ಭಾರತ-ಪಾಕ್ ಯುದ್ಧ ನಡೆದರೆ, ಯಾವ ರಾಜ್ಯಗಳ ಮೇಲೆ ಪರಿಣಾಮ?

• ಭಾರತ ಮತ್ತು ಪಾಕಿಸ್ತಾನ ನಡುವೆ ಹೆಚ್ಚುತ್ತಿರುವ ಉದ್ವಿಗ್ನತೆ
• ದೇಶಗಳ ನಡುವಿನ ಎಲ್ಲಾ ಸಂಬಂಧಗಳ ಕಡಿತ
• ಎರಡೂ ದೇಶಗಳ ನಡುವೆ ಯುದ್ಧೋಚಿತ ವಾತಾವರಣ
• ಭಾರತದಲ್ಲಿ 259 ಸ್ಥಳಗಳಲ್ಲಿ ಮಾಕ್ ಡ್ರಿಲ್ (Mock Drill)

India Pakistan War: ಪಹಲ್ಗಾಮ್ ಉಗ್ರ ದಾಳಿಯ ಬಳಿಕ ಭಾರತ-ಪಾಕಿಸ್ತಾನ್‌ (India-Pakistan) ನಡುವಿನ ಬಿಕ್ಕಟ್ಟು ತೀವ್ರಗೊಂಡಿದ್ದು, ಗಡಿಭಾಗದ ಪರಿಸ್ಥಿತಿಗಳು ಮತ್ತಷ್ಟು ಗಂಭೀರವಾಗುತ್ತಿವೆ.

ಇತ್ತೀಚಿನ ಕೆಲ ದಿನಗಳಿಂದ ನೈಋತ್ಯ ಕಾಶ್ಮೀರದ ನಿಯಂತ್ರಣ ರೇಖೆ (LoC) ಬಳಿ ಸೈನಿಕರು ಪರಸ್ಪರ ಗುಂಡಿನ ದಾಳಿ ನಡೆಸುತ್ತಿರುವುದು ಆತಂಕಕ್ಕೆ ಕಾರಣವಾಗಿದೆ. ಇದಲ್ಲದೆ ಪಾಕಿಸ್ತಾನಕ್ಕೆ ಟರ್ಕಿಯ (Turkey) ಯುದ್ಧ ನೌಕೆ (Warship) ಆಗಮನಗೊಂಡಿರುವುದು ಯುದ್ಧದ ವಾತಾವರಣಕ್ಕೆ ಸಾಕ್ಷಿಯಾಗಿದೆ.

ಭಾರತ ಸರ್ಕಾರ ಈಗಾಗಲೇ ಸಜ್ಜಾಗಿದೆ. ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರ, ದೇಶಾದ್ಯಂತ ಮೇ 7ರಂದು ಭದ್ರತಾ ಮಾಕ್ ಡ್ರಿಲ್‌ಗಳನ್ನು (Security Mock Drills) ನಡೆಸಲು ಆದೇಶಿಸಿದೆ.

ಕೇಂದ್ರ ಗೃಹ ಸಚಿವಾಲಯದ ಕಾರ್ಯದರ್ಶಿ ಗೋವಿಂದ್ ಮೋಹನ್ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಈ ತೀರ್ಮಾನ ಕೈಗೊಳ್ಳಲಾಗಿದೆ. ಈ ಮಾಕ್ ಡ್ರಿಲ್ಲುಗಳು 259 ಸ್ಥಳಗಳಲ್ಲಿ ನಡೆಯಲಿವೆ.

ಯುದ್ಧದ ಪರಿಸ್ಥಿತಿ ಉಂಟಾದರೆ, ಗಡಿಯಲ್ಲಿ ಇರುವ ರಾಜ್ಯಗಳು ಹೆಚ್ಚು ನಷ್ಟ ಅನುಭವಿಸಬಹುದು. ಜಮ್ಮು ಕಾಶ್ಮೀರ್ (Jammu & Kashmir), ಪಂಜಾಬ್ (Punjab), ರಾಜಸ್ಥಾನ್ (Rajasthan), ಹಿಮಾಚಲ ಪ್ರದೇಶ (Himachal Pradesh), ಗುಜರಾತ್ (Gujarat) ಇತ್ಯಾದಿ ರಾಜ್ಯಗಳು ಪರಿಣಾಮ ಎದುರಿಸಬಹುದು. ವಿಶೇಷವಾಗಿ ಗಡಿ ಭಾಗದ ನಗರಗಳು ಹೆಚ್ಚು ಪರಿಣಾಮಕ್ಕೊಳಗಾಗುವ ಸಾಧ್ಯತೆಯಿದೆ.

ಭದ್ರತಾ ವಲಯದ ವರದಿಯ ಪ್ರಕಾರ, ದಾಳಿ ಸಾಧ್ಯತೆ ಇರುವ ಪ್ರದೇಶಗಳನ್ನು ಮೂರು ವಿಭಾಗಗಳಾಗಿ ಪಟ್ಟಿ ಮಾಡಲಾಗಿದೆ. ತ್ರಿವಿಧ ದಳಗಳ ಹೆಡ್‌ಕ್ವಾರ್ಟರ್ ಮತ್ತು ಪ್ರಧಾನಮಂತ್ರಿಯ ನಿವಾಸ ಇರುವ ದೆಹಲಿ ಸೇರಿದಂತೆ ತಾರಾಪುರ ಅಣುಸಂಸ್ಥೆಯನ್ನು ಕೇಟಗಿರಿ 1ಕ್ಕೆ ಸೇರಿಸಲಾಗಿದೆ.

ಇಡೀ ದೇಶದ ಮಟ್ಟಿಗೆ ಸಕಾಲಿಕ ಎಚ್ಚರಿಕೆಯ ಕ್ರಮ ಕೈಗೊಳ್ಳಲಾಗುತ್ತಿದೆ. ಗಡಿಯಲ್ಲಿ ನಿಖರ ಮೌಲ್ಯಮಾಪನ ನಡೆಯುತ್ತಿದ್ದು, ಜನತೆಗೆ ಅಗತ್ಯ ರಕ್ಷಣಾ ಕ್ರಮಗಳನ್ನು ತಿಳಿಸಲು ಸರ್ಕಾರ ಮುಂದಾಗಿದೆ. ಉಗ್ರ ದಾಳಿಗಳು ಮತ್ತಷ್ಟು ಉಲ್ಬಣವಾಗದಂತೆ ನಿರಂತರ ಮೇಲ್ವಿಚಾರಣೆಯಲ್ಲಿದೆ.

India-Pakistan Tensions Rise After Pahalgam Attack

English Summary▼

Tensions have escalated between India and Pakistan following a deadly terrorist attack in Pahalgam. Continued ceasefire violations near the LoC and the arrival of a Turkish warship in Pakistan have intensified fears of potential conflict. Border states like Jammu & Kashmir, Punjab, and Rajasthan are under high alert.

In response, the Indian government has ordered nationwide mock security drills on May 7 across 259 locations. Cities like Visakhapatnam and Hyderabad have been included in high-risk zones, while key installations like Delhi and Tarapur Nuclear Station are classified as Category 1. Authorities are bracing for any possible escalation, with detailed plans in place to ensure public safety.