ಹಣಕ್ಕಾಗಿ 60 ವರ್ಷದ ತಾಯಿಯನ್ನೇ ಕೊಂದ ಮಾದಕ ವ್ಯಸನಿ ಮಗ
ಮಾದಕ ವ್ಯಸನಿ ಮಗ ಹಣಕ್ಕಾಗಿ ತಾಯಿಯೊಂದಿಗೆ ಪ್ರತಿದಿನವೂ ಜಗಳವಾಡುತ್ತಿದ್ದ. ಹಣ ನೀಡಲು ನಿರಾಕರಿಸಿದ ತಾಯಿಯನ್ನು ಕೊಂದ ಮಗನನ್ನು ಪೊಲೀಸರು ಬಂಧಿಸಿದ್ದಾರೆ.
- ತಾಯಿಯೊಂದಿಗೆ ನಿತ್ಯ ಜಗಳವಾಡುತ್ತಿದ್ದ ಮಾದಕ ವ್ಯಸನಿ ಮಗ
- ಹಣ ಕೊಡಲು ನಿರಾಕರಿಸಿದ ತಾಯಿಯನ್ನು ಹತ್ಯೆ ಮಾಡಿದ ಮಗ
- ಪೊಲೀಸರು ಆರೋಪಿ ಪುತ್ರನನ್ನು ಬಂಧಿಸಿ ತನಿಖೆ ಮುಂದುವರೆಸಿದ್ದಾರೆ
ದೆಹಲಿಯ (Delhi) ದಯಾಳ್‍ಪುರ ಪ್ರದೇಶದಲ್ಲಿ ತಾಯಿ–ಮಗನ ನಡುವಿನ ಕುಟುಂಬ ಕಲಹ ಭಯಾನಕ ವಿದ್ರಾವಕ ಸ್ಥಿತಿಗೆ ತಲುಪಿದೆ. 40 ವರ್ಷದ ಸೋನು, ಹಿಂದೆ ಚಾಲಕನಾಗಿ ಕೆಲಸ ಮಾಡುತ್ತಿದ್ದ ವ್ಯಕ್ತಿ, ಮಾದಕ ವ್ಯಸನಿಯಾಗಿದ್ದ (Drug Addict Son). ಅಕ್ರಮವಾಗಿ ಹಣ ಗಳಿಸಲು ಹಾಗೂ ಡ್ರಗ್ಸ್ ಖರೀದಿಸಲು ಹಣಕ್ಕಾಗಿ ತಾಯಿಗೆ ಕಿರುಕುಳ ನೀಡುತ್ತಿದ್ದ.
ಆಗಾಗ್ಗೆ ತಾಯಿಯೊಡನೆ ಹಣಕ್ಕಾಗಿ ಜಗಳವಾಡುತ್ತಿದ್ದ ಈತ, ಫೆಬ್ರವರಿ 14ರಂದು ರಾತ್ರಿ ಮತ್ತೊಮ್ಮೆ ತಾಯಿಯೊಂದಿಗೆ ವಾಗ್ವಾದ ಉಂಟಾಯಿತು. ತಾಯಿ ಹಣ ನೀಡಲು ನಿರಾಕರಿಸಿದಾಗ, ಆಕ್ರೋಶಗೊಂಡು ತಾಯಿ ಮೇಲೆ ಹಲ್ಲೆ ನಡೆಸಿ ಹತ್ಯೆ ಮಾಡಿದ್ದಾನೆ. ಗಲಾಟೆ ಶಬ್ದ ಕೇಳಿ ಬಂದ ನೆರೆಹೊರೆಯವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.
ಮದ್ಯ ಮಾರಾಟ ವಿರೋಧಿಸಿದ ಇಬ್ಬರು ಯುವಕರನ್ನು ಹತ್ಯೆ ಮಾಡಿದ ಬಾರ್ ಮಾಲೀಕರು
ಘಟನಾ ಸ್ಥಳಕ್ಕೆ ತಕ್ಷಣ ಭೇಟಿ ನೀಡಿದ ಪೊಲೀಸರು, ಆರೋಪಿ ಸೋನುವನ್ನು ಬಂಧಿಸಿದ್ದಾರೆ. ಮೃತ ಮಹಿಳೆಯ ಶವವನ್ನು ಪೋಸ್ಟ್‍ಮಾರ್ಟಂಗೆ ಕಳುಹಿಸಲಾಗಿದೆ. ತನಿಖೆ ನಡೆಸಿದಾಗ, ಆರೋಪಿ ಸೋನು ತನ್ನ ಡ್ರಗ್ಸ್ ವ್ಯಸನದ ಕಾರಣದಿಂದ ತಾಯಿಯೊಡನೆ ಪ್ರತಿದಿನ ಜಗಳವಾಡುತ್ತಿದ್ದನೆಂಬ ಮಾಹಿತಿ ದೊರಕಿದೆ.
ಕಾರು ಬಸ್‌ಗೆ ಡಿಕ್ಕಿ ಹೊಡೆದು ಭೀಕರ ಅಪಘಾತ, 10 ಮಂದಿ ಸ್ಥಳದಲ್ಲೇ ಸಾವು
ಈ ಕೃತ್ಯಕ್ಕೆ ಸಂಬಂಧಿಸಿದಂತೆ ದೆಹಲಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ಮುಂದಿನ ತನಿಖೆ ಕೈಗೊಂಡಿದ್ದಾರೆ. ಈ ಘಟನೆಯು ಇಡೀ ಪ್ರದೇಶದಲ್ಲಿ ಭಯದ ವಾತಾವರಣ ಸೃಷ್ಟಿಸಿದೆ.
Drug Addict Son Kills Mother for Money
