Gas Cylinder Price: ಹೊಸ ವರ್ಷದ ಆರಂಭದಲ್ಲೇ ಗ್ಯಾಸ್ ಸಿಲಿಂಡರ್ ಬೆಲೆ ಭಾರೀ ಏರಿಕೆ! ಹೆಚ್ಚಾಯ್ತು ಖರ್ಚು
ಹೊಸ ವರ್ಷದ ಆರಂಭದಲ್ಲೇ ವಾಣಿಜ್ಯ ಗ್ಯಾಸ್ ಸಿಲಿಂಡರ್ ಬೆಲೆಗಳು ಅತಿದೊಡ್ಡ ಮಟ್ಟದಲ್ಲಿ ಏರಿಕೆಯಾಗಿದ್ದು, ಹೋಟೆಲ್ ಹಾಗೂ ವ್ಯಾಪಾರ ವಲಯಕ್ಕೆ ಭಾರೀ ಒತ್ತಡ ತಂದಿದೆ.
- ಗ್ಯಾಸ್ ಸಿಲಿಂಡರ್ ಬೆಲೆ ಏರಿಕೆ
- ವಾಣಿಜ್ಯ ಸಿಲಿಂಡರ್ ದರದಲ್ಲಿ ಹೆಚ್ಚಳ
- ಗೃಹ ಬಳಕೆ ಗ್ಯಾಸ್ ಬದಲಾವಣೆ ಇಲ್ಲ
Gas Cylinder Price: ಹೊಸ ವರ್ಷದ ಮೊದಲ ದಿನವೇ ಗ್ರಾಹಕರಿಗೆ ಬೆಲೆ ಶಾಕ್ ಎದುರಾಗಿದೆ. ಸರ್ಕಾರ ಪೈಪ್ಡ್ ನ್ಯಾಚುರಲ್ ಗ್ಯಾಸ್ ದರವನ್ನು ಕಡಿತಗೊಳಿಸಿದ್ದರೂ, ವಾಣಿಜ್ಯ ಬಳಕೆಯ ಗ್ಯಾಸ್ ಸಿಲಿಂಡರ್‌ಗಳ ಬೆಲೆ ಏಕಾಏಕಿ ಹೆಚ್ಚಿಸಲಾಗಿದೆ. ಇದು ಕಳೆದ 28 ತಿಂಗಳಲ್ಲಿ ಕಂಡುಬಂದ ಅತಿದೊಡ್ಡ ಏರಿಕೆ ಎನ್ನಲಾಗುತ್ತಿದೆ.
ಮೆಟ್ರೋ ನಗರಗಳಲ್ಲಿ ಭಾರೀ ಏರಿಕೆ
ಇಂಡಿಯನ್ ಆಯಿಲ್ ಕಾರ್ಪೊರೇಷನ್ (IOCL) ಮಾಹಿತಿ ಪ್ರಕಾರ, ವಾಣಿಜ್ಯ ಗ್ಯಾಸ್ ಸಿಲಿಂಡರ್ ದರದಲ್ಲಿ ನವೆಂಬರ್ 2023 ನಂತರ ಇದೇ ಮೊದಲ ಬಾರಿಗೆ ₹100ಕ್ಕಿಂತ ಹೆಚ್ಚು ಏರಿಕೆ ದಾಖಲಾಗಿದೆ.
ಬೆಂಗಳೂರು, ದೆಹಲಿ, ಮುಂಬೈ ಮತ್ತು ಕೋಲ್ಕತಾಗಳಲ್ಲಿ ಸಿಲಿಂಡರ್ ದರ ₹111 ಹೆಚ್ಚಳವಾಗಿದ್ದು, ದರಗಳು ಕ್ರಮವಾಗಿ ₹1,691.50, ₹1,642.50 ಮತ್ತು ₹1,795ಕ್ಕೆ ತಲುಪಿವೆ.
ಚೆನ್ನೈನಲ್ಲಿ ₹110 ಹೆಚ್ಚಳವಾಗಿ ವಾಣಿಜ್ಯ ಸಿಲಿಂಡರ್ ಬೆಲೆ ₹1,849.50 ಆಗಿದೆ. ಜೂನ್ 2025 ನಂತರ ಇದು ಗರಿಷ್ಠ ಮಟ್ಟವೆಂದು ಹೇಳಲಾಗಿದೆ.
ಗೃಹ ಬಳಕೆ ಸಿಲಿಂಡರ್ ದರ ಸ್ಥಿರ
ಇನ್ನೊಂದೆಡೆ, ಗೃಹ ಬಳಕೆಯ LPG ಸಿಲಿಂಡರ್ ಬೆಲೆಯಲ್ಲಿ ಯಾವುದೇ ಬದಲಾವಣೆ ಮಾಡಲಾಗಿಲ್ಲ. IOCL ಪ್ರಕಾರ, ದೆಹಲಿಯಲ್ಲಿ ₹853, ಕೋಲ್ಕತ ₹879, ಮುಂಬೈನಲ್ಲಿ ₹852.50 ಹಾಗೂ ಚೆನ್ನೈನಲ್ಲಿ ₹868.50 ದರ ಮುಂದುವರಿದಿದೆ. ಗೃಹ ಬಳಕೆಯ ಗ್ಯಾಸ್ ಸಿಲಿಂಡರ್ ದರದಲ್ಲಿ ಕೊನೆಯ ಬದಲಾವಣೆ ಏಪ್ರಿಲ್ 2025ರಲ್ಲಿ ನಡೆದಿತ್ತು.
ವ್ಯಾಪಾರ ವಲಯಕ್ಕೆ ಹೊಡೆತ
ವಾಣಿಜ್ಯ ಸಿಲಿಂಡರ್ ಬೆಲೆ ಏರಿಕೆಯಿಂದ ಹೋಟೆಲ್, ರೆಸ್ಟೋರೆಂಟ್ ಹಾಗೂ ಸಣ್ಣ ಉದ್ಯಮಗಳ ಮೇಲೆ ನೇರ ಪರಿಣಾಮ ಬೀರುವ ಸಾಧ್ಯತೆ ಇದೆ. ಹೊಸ ವರ್ಷದಲ್ಲಿ ಖರ್ಚು ಹೆಚ್ಚುವ ಆತಂಕ ವ್ಯಾಪಾರಿಗಳಿಗೆ ಕಾಡುತ್ತಿದೆ.
