ಲವರ್ ಜೊತೆ ಓಡಿಹೋಗಿದ್ದ ಪತ್ನಿ.. ಇಬ್ಬರಿಗೂ ಸ್ವತಃ ಮದುವೆ ಮಾಡಿಸಿದ ಪತಿ
ಪತಿಯ ಮನೆಯಿಂದ ಪ್ರಿಯಕರನೊಂದಿಗೆ ತೆರಳಿದ್ದ ಯುವತಿಯನ್ನು ಪೊಲೀಸರು ಪತ್ತೆಹಚ್ಚಿ ಕರೆತಂದ ಬಳಿಕ, ಪತ್ನಿಯ ನಿರ್ಧಾರವನ್ನು ಒಪ್ಪಿಕೊಂಡ ಪತಿ ಇಬ್ಬರ ಕುಟುಂಬಗಳ ಸಮ್ಮುಖದಲ್ಲಿ ಮದುವೆ ಮಾಡಿಸಿದ್ದಾನೆ.
- ಪ್ರಿಯಕರನೊಂದಿಗೆ ಪತ್ನಿ ಪರಾರಿ
- ಪೊಲೀಸರಿಂದ ಜೋಡಿ ಪತ್ತೆ
- ಅವರಿಗೆ ಮದುವೆ ಮಾಡಿಸಿದ ಪತಿ
ಲಖನೌ: ಮದುವೆಯಾಗಿ ಕೇವಲ ಒಂದು ವರ್ಷ ಕಳೆದಿದ್ದ ಯುವತಿಯೊಬ್ಬಳು ತನ್ನ ಹಳೆಯ ಕ್ಲಾಸ್‌ಮೇಟ್‌ ಹಾಗೂ ಪ್ರಿಯಕರನೊಂದಿಗೆ ಮನೆಬಿಟ್ಟು ತೆರಳಿದ ಘಟನೆ ಉತ್ತರ ಪ್ರದೇಶದ ಲಖನೌನಲ್ಲಿ ನಡೆದಿದೆ. ಪತ್ನಿ ಕಾಣೆಯಾಗಿದ್ದರಿಂದ ಆತಂಕಗೊಂಡ ಪತಿ ಪೊಲೀಸರಿಗೆ ದೂರು ನೀಡಿದ್ದರು.
ದೂರು ದಾಖಲಿಸಿಕೊಂಡ ಪೊಲೀಸರು (Police) ಯುವತಿಗಾಗಿ ಹುಡುಕಾಟ ಆರಂಭಿಸಿದರು. ಕೊನೆಗೆ ಆಕೆ ತನ್ನ ಪ್ರಿಯಕರನೊಂದಿಗೆ ಹರ್ದೋಯ್‌ನಲ್ಲಿ (Hardoi) ಇರುವುದನ್ನು ಪತ್ತೆಹಚ್ಚಿದ್ದಾರೆ. ಸೆಪ್ಟೆಂಬರ್ 9ರಂದು ಇಬ್ಬರನ್ನೂ ಲಖನೌಗೆ ಕರೆತರಲಾಗಿದೆ.
ಪೊಲೀಸರು ಹಾಗೂ ಯುವತಿಯ ಕುಟುಂಬದವರು ಆಕೆಯನ್ನು ಪತಿಯೊಂದಿಗೆ ವಾಪಸ್‌ ಹೋಗುವಂತೆ ಮನವೊಲಿಸಲು ಪ್ರಯತ್ನಿಸಿದ್ದಾರೆ. ಆದರೆ ಯುವತಿ ತನ್ನ ನಿರ್ಧಾರವನ್ನು ಸ್ಪಷ್ಟವಾಗಿ ತಿಳಿಸಿದ್ದು, ಪ್ರಿಯಕರನೊಂದಿಗೇ ಜೀವನ ನಡೆಸುವುದಾಗಿ ಹೇಳಿದ್ದಾಳೆ. ಪತಿಯೊಂದಿಗೆ ಮತ್ತೆ ವಾಸಿಸಲು ತಾನು ಸಿದ್ಧಳಿಲ್ಲ ಎಂದು ತಿಳಿಸಿದ್ದಾಳೆ.
ಈ ಘಟನೆಗೆ ಸಂಬಂಧಿಸಿದಂತೆ ಪತಿ ವಿಕ್ಕಿ (Vicky) ಕೂಡ ಪತ್ನಿಯ ನಿರ್ಧಾರವನ್ನು ಅರ್ಥಮಾಡಿಕೊಂಡಿದ್ದಾರೆ ಎಂದು ವರದಿಯಾಗಿದೆ. ಬಳಿಕ ಎರಡೂ ಕುಟುಂಬಗಳೊಂದಿಗೆ ಚರ್ಚೆ ನಡೆಸಿ, ಯುವತಿಯ ಇಚ್ಛೆಯಂತೆ ಆಕೆಯ ಪ್ರಿಯಕರನೊಂದಿಗೆ ಮದುವೆ (Marriage) ಮಾಡಿಸಲು ನಿರ್ಧರಿಸಿದ್ದಾರೆ.
ವರದಿಗಳ ಪ್ರಕಾರ, ಸ್ಥಳೀಯ ದೇವಾಲಯವೊಂದರಲ್ಲಿ ಇಬ್ಬರ ಮದುವೆ ನೆರವೇರಿಸಲಾಗಿದೆ. ಈ ಸಂದರ್ಭದಲ್ಲಿ ಕುಟುಂಬದವರು ಹಾಗೂ ಕೆಲವರು ಉಪಸ್ಥಿತರಿದ್ದರು ಎನ್ನಲಾಗಿದೆ. ನಡೆದ ಮದುವೆಯ ವಿಡಿಯೋ ಕ್ಲಿಪ್‌ ಇದೀಗ ಸಾಮಾಜಿಕ ಜಾಲತಾಣದಲ್ಲಿ (Social Media) ವೈರಲ್ ಆಗಿದೆ.
ವಿಕ್ಕಿ ಪ್ರದೇಶೀಯ ರಕ್ಷಕ್ ದಳ್‌ (PRD) ಜವಾನನಾಗಿದ್ದು, ಸುಮಾರು ಒಂದು ವರ್ಷದ ಹಿಂದೆ ಸೊನಾಲಿ (Sonali) ಎಂಬ ಯುವತಿಯನ್ನು ವಿವಾಹವಾಗಿದ್ದರು. ಆದರೆ ಮದುವೆಯ ನಂತರವೂ ಸೊನಾಲಿ ಮಲಿಹಾಬಾದ್‌ ಪ್ರದೇಶದಲ್ಲಿ ತನ್ನೊಂದಿಗೆ ಓದಿದ್ದ ಹಳೆಯ ಪ್ರಿಯಕರನೊಂದಿಗೆ ಸಂಪರ್ಕದಲ್ಲಿದ್ದರು ಎನ್ನಲಾಗಿದೆ.
ಇಬ್ಬರೂ ಆಗಾಗ್ಗೆ ಫೋನ್‌ನಲ್ಲಿ ಮಾತನಾಡುತ್ತಿದ್ದರು ಎಂದು ವರದಿಯಾಗಿದೆ. ಇದೇ ಹಿನ್ನೆಲೆಯಲ್ಲಿ ಸೆಪ್ಟೆಂಬರ್ 5ರಂದು ಸೊನಾಲಿ ಅತ್ತೆಯ ಮನೆಯಿಂದ ಹೊರಟು ಪ್ರಿಯಕರನೊಂದಿಗೆ ತೆರಳಿದ್ದಾಳೆ. ಆಕೆ ಕಾಣೆಯಾಗಿದ್ದರಿಂದ ಪತಿ ಹಾಗೂ ಅತ್ತೆಮನೆಯವರು ಪೊಲೀಸರಿಗೆ ಮಾಹಿತಿ ನೀಡಿದ್ದರು.
ಪೊಲೀಸರು ಇಬ್ಬರನ್ನೂ ಪತ್ತೆಹಚ್ಚಿ ಲಖನೌಗೆ ಕರೆತಂದ ಬಳಿಕ ನಡೆದ ಮಾತುಕತೆಯಲ್ಲಿ ಯುವತಿ ತನ್ನ ಆಯ್ಕೆಯನ್ನು ಬದಲಾಯಿಸಲು ಒಪ್ಪಲಿಲ್ಲ. ಅಂತಿಮವಾಗಿ ಪತಿಯೂ ಆಕೆಯ ನಿರ್ಧಾರವನ್ನು ಒಪ್ಪಿಕೊಂಡು, ಎರಡೂ ಕುಟುಂಬಗಳ ಚರ್ಚೆಯ ನಂತರ ಪ್ರಿಯಕರನೊಂದಿಗೆ ಮದುವೆ ಮಾಡಿಸಿದ್ದಾರೆ ಎಂದು ವರದಿಯಾಗಿದೆ.
लखनऊ में तैनात पीआरडी के एक जवान ने पत्नी की इच्छा का पूरा सम्मान किया। उसने एक वर्ष पहले हुए विवाह को कुरबान कर दिया। उसने गुरुवार कोअपनी पत्नी का विवाह उसके प्रेमी से
पत्नी प्रेमी के साथ चली गई काफी खोजबीन के बाद पुलिस ने उन दोनों को बरामद कर लिया लेकिन घरवालों के समझाने के pic.twitter.com/nB6F4KDApM— 🇮🇳⚔️शौर्य सेना ⚔️🇮🇳 (@ShauryaSena1) September 11, 2026
