ಬ್ಯೂಟಿ ಪಾರ್ಲರ್‌ಗೆ ಅಂತ ಹೋದ ಮದುವೆ ಹೆಣ್ಣು ಲವರ್ ಜೊತೆ ಪರಾರಿ
ಮಧ್ಯಪ್ರದೇಶದ ಗಂಜ್‌ಬಸೋಡಾದಲ್ಲಿ ಮದುವೆ ನಿಶ್ಚಯವಾಗಿದ್ದ ಹೆಣ್ಣು ತನ್ನ ಪ್ರಿಯಕರನೊಂದಿಗೆ ರಿಸೆಪ್ಷನ್‌ಗೆ ಮುನ್ನ ಪರಾರಿಯಾದ ಘಟನೆ ನಡೆದಿದೆ
- ರಿಸೆಪ್ಷನ್‌ಗೆ ಮುನ್ನ ಬ್ಯೂಟಿ ಪಾರ್ಲರ್‌ಗೆ ಅಂತ ಮದುವೆ ಹೆಣ್ಣು ಪರಾರಿ
- ಇನ್‌ಸ್ಟಾಗ್ರಾಮ್‌ನಲ್ಲಿ ಲವ್ ಬಗ್ಗೆ ಬಿಚ್ಚಿಟ್ಟ ವಧು
- ಮಾಡುವೆ ಹೆಣ್ಣು ಮತ್ತು ಆಕೆಯ ಪ್ರಿಯಕರನಿಗಾಗಿ ಹುಡುಕಾಟ
ವಿವಾಹದ ಸಂಭ್ರಮಕ್ಕೆ ಇನ್ನೇನು ಕ್ಷಣಗಳಿರುವಾಗಲೇ ಮಧ್ಯಪ್ರದೇಶದ ಗಂಜ್‌ಬಸೋಡಾದಲ್ಲಿ ವಿಚಿತ್ರ ಘಟನೆ ನಡೆದಿದೆ. ರಿಸೆಪ್ಷನ್‌ಗಾಗಿ ಸಿದ್ಧವಾಗಲು ಬ್ಯೂಟಿ ಪಾರ್ಲರ್‌ಗೆ ತೆರಳಿದ್ದ ಮದುವೆ ಹೆಣ್ಣು ತನ್ನ ಪ್ರಿಯಕರನೊಂದಿಗೆ ಕಾರಿನಲ್ಲಿ ಪರಾರಿಯಾಗಿದ್ದಾಳೆ.
ಘಟನೆಯ ಮಾಹಿತಿ ಪಡೆದ ಪತಿ ಆಶಿಷ್ ರಾಜಕ್, ತಕ್ಷಣವೇ ತನ್ನ ಪತ್ನಿಯನ್ನು ಅಪಹರಣ ಮಾಡಿದ್ದಾರೆಂದು ಪೊಲೀಸರಿಗೆ ದೂರು ಸಲ್ಲಿಸಿದರು. ಆದರೆ ಪ್ರಾಥಮಿಕ ತನಿಖೆಯಲ್ಲಿ ವಧು ಸ್ವಯಂ ಇಚ್ಛೆಯಿಂದ ಕಾರಿನಲ್ಲಿ ಹೋದದ್ದು ತಿಳಿದುಬಂದಿದೆ. ವಧು ರೋಶ್ನಿ ಸೋಲಂಕಿ ಮತ್ತು ಪ್ರಿಯಕರ ಅನಿಕೇತ್ ಮಾಲವೀಯ ನಡುವಿನ ಸಂಬಂಧದ ವಿವರಗಳು ಅವರ ಕಾಲ್‌ ರೆಕಾರ್ಡ್‌ಗಳಲ್ಲಿ ಬಹಿರಂಗಗೊಂಡಿವೆ.
ಇದನ್ನೂ ಓದಿ: ಭೀಕರ ಅಪಘಾತ, ಬಸ್ ಮತ್ತು ಟ್ರಕ್ ಮುಖಾಮುಖಿ ಡಿಕ್ಕಿಯಾಗಿ 7 ಮಂದಿ ಸಾವು
ಘಟನೆಯ ಮತ್ತೊಂದು ತಿರುವು ಏನೆಂದರೆ, ವಧು ರೋಶ್ನಿ ನಂತರ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಹಾಕಿ ತನ್ನ ಪ್ರೀತಿಯ ಕಥೆಯನ್ನು ಎಲ್ಲರ ಮುಂದಿಟ್ಟಿದ್ದಾಳೆ. ಪೋಷಕರಿಗೆ ಅನಿಕೇತ್‌ನೊಂದಿಗೆ ಸಂಬಂಧವನ್ನು ತಿಳಿಸಿದ್ದರೂ ಅವರು ಒಪ್ಪಿಕೊಳ್ಳಲಿಲ್ಲವೆಂದು, ಆದ್ದರಿಂದ ಅವರು ಪರಾರಿಯಾಗಬೇಕಾಯಿತು ಎಂದು ಸ್ಪಷ್ಟಪಡಿಸಿದ್ದಾಳೆ.
ಪೊಲೀಸರು ಇದೀಗ ಪ್ರಕರಣವನ್ನು ದಾಖಲಿಸಿಕೊಂಡು, ವಧು ಮತ್ತು ಪ್ರಿಯಕರನ ಪತ್ತೆಗೆ ಎರಡು ತಂಡಗಳನ್ನು ರಚಿಸಿದ್ದಾರೆ. ವಧು ತನ್ನ ಪ್ರಿಯಕರನೊಂದಿಗೆ ಸುರಕ್ಷಿತವಾಗಿ ಇರಲು ಸಹಾಯ ಮಾಡಲು ಪೊಲೀಸರಿಂದ ಭದ್ರತೆ ಒದಗಿಸುವಂತೆ ಮನವಿ ಮಾಡಿದ್ದಾಳೆ.
Bride Elopes with Boyfriend Before Reception
