PM Modi: ಭಾರತ ಇಂದು ವಿಶ್ವಕ್ಕೆ ಆಶಾಕಿರಣ; ಪ್ರಧಾನಿ ನರೇಂದ್ರ ಮೋದಿ ಭಾಷಣ
ಬಜೆಟ್ ಅಧಿವೇಶನದ ಹಿನ್ನೆಲೆ ಸಂಸತ್ ಆವರಣದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಪ್ರಧಾನಿ ಮೋದಿ, ಯುರೋಪಿಯನ್ ಯೂನಿಯನ್ ಜೊತೆಗಿನ ವ್ಯಾಪಾರ ಒಪ್ಪಂದ, ಸುಧಾರಣೆಗಳು ಹಾಗೂ ವಿಕಸಿತ ಭಾರತದ ಗುರಿಯನ್ನು ವಿವರಿಸಿದರು
- ಪ್ರಧಾನಿ ಮೋದಿ: ಭಾರತ ವಿಶ್ವಕ್ಕೆ ಆಶಾಕಿರಣ
- ಬಜೆಟ್ ಅಧಿವೇಶನದಲ್ಲಿ ವ್ಯಾಪಾರ ಒಪ್ಪಂದದ ಮಹತ್ವ
- ವಿಕಸಿತ ಭಾರತ ಗುರಿಗೆ ಸಂಸದರ ಪಾತ್ರ
Budget Session: ಬಜೆಟ್ ಅಧಿವೇಶನ ಆರಂಭದ ಹಿನ್ನೆಲೆಯಲ್ಲಿ ಸಂಸತ್ ಆವರಣದಲ್ಲಿ ಮಾಧ್ಯಮಗಳನ್ನು ಉದ್ದೇಶಿಸಿ ಮಾತನಾಡಿದ PM Narendra Modi, ಭಾರತ ಇಂದು ವಿಶ್ವದ ಗಮನ ಸೆಳೆಯುವ ರಾಷ್ಟ್ರವಾಗಿ ಹೊರಹೊಮ್ಮಿದೆ ಎಂದು ಹೇಳಿದರು. ಅನೇಕ ವರ್ಷಗಳಿಂದ ಬಾಕಿ ಉಳಿದ ಸಮಸ್ಯೆಗಳಿಗೆ ಈಗ ಸ್ಪಷ್ಟ ಪರಿಹಾರಗಳು ದೊರೆಯುತ್ತಿವೆ ಎಂದರು.
ವ್ಯಾಪಾರ ಒಪ್ಪಂದದಿಂದ ಹೊಸ ಅವಕಾಶಗಳು
ಯುರೋಪಿಯನ್ ಯೂನಿಯನ್ ಜೊತೆ ನಡೆದ ಸ್ವತಂತ್ರ ವ್ಯಾಪಾರ ಒಪ್ಪಂದವನ್ನು ಶುಭ ಸೂಚಕ ಬೆಳವಣಿಗೆ ಎಂದು ಬಣ್ಣಿಸಿದ ಪ್ರಧಾನಿ, ಇದರಿಂದ ಭಾರತೀಯ ತಯಾರಕರಿಗೆ ಹೊಸ ಮಾರುಕಟ್ಟೆ ಬಾಗಿಲುಗಳು ತೆರೆಯಲಿವೆ ಎಂದರು. 27 ಯೂರೋಪಿಯನ್ ರಾಷ್ಟ್ರಗಳಿಗೆ ಗುಣಮಟ್ಟದ ಉತ್ಪನ್ನಗಳನ್ನು ಒದಗಿಸುವ ಅವಕಾಶ ಭಾರತಕ್ಕೆ ಲಭಿಸುತ್ತಿದೆ ಎಂದು ಹೇಳಿದರು.
ಇದನ್ನೂ ಓದಿ: ಅಜಿತ್ ಪವಾರ್‌ಗೆ ಅಂತಿಮ ವಿದಾಯ: ಬಾರಾಮತಿಯಲ್ಲಿ ಸರ್ಕಾರಿ ಗೌರವಗಳೊಂದಿಗೆ ಅಂತ್ಯಕ್ರಿಯೆ
ರಿಫಾರ್ಮ್–ಪರ್ಫಾರ್ಮ್–ಟ್ರಾನ್ಸ್‌ಫಾರ್ಮ್
ಭಾರತ ಈಗ ‘ರಿಫಾರ್ಮ್–ಪರ್ಫಾರ್ಮ್–ಟ್ರಾನ್ಸ್‌ಫಾರ್ಮ್’ ಮಾರ್ಗದಲ್ಲಿ ವೇಗವಾಗಿ ಸಾಗುತ್ತಿದೆ ಎಂದು ಮೋದಿ ಹೇಳಿದರು. ತಂತ್ರಜ್ಞಾನವನ್ನು ನಾವು ಎದುರಾಳಿಯಾಗಿ ಅಲ್ಲ, ಸಾಧನವಾಗಿ ಸ್ವೀಕರಿಸುತ್ತೇವೆ. ಆದರೆ ಅದು ಮಾನವನ ಪರ್ಯಾಯವಾಗಲು ಸಾಧ್ಯವಿಲ್ಲ ಎಂದು ಸ್ಪಷ್ಟಪಡಿಸಿದರು.
ವಿಕಸಿತ ಭಾರತದ ಹೊಣೆಗಾರಿಕೆ
ರಾಷ್ಟ್ರಪತಿ ಭಾಷಣವು ದೇಶದ ಜನರ ಆತ್ಮವಿಶ್ವಾಸವನ್ನು ಪ್ರತಿಬಿಂಬಿಸುತ್ತದೆ ಎಂದು ಪ್ರಧಾನಿ ಹೇಳಿದರು. ವಿಕಸಿತ ಭಾರತ ನಿರ್ಮಾಣಕ್ಕೆ ಎಲ್ಲ ಸಂಸದರೂ ಒಗ್ಗಟ್ಟಾಗಿ ಕೆಲಸ ಮಾಡಬೇಕು ಎಂದು ಕರೆ ನೀಡಿದರು.
