ಡಿಜಿಟಲ್ ಅರೆಸ್ಟ್! 67 ವರ್ಷದ ಮಹಿಳೆಯಿಂದ ₹30 ಲಕ್ಷ ಲಪಟಾಯಿಸಿದ ಸೈಬರ್ ವಂಚಕರು
ಮಧ್ಯಪ್ರದೇಶದ ಇಂದೋರ್‌ನಲ್ಲಿ ಡಿಜಿಟಲ್ ಅರೆಸ್ಟ್ ಹೆಸರಿನಲ್ಲಿ ಸೈಬರ್ ವಂಚಕರು 67 ವರ್ಷದ ಮಹಿಳೆಯನ್ನು ಭಯಪಡಿಸಿ ₹30 ಲಕ್ಷ ಹಣ ವರ್ಗಾವಣೆ ಮಾಡಿಸಿಕೊಂಡ ಪ್ರಕರಣ ಬೆಳಕಿಗೆ ಬಂದಿದೆ
- ಇಂದೋರ್‌ನಲ್ಲಿ ಡಿಜಿಟಲ್ ಅರೆಸ್ಟ್ ವಂಚನೆ
- ಇಂದೋರ್‌ನಲ್ಲಿ ಹಿರಿಯ ಮಹಿಳೆ ಟಾರ್ಗೆಟ್
- ಬ್ಯಾಂಕ್ ಖಾತೆಯಿಂದ ಹಂತ ಹಂತವಾಗಿ ಹಣ ವರ್ಗಾವಣೆ
ಮಧ್ಯಪ್ರದೇಶದ ಇಂದೋರ್‌ನಲ್ಲಿ ಡಿಜಿಟಲ್ ಅರೆಸ್ಟ್ (Digital Arrest) ರೀತಿಯ ಸೈಬರ್ ವಂಚನೆ ಪ್ರಕರಣ ಬೆಳಕಿಗೆ ಬಂದಿದೆ. 67 ವರ್ಷದ ಹಿರಿಯ ಮಹಿಳೆಯನ್ನು ಗುರಿಯಾಗಿಸಿಕೊಂಡ ಸೈಬರ್ ಅಪರಾಧಿಗಳು, ಪೊಲೀಸ್ ಅಧಿಕಾರಿಗಳಂತೆ ಮಾತನಾಡಿ, ಆಕೆಯ ಖಾತೆಯಿಂದ ಸುಮಾರು ₹30 ಲಕ್ಷ ಹಣ ಕಸಿದುಕೊಂಡಿದ್ದಾರೆ.
ಪೊಲೀಸ್ ಹೆಸರಿನಲ್ಲಿ ಕರೆ, ಉಗ್ರ ಸಂಪರ್ಕದ ನಾಟಕ
ನವೆಂಬರ್ 23ರಂದು ಮಹಿಳಿಗೆ ಫೋನ್ ಕರೆ ಬಂದಿದ್ದು, ಕರೆ ಮಾಡಿದ ವ್ಯಕ್ತಿ ತಾನು ಜಮ್ಮು–ಕಾಶ್ಮೀರದ ಎಸ್‌ಪಿ ಎಂದು ಪರಿಚಯಿಸಿಕೊಂಡಿದ್ದಾನೆ. ಉಗ್ರ ಸಂಘಟನೆಗೆ ಸಂಬಂಧಿಸಿದ ಮೊಬೈಲ್ ಫೋನ್ ವಶಪಡಿಸಿಕೊಂಡಿದ್ದು, ಅದರಲ್ಲಿ ಆಕೆಯ ಬ್ಯಾಂಕ್ ಖಾತೆ ವಿವರಗಳು ಪತ್ತೆಯಾಗಿವೆ ಎಂದು ಆತಂಕ ಹುಟ್ಟಿಸಿದ್ದಾನೆ.
ಅರೆಸ್ಟ್ ಭೀತಿ ತೋರಿಸಿ ಹಣ ವರ್ಗಾವಣೆಗೆ ಒತ್ತಡ
ಮಹಿಳೆಯ ಖಾತೆಗೆ ಹಣಕಾಸು ಅಕ್ರಮ (Money Laundering) ಪ್ರಕರಣ ಸಂಬಂಧಿಸಿದೆ ಎಂದು ಬೆದರಿಕೆ ಹಾಕಿದ ವಂಚಕರು, ಪರಿಶೀಲನೆ ಹೆಸರಿನಲ್ಲಿ “ಸರ್ಕಾರಿ ಖಾತೆಗಳಿಗೆ” ಹಣ ವರ್ಗಾಯಿಸಬೇಕು ಎಂದು ಸೂಚಿಸಿದ್ದಾರೆ. ಅರೆಸ್ಟ್ ಮಾಡುವುದಾಗಿ ಬೆದರಿಸಿದ್ದರಿಂದ ಭಯಗೊಂಡ ಮಹಿಳೆ, ನವೆಂಬರ್ 23ರಿಂದ ಡಿಸೆಂಬರ್ 3ರ ನಡುವೆ ತನ್ನ ಸೇವಿಂಗ್ಸ್ ಖಾತೆಯಲ್ಲಿದ್ದ ಸಂಪೂರ್ಣ ₹30 ಲಕ್ಷ ಹಣವನ್ನು ಬೇರೆ ಖಾತೆಗಳಿಗೆ ವರ್ಗಾಯಿಸಿದ್ದಾರೆ.
ಅಮೆರಿಕಾ ಪ್ರವಾಸದ ಹಿನ್ನೆಲೆ ಬಳಸಿಕೊಂಡು ಮೋಸ
ಇತ್ತೀಚೆಗೆ ಮಹಿಳೆ ಅಮೆರಿಕಾ ಪ್ರವಾಸದಿಂದ ಹಿಂದಿರುಗಿದ್ದ ಹಿನ್ನೆಲೆಯನ್ನು ವಂಚಕರು ತಮ್ಮ ಲಾಭಕ್ಕೆ ಬಳಸಿಕೊಂಡಿದ್ದಾರೆ. ಅಂತಾರಾಷ್ಟ್ರೀಯ ಹಣ ವರ್ಗಾವಣೆ, ಉಗ್ರ ಸಂಪರ್ಕ ಎಂಬ ಮಾತುಗಳಿಂದ ಆಕೆಯನ್ನು ಗೊಂದಲಕ್ಕೆ ಒಳಪಡಿಸಿ ಹಣ ಕಸಿದುಕೊಳ್ಳಲಾಗಿದೆ.
ಪೊಲೀಸರ ತನಿಖೆ ಆರಂಭ
ಘಟನೆಗೆ ಸಂಬಂಧಿಸಿದಂತೆ ಸೈಬರ್ ಕ್ರೈಂ ವಿಭಾಗದಲ್ಲಿ ಪ್ರಕರಣ ದಾಖಲಾಗಿದ್ದು, ಹಣ ವರ್ಗಾವಣೆಗೊಂಡ ಖಾತೆಗಳ ಮಾಹಿತಿ ಸಂಗ್ರಹಿಸಲಾಗುತ್ತಿದೆ. ಸಾರ್ವಜನಿಕರು ಪೊಲೀಸ್, ಸಿಬಿಐ, ಇಡಿ ಹೆಸರಿನಲ್ಲಿ ಬರುವ ಕರೆಗಳಿಗೆ ತಕ್ಷಣ ಸ್ಪಂದಿಸಬಾರದು ಎಂದು ಅಧಿಕಾರಿಗಳು ಎಚ್ಚರಿಕೆ ನೀಡಿದ್ದಾರೆ.
ನಾಳೆಯ ದಿನ ಭವಿಷ್ಯ 05-11-2026, ಗುರುವಾರ
Read the story
ಕೆಎಸ್‌ಆರ್‌ಟಿಸಿ ಉಚಿತ ಚಾಲನಾ ತರಬೇತಿ! ಡ್ರೈವಿಂಗ್ ಕಲಿಯಲು, ಲೈಸೆನ್ಸ್ ಪಡೆಯಲು ಅವಕಾಶ
Read the story
ಬಸ್ ಟಿಕೆಟ್ ದರ ಏರಿಕೆ ಕುರಿತು ಸಾರಿಗೆ ಸಚಿವ ಬೈರತಿ ಸುರೇಶ್ ಸ್ಪಷ್ಟನೆ; ಹೇಳಿದ್ದೇನು ಗೊತ್ತಾ?
Read the story
ಜಿಯೋ ಗ್ರಾಹಕರಿಗೆ ಸಿಹಿಸುದ್ದಿ: ₹200ಕ್ಕಿಂತ ಕಡಿಮೆ ಬೆಲೆಗೆ 4 ಹೊಸ ರೀಚಾರ್ಜ್ ಪ್ಲಾನ್ ಬಿಡುಗಡೆ
Read the story
