ಎಂತಾ ಕಾಲ ಬಂತಪ್ಪ! ಮಗನ ಸ್ನೇಹಿತನ ಜತೆ ಮಹಿಳೆ ಪರಾರಿ

• ಪಾಲಕ್ಕಾಡ್‌ನ ಬಾಲಕ 25ನೇ ತಾರೀಖಿನಿಂದ ನಾಪತ್ತೆ
• ಎರ್ನಾಕುಲಂನಲ್ಲಿ ಪತ್ತೆ, ಮಹಿಳೆ ವಿರುದ್ಧ ಅಪಹರಣ ದೂರು
• ಪೋಕ್ಸೊ ಕಾಯ್ದೆಯಡಿ ತನಿಖೆ ನಡೆಸುವ ಸಾಧ್ಯತೆ

ಕಾಸರಗೋಡಿನಲ್ಲಿ (Kasargod) ವಿಚಿತ್ರ ಘಟನೆ ವರದಿಯಾಗಿದೆ. 14 ವರ್ಷದ ಬಾಲಕನೊಂದಿಗೆ ಮಹಿಳೆ ಪರಾರಿಯಾಗಿರುವ ಘಟನೆ ನಡೆದಿದ್ದು, ಈ ಪ್ರಕರಣ ಜನರ ಮಧ್ಯೆ ಭಾರೀ ಚರ್ಚೆ ಹುಟ್ಟುಹಾಕಿದೆ. ಬಾಲಕನ (Missing Case) ಕುಟುಂಬ ಆತಂಕಗೊಂಡಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಬಾಲಕ ನಾಪತ್ತೆ, ಕುಟುಂಬದ ಆತಂಕ

ಪಾಲಕ್ಕಾಡ್ (Palakkad) ಜಿಲ್ಲೆಯ ಆಲತ್ತೂರಿನ 14 ವರ್ಷದ ಬಾಲಕ ಫೆಬ್ರವರಿ 25ರಂದು ಶಾಲೆಗೆ ಹೋದವನಾಗಿದ್ದು, ಅದೇ ದಿನ ಸಂಜೆ ಮನೆಗೆ ಹಿಂದಿರುಗಿಲ್ಲ. ತಕ್ಷಣವೇ ಕುಟುಂಬದವರು ಹುಡುಕಾಟ ನಡೆಸಿದರೂ, ಮಗನ ಪತ್ತೆಯಾಗಲಿಲ್ಲ. ನಂತರ, ಪೊಲೀಸರು ತನಿಖೆ ಕೈಗೊಂಡಾಗ ಬಾಲಕ ಮಹಿಳೆಯೊಂದಿಗೆ ಓಡಿಹೋಗಿರುವುದು ಬೆಳಕಿಗೆ ಬಂದಿದೆ.

ಎರ್ನಾಕುಲಂನಲ್ಲಿ ಪತ್ತೆ – ಮಹಿಳೆ ರಿಮಾಂಡ್

ಆಲತ್ತೂರು (Alathur Police) ಪೊಲೀಸರು ಬಾಲಕನನ್ನು ಮಹಿಳೆಯೊಂದಿಗೆ ಎರ್ನಾಕುಲಂನಲ್ಲಿ ಪತ್ತೆ ಮಾಡಿದ್ದು, ಮಹಿಳೆ ವಿರುದ್ಧ ಅಪಹರಣ ದೂರು ದಾಖಲಿಸಿದ್ದಾರೆ. ಪೊಲೀಸರು ಹೆಚ್ಚಿನ ವಿಚಾರಣೆ ನಡೆಸುತ್ತಿದ್ದು, ಬಾಲಕನ ಅಪ್ರಾಪ್ತ ವಯಸ್ಸು (Minor Age) ಕಾರಣದಿಂದ ಪೋಕ್ಸೊ (POCSO Act) ಕಾಯ್ದೆಯಡಿ ಪ್ರಕರಣ ದಾಖಲಿಸುವ ಸಾಧ್ಯತೆ ಇದೆ.

ಈ ಮಹಿಳೆ ತನ್ನ ಪತಿಯಿಂದ ಪ್ರತ್ಯೇಕವಾಗಿ ವಾಸಿಸುತ್ತಿದ್ದಳು ಎಂದು ತನಿಖೆಯಲ್ಲಿ ತಿಳಿದುಬಂದಿದ್ದು, ಆಕೆಯ ಜೊತೆಗೆ ಓಡಿಹೋದ ಹುಡುಗ, ಆಕೆಯ 14 ವರ್ಷದ ಮಗನ ಸ್ನೇಹಿತ ಎಂಬುದು ಮತ್ತೊಂದು ಆಘಾತಕಾರಿ ಮಾಹಿತಿ.

ಬಾಲಕ ಶಾಲಾ ಪರೀಕ್ಷೆ ಮುಗಿದ ನಂತರ ಮನೆಗೆ ಬಾರದ ಕಾರಣ, ಅವರ ಕುಟುಂಬ ತಕ್ಷಣವೇ ಹುಡುಕಾಟ ಆರಂಭಿಸಿತು. ಮುಂದೆ ಬಾಲಕ ಮಹಿಳೆಯ ಜೊತೆಗೆ ಇದ್ದಾನೆ ಎಂಬುದರ ಖಚಿತ ಮಾಹಿತಿ ದೊರಕಿದ ಬಳಿಕ, ಅವರು ಆಲತ್ತೂರು ಪೊಲೀಸ್ ಠಾಣೆಗೆ ದೂರು ದಾಖಲಿಸಿದರು. ಇದೀಗ, ಮಹಿಳೆಯನ್ನು ನ್ಯಾಯಾಂಗ ಬಂಧನ (Remand) ಗೆ ಒಳಪಡಿಸಲಾಗಿದೆ.

Mother Runs Away with Son Friend, Shocking Incident