೆಗೆ UIDAI ಹೊಸ ಸೂಚನೆ
UIDAI ಹೊಸ ಸೂಚನೆಯಂತೆ Aadhaar PVC Card ಪಡೆಯುವುದು ಸುರಕ್ಷಿತ. ಆನ್‌ಲೈನ್ ಅರ್ಜಿ, ಸ್ಪೀಡ್ ಪೋಸ್ಟ್ ವಿತರಣೆ, ಟ್ರ್ಯಾಕಿಂಗ್ ಸೌಲಭ್ಯಗಳೊಂದಿಗೆ ಡೇಟಾ ರಕ್ಷಣೆ ಬಲವಾಗಲಿದೆ ಎಂದು ಸಂಸ್ಥೆ ತಿಳಿಸಿದೆ.
- ಆಧಾರ್ PVC ಕಾರ್ಡ್ ಬಳಕೆ ಹೆಚ್ಚು ಸುರಕ್ಷಿತ, UIDAI
- UIDAI ಅಪ್ಡೇಟ್ ಮೂಲಕ ಡೇಟಾ ದುರುಪಯೋಗ ತಡೆ
- PVC ಕಾರ್ಡ್ ಅರ್ಜಿ ಆನ್‌ಲೈನ್‌ನಲ್ಲಿ ಸುಲಭವಾಗಿ ಲಭ್ಯ
Aadhaar PVC Card: ದೇಶದ ನಾಗರಿಕರಿಗೆ UIDAI ಮಹತ್ವದ ಅಪ್ಡೇಟ್ ನೀಡಿದೆ. ಸಾಮಾನ್ಯ ಕಾಗದದ ಆಧಾರ್ ಕಾರ್ಡ್‌ಗಿಂತ PVC ಆಧಾರ್ ಕಾರ್ಡ್ ಬಳಸುವುದು ಹೆಚ್ಚು ಸುರಕ್ಷಿತ ಎಂದು ತಿಳಿಸಿದೆ. ಡೇಟಾ ರಕ್ಷಣೆ ಮತ್ತು ದುರುಪಯೋಗ ತಡೆಯುವ ಉದ್ದೇಶದಿಂದ ಈ ಆಯ್ಕೆಯನ್ನು ನಾಗರಿಕರು ಬಳಸಬೇಕು ಎಂದು ಸಲಹೆ ನೀಡಲಾಗಿದೆ.
UIDAI ಈಗಾಗಲೇ ATM ಗಾತ್ರದ PVC ಆಧಾರ್ ಕಾರ್ಡ್ ಪರಿಚಯಿಸಿದ್ದು, ಇದು ದೈನಂದಿನ ಬಳಕೆಗೆ ಅನುಕೂಲಕರವಾಗಿದೆ. ಬಲವಾದ ಪ್ಲಾಸ್ಟಿಕ್‌ನಿಂದ ತಯಾರಿಸಲ್ಪಟ್ಟ ಈ ಕಾರ್ಡ್ ಹೆಚ್ಚು ಕಾಲ ಇರುತ್ತದೆ ಮತ್ತು ಹಾನಿಯಾಗುವ ಸಾಧ್ಯತೆ ಕಡಿಮೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
PVC ಆಧಾರ್ ಕಾರ್ಡ್‌ಗೆ ಅರ್ಜಿ ಹೇಗೆ?
ಆಧಾರ್ ಹೊಂದಿರುವ ಪ್ರತಿಯೊಬ್ಬರೂ UIDAI ಅಧಿಕೃತ ವೆಬ್‌ಸೈಟ್ ಅಥವಾ ಅಪ್ ಮೂಲಕ PVC ಕಾರ್ಡ್‌ಗೆ ಅರ್ಜಿ ಸಲ್ಲಿಸಬಹುದು. ‘Apply for PVC Card’ ಆಯ್ಕೆ ಕ್ಲಿಕ್ ಮಾಡಿ ವಿವರಗಳನ್ನು ಪರಿಶೀಲಿಸಿ ಅರ್ಜಿ ಪೂರ್ಣಗೊಳಿಸಬಹುದು. ಈ ಸೇವೆಗೆ ಈಗ ರೂ.75 ಶುಲ್ಕ ನಿಗದಿಪಡಿಸಲಾಗಿದೆ.
ಅರ್ಜಿಯ ನಂತರ PVC ಕಾರ್ಡ್ ಅನ್ನು ಇಂಡಿಯಾ ಪೋಸ್ಟ್ ಸ್ಪೀಡ್ ಪೋಸ್ಟ್ ಮೂಲಕ ಮನೆಗೆ ಕಳುಹಿಸಲಾಗುತ್ತದೆ. ಕಾರ್ಡ್ ವಿತರಣೆ ಸ್ಥಿತಿಯನ್ನು UIDAI ವೆಬ್‌ಸೈಟ್ ಹಾಗೂ ಇಂಡಿಯಾ ಪೋಸ್ಟ್ ಟ್ರ್ಯಾಕಿಂಗ್ ನಂಬರ್ ಮೂಲಕ ಯಾವಾಗ ಬೇಕಾದರೂ ಪರಿಶೀಲಿಸಬಹುದು. ಕಾರ್ಡ್ ಕಳೆದುಹೋದರೆ ಮತ್ತೆ ಹೊಸ PVC ಕಾರ್ಡ್‌ಗೆ ಅರ್ಜಿ ಸಲ್ಲಿಸುವ ಅವಕಾಶವೂ ಇದೆ.
UIDAI ಇತ್ತೀಚೆಗೆ ಎಕ್ಸ್ (ಟ್ವಿಟರ್) ನಲ್ಲಿ ಪೋಸ್ಟ್ ಮಾಡಿದ್ದು, ಅರ್ಜಿ ಸ್ವೀಕರಿಸಿದ ಕೆಲವೇ ದಿನಗಳಲ್ಲಿ ಕಾರ್ಡ್ ಮುದ್ರಿಸಿ ವೇಗವಾಗಿ ಕಳುಹಿಸಲಾಗುತ್ತದೆ ಎಂದು ಸ್ಪಷ್ಟಪಡಿಸಿದೆ. PVC ಆಧಾರ್ ಕಾರ್ಡ್ ಬಳಸುವುದು ಸುರಕ್ಷಿತ ಮತ್ತು ನಂಬಿಗಸ್ತ ಎಂದು ಸಂಸ್ಥೆ ಪುನರುಚ್ಚರಿಸಿದೆ.
