ಬೆಂಗಳೂರಿಗೆ ಹೊರಟಿದ್ದ ಆಕಾಸ ಏರ್‌ಫ್ಲೈಟ್‌ಗೆ ಬಾಂಬ್ ಬೆದರಿಕೆ
ಬೆಂಗಳೂರು : ದೇಶದ ಹಲವು ವಿಮಾನಗಳಿಗೆ ಬಾಂಬ್ ಬೆದರಿಕೆ ಮುಂದುವರಿದಿದೆ. ಬೆಂಗಳೂರು (Bengaluru) ಹೊರಟಿದ್ದ ಆಕಾಸ ಏರ್‌ ವಿಮಾನ (Akasa Air flight) ಮತ್ತು ದೆಹಲಿಗೆ ಬರುತ್ತಿದ್ದ ಇಂಡಿಗೋ ವಿಮಾನಕ್ಕೆ (IndiGo) ಬೆದರಿಕೆ ಬಂದಿದೆ.
ಈ ಮೂಲಕ ದೇಶದ ಹಲವು ವಿಮಾನಗಳಿಗೆ ಬಾಂಬ್ ಬೆದರಿಕೆ ಮುಂದುವರಿದಿದೆ. ಮಂಗಳವಾರ ವಿವಿಧ ಕಂಪನಿಗಳ ಏಳು ವಿಮಾನಗಳಿಗೂ ಇದೇ ರೀತಿ ಬೆದರಿಕೆ (Bomb Threat) ಹಾಕಿರುವುದು ಗೊತ್ತಾಗಿದೆ.
ಆಕಾಸ ಏರ್‌ಲೈನ್ಸ್ ವಿಮಾನ QP 1335 ಬುಧವಾರ 184 ಪ್ರಯಾಣಿಕರು ಮತ್ತು ಸಿಬ್ಬಂದಿಯೊಂದಿಗೆ ದೆಹಲಿಯಿಂದ ಬೆಂಗಳೂರು (Delhi-Bengaluru) ಹೊರಟಿತು. ಆದರೆ, ವಿಮಾನ ಟೇಕ್ ಆಫ್ ಆದ ತಕ್ಷಣ ಬಾಂಬ್ ಬೆದರಿಕೆಗಳು ಬಂದಿದ್ದವು.
ಎಚ್ಚೆತ್ತ ಪೈಲಟ್ ವಿಮಾನವನ್ನು ದಿಲ್ಲಿಗೆ ತಿರುಗಿಸಿದರು. ಮಧ್ಯಾಹ್ನ 2 ಗಂಟೆಗೆ ಅಲ್ಲಿ ಸುರಕ್ಷಿತವಾಗಿ ಬಂದಿಳಿದರು. ಬಳಿಕ ಅಧಿಕಾರಿಗಳು ವಿಮಾನದಲ್ಲಿ ತಪಾಸಣೆ ನಡೆಸಿದರು.
ಮತ್ತೊಂದೆಡೆ ಮುಂಬೈನಿಂದ ದೆಹಲಿಗೆ ಹೊರಟಿದ್ದ ಇಂಡಿಗೋ ವಿಮಾನಕ್ಕೂ ಇದೇ ರೀತಿಯ ಬೆದರಿಕೆ ಬಂದಿತ್ತು. ಮುಂಬೈನಿಂದ ಹೊರಟ 6E 651.. ಅಲರ್ಟ್ ಸಿಕ್ಕಿತು. ಇದರಿಂದ ಪೈಲಟ್ ವಿಮಾನವನ್ನು ಅಹಮದಾಬಾದ್‌ಗೆ ತಿರುಗಿಸಿದರು. ವಿಮಾನವನ್ನು ಸುರಕ್ಷಿತವಾಗಿ ಇಳಿಸಲಾಯಿತು ಎಂದು ಇಂಡಿಗೋ ವಕ್ತಾರರು ತಿಳಿಸಿದ್ದಾರೆ.
Bengaluru Bound Akasa Air Flight Gets Bomb Threat Returns To Delhi
