ನಿಮ್ಮ ಆಧಾರ್ ಕಾರ್ಡ್ ದುರುಪಯೋಗ ಆಗಿದೆಯೇ..? ಈಗಲೇ ಹಿಸ್ಟರಿ ಚೆಕ್ ಮಾಡಿ
ಸರ್ಕಾರಿ ಯೋಜನೆಗಳು ಹಾಗೂ ಬ್ಯಾಂಕಿಂಗ್ ಸೇವೆಗಳಿಗೆ ಅಗತ್ಯವಾದ ಆಧಾರ್ ಕಾರ್ಡ್ ಸುರಕ್ಷತೆಗೆ UIDAI ಹೊಸ ಫೀಚರ್ ನೀಡಿದ್ದು, ಯಾರಾದರೂ ನಿಮ್ಮ ಅನುಮತಿ ಇಲ್ಲದೆ ಬಳಸಿದರೆ ಹಿಸ್ಟರಿ ಮೂಲಕ ಸುಲಭವಾಗಿ ಪರಿಶೀಲಿಸಿ ತಕ್ಷಣ ಕ್ರಮ ಕೈಗೊಳ್ಳಬಹುದು.
- ಆಧಾರ್ ಹಿಸ್ಟರಿ ಚೆಕ್ ಮಾಡಿ, ದುರುಪಯೋಗ ಪತ್ತೆ ಮಾಡಿ
- UIDAI ಫೀಚರ್ ಮೂಲಕ ಆಧಾರ್ ಸುರಕ್ಷತೆ ಹೆಚ್ಚಳ
- ಬಯೋಮೆಟ್ರಿಕ್ ಲಾಕ್ ಮಾಡಿ, ದುರುಪಯೋಗ ತಡೆಯಿರಿ
Aadhaar Card: ಇಂದು ಬ್ಯಾಂಕ್ ಖಾತೆ ತೆರೆದುಕೊಳ್ಳುವುದರಿಂದ ಹಿಡಿದು ಸರ್ಕಾರಿ ಸಬ್ಸಿಡಿ ಪಡೆಯುವವರೆಗೆ ಎಲ್ಲೆಡೆ ಆಧಾರ್ ಅಗತ್ಯವಾಗಿದೆ. ಚಿಕ್ಕ ಮಕ್ಕಳಿಂದ ಹಿರಿಯರ ತನಕ ಎಲ್ಲರ ಕೈಯಲ್ಲೂ ಈ ಗುರುತಿನ ಚೀಟಿ ಕಡ್ಡಾಯ. ಆದರೆ ಬಳಕೆ ಹೆಚ್ಚಾದಂತೆ ದುರುಪಯೋಗದ ಪ್ರಕರಣಗಳೂ ಹೆಚ್ಚಾಗುತ್ತಿವೆ.
ಕೆಲವರು ಇತರರ ಆಧಾರ್ ವಿವರಗಳನ್ನು ಕದ್ದುಕೊಂಡು ಮೋಸ ಮಾಡುವ ಘಟನೆಗಳು ಬೆಳಕಿಗೆ ಬರುತ್ತಿವೆ. ಇದನ್ನು ಗಮನಿಸಿದ UIDAI, ಬಳಕೆದಾರರ ಸುರಕ್ಷತೆಗೆ ಹಲವು ಹೊಸ ಆಯ್ಕೆಗಳು ನೀಡಿದೆ. ಅವುಗಳಲ್ಲಿ ಪ್ರಮುಖವಾದದ್ದು Authentication History.
ಅಥೆಂಟಿಕೇಶನ್ ಹಿಸ್ಟರಿ ಎಂದರೇನು?
ನೀವು ಬ್ಯಾಂಕ್, ಸಬ್ಸಿಡಿ ಅಥವಾ KYC ಕೆಲಸಗಳಿಗೆ ಆಧಾರ್ ಬಳಸಿದಾಗ, ಪ್ರತಿಯೊಂದು ವ್ಯವಹಾರ UIDAI ಸಿಸ್ಟಮ್‌ನಲ್ಲಿ ದಾಖಲಾಗುತ್ತದೆ. ಇದೇ ದಾಖಲೆಗಳನ್ನು ‘ಆಧಾರ್ ಹಿಸ್ಟರಿ’ ಎಂದು ಕರೆಯುತ್ತಾರೆ. ಇದರ ಮೂಲಕ ನಿಮ್ಮ ಆಧಾರ್ ಯಾವ ದಿನ, ಯಾವ ಸೇವೆಗೆ ಬಳಸಲಾಗಿದೆ ಎಂಬುದನ್ನು ಸುಲಭವಾಗಿ ತಿಳಿಯಬಹುದು.
ಒಂದೇ ವೇಳೆ, ನಿಮಗೆ ತಿಳಿಯದೆ ಯಾರಾದರೂ ಬಳಸಿದ್ದರೂ ಕೂಡ ತಕ್ಷಣ ಪತ್ತೆಹಚ್ಚಬಹುದು. ಇದು ಬಳಕೆದಾರರಿಗೆ ದೊಡ್ಡ ರಕ್ಷಣೆ.
ಹಿಸ್ಟರಿ ಹೇಗೆ ಚೆಕ್ ಮಾಡುವುದು?
- UIDAI ಅಧಿಕೃತ ವೆಬ್‌ಸೈಟ್ ತೆರೆಯಿರಿ
- ‘My Aadhaar’ ವಿಭಾಗಕ್ಕೆ ಹೋಗಿ
- ‘Aadhaar Authentication History’ ಆಯ್ಕೆಮಾಡಿ
- ಆಧಾರ್ ಸಂಖ್ಯೆ ಮತ್ತು ಕ್ಯಾಪ್ಚಾ ನಮೂದಿಸಿ
- ಮೊಬೈಲ್‌ಗೆ ಬಂದ OTP ನಮೂದಿಸಿ
- Verify ಮಾಡಿದ ಬಳಿಕ ಸಂಪೂರ್ಣ ವಿವರಗಳು ಕಾಣಿಸುತ್ತವೆ
ದುರುಪಯೋಗ ಕಂಡರೆ ಏನು ಮಾಡಬೇಕು?
ನಿಮ್ಮ ಅನುಮತಿ ಇಲ್ಲದೆ ಬಳಕೆ ಕಂಡುಬಂದರೆ, UIDAI ಸಹಾಯವಾಣಿ ಸಂಪರ್ಕಿಸಿ ದೂರು ನೀಡಬಹುದು. ಜೊತೆಗೆ ಬಯೋಮೆಟ್ರಿಕ್ ಲಾಕ್ ಆಯ್ಕೆ ಆನ್ ಮಾಡಿದರೆ, ನಿಮ್ಮ ಫಿಂಗರ್‌ಪ್ರಿಂಟ್ ಅಥವಾ ಐರಿಸ್ ಮೂಲಕ ಯಾರೂ ವಹಿವಾಟು ಮಾಡಲು ಸಾಧ್ಯವಾಗುವುದಿಲ್ಲ.
ತಜ್ಞರ ಪ್ರಕಾರ, ಇಂದಿನ ಡಿಜಿಟಲ್ ಕಾಲದಲ್ಲಿ ಆಧಾರ್ ಸುರಕ್ಷತೆ ಪ್ರತಿಯೊಬ್ಬರ ಜವಾಬ್ದಾರಿ. ಸ್ವಲ್ಪ ಎಚ್ಚರಿಕೆ ಇದ್ದರೆ ದೊಡ್ಡ ಸಮಸ್ಯೆ ತಪ್ಪಿಸಬಹುದು.
