10th ಪಾಸಾಗಿದ್ರೆ ಸಾಕು, ಏರ್ಪೋರ್ಟ್ನಲ್ಲಿ ಭರ್ಜರಿ ಉದ್ಯೋಗಾವಕಾಶ! ಅಪ್ಲೈ ಮಾಡಿ - Airport Jobs
IGI ಏವಿಯೇಷನ್ 1446 ಹುದ್ದೆಗಳ ನೇಮಕಾತಿ ಘೋಷಿಸಿದೆ. 10ನೇ ತರಗತಿ ಪಾಸ್ ಅಥವಾ ಪಿಯುಸಿ ಅರ್ಹತೆ. ಸೆಪ್ಟೆಂಬರ್ 21ರೊಳಗೆ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಿ. ಲಿಖಿತ ಪರೀಕ್ಷೆ ಮೂಲಕ ಆಯ್ಕೆ, ಆಕರ್ಷಕ ಸಂಬಳ.
- IGI ಏವಿಯೇಷನ್ 1446 ಗ್ರೌಂಡ್ ಸ್ಟಾಫ್, ಲೋಡರ್ ಹುದ್ದೆಗಳು
- 10ನೇ ಪಾಸ್/ಪಿಯುಸಿ ಅರ್ಹತೆ, ಸೆಪ್ಟೆಂಬರ್ 21 ಕೊನೆಯ ದಿನ
- ಲಿಖಿತ ಪರೀಕ್ಷೆ, ಸಂಬಳ ₹15,000–₹35,000
Airport Recruitment : ಏರ್ಪೋರ್ಟ್ನಲ್ಲಿ ಕೆಲಸ ಮಾಡುವ ಕನಸು ಹೊಂದಿರುವವರಿಗೆ IGI ಏವಿಯೇಷನ್ ಸರ್ವೀಸಸ್ ಭರ್ಜರಿ ಅವಕಾಶ ಒದಗಿಸಿದೆ. ಒಟ್ಟು 1446 ಹುದ್ದೆಗಳನ್ನು (Jobs) ಭರ್ತಿ ಮಾಡಲು ಸಂಸ್ಥೆ ನೇಮಕಾತಿ ಪ್ರಕ್ರಿಯೆ ಆರಂಭಿಸಿದೆ. ಆಸಕ್ತರು ಸೆಪ್ಟೆಂಬರ್ 21ರೊಳಗೆ ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದು.
ಈ ಹುದ್ದೆಗಳಲ್ಲಿ 1017 ಗ್ರೌಂಡ್ ಸ್ಟಾಫ್ ಹಾಗೂ 429 ಲೋಡರ್ ಹುದ್ದೆಗಳು ಸೇರಿವೆ. ಅರ್ಜಿ ಸಲ್ಲಿಸಲು igiaviationdelhi.com ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ, ಮಾಹಿತಿ ಭರ್ತಿ ಮಾಡಿ, ಅಗತ್ಯ ದಾಖಲೆಗಳನ್ನು ಅಪ್‌ಲೋಡ್ ಮಾಡಿ ಹಾಗೂ ನಿಗದಿತ ಶುಲ್ಕ ಪಾವತಿಸಬೇಕು.
ಅರ್ಹತೆ ಮತ್ತು ವಯಸ್ಸಿನ ಮಿತಿ
ಗ್ರೌಂಡ್ ಸ್ಟಾಫ್ ಹುದ್ದೆಗೆ ಪಿಯುಸಿ ಪಾಸ್, ಲೋಡರ್ ಹುದ್ದೆಗೆ ಕನಿಷ್ಠ 10ನೇ ತರಗತಿ ಪಾಸ್ ಆಗಿರಬೇಕು. ವಯಸ್ಸಿನ ಮಿತಿ ಗ್ರೌಂಡ್ ಸ್ಟಾಫ್‌ಗೆ 18–30 ವರ್ಷ, ಲೋಡರ್‌ಗೆ 20–40 ವರ್ಷ.
ಆಯ್ಕೆ ವಿಧಾನ
ಮೊದಲ ಹಂತದಲ್ಲಿ ಲಿಖಿತ ಪರೀಕ್ಷೆ ನಡೆಯಲಿದೆ. ಪರೀಕ್ಷೆ 10ನೇ ತರಗತಿ ಮಟ್ಟದ ಪ್ರಶ್ನೆಗಳನ್ನೊಳಗೊಂಡಿದ್ದು, ಸಾಮಾನ್ಯ ಜ್ಞಾನ, ಗಣಿತ, ಇಂಗ್ಲಿಷ್ ಹಾಗೂ ವಾಯುಯಾನ ವಿಷಯಗಳನ್ನು ಒಳಗೊಂಡಿರುತ್ತದೆ. ಒಟ್ಟು 100 ಬಹು ಆಯ್ಕೆ ಪ್ರಶ್ನೆಗಳು ಇರುತ್ತವೆ, ಪ್ರತಿಯೊಂದು ಒಂದು ಅಂಕದಂತೆ.
ಸಂಬಳ
ಗ್ರೌಂಡ್ ಸ್ಟಾಫ್‌ಗೆ ₹25,000–₹35,000 ಹಾಗೂ ಲೋಡರ್‌ಗೆ ₹15,000–₹25,000 ತಿಂಗಳ ಸಂಬಳ ನೀಡಲಾಗುತ್ತದೆ.
ಅರ್ಜಿ ಶುಲ್ಕ
ಗ್ರೌಂಡ್ ಸ್ಟಾಫ್‌ಗೆ ₹350 ಹಾಗೂ ಲೋಡರ್‌ಗೆ ₹250 ಶುಲ್ಕವನ್ನು ಆನ್‌ಲೈನ್‌ನಲ್ಲಿ ಪಾವತಿಸಬೇಕು.
ಏರ್ಪೋರ್ಟ್ನಲ್ಲಿ ಕಾರ್ಯನಿರ್ವಹಿಸಲು ಬಯಸುವವರು ಈ ಅವಕಾಶವನ್ನು ತಪ್ಪಿಸಿಕೊಳ್ಳದೆ, ಕೊನೆಯ ದಿನಾಂಕಕ್ಕೂ ಮುನ್ನ ಅರ್ಜಿ ಸಲ್ಲಿಸಲು ಸಲಹೆ ನೀಡಲಾಗಿದೆ.
IGI Aviation Recruitment, Jobs for 10th Pass at Airport
