ಬಂಪರ್ ಸುದ್ದಿ! ಹೆಣ್ಣು ಮಕ್ಕಳಿಗೆ ರಾಜಶ್ರೀ ಯೋಜನೆ ಜಾರಿ, 50 ಸಾವಿರ ಸಹಾಯಧನ
ರಾಜಸ್ಥಾನ ಸರ್ಕಾರ ಜಾರಿಗೆ ತಂದಿರುವ ಮುಖ್ಯಮಂತ್ರಿ ರಾಜಶ್ರೀ ಯೋಜನೆಯಡಿ ಹೆಣ್ಣು ಮಗುವಿನ ಜನನದಿಂದ 12ನೇ ತರಗತಿ ಪೂರ್ಣಗೊಳಿಸುವವರೆಗೆ ಒಟ್ಟು ರೂ.50,000 ಹಣವನ್ನು ಹಂತ ಹಂತವಾಗಿ ನೇರವಾಗಿ ಬ್ಯಾಂಕ್ ಖಾತೆಗೆ ಜಮೆ ಮಾಡಲಾಗುತ್ತದೆ.
- ಹೆಣ್ಣು ಮಕ್ಕಳಿಗೆ ರೂ.50,000 ಆರ್ಥಿಕ ಸಹಾಯ
- ಜನನದಿಂದ ವಿದ್ಯಾಭ್ಯಾಸದವರೆಗೆ ಬೆಂಬಲ
- ಶಿಕ್ಷಣ ಮತ್ತು ಲಿಂಗ ಸಮಾನತೆ ಉದ್ದೇಶ
ಹೆಣ್ಣು ಮಕ್ಕಳ ಭವಿಷ್ಯಕ್ಕೆ ಸರ್ಕಾರದ ಸ್ಪಷ್ಟ ಹೆಜ್ಜೆ
Rajshree Yojana: ಹೆಣ್ಣು ಮಕ್ಕಳ ಶಿಕ್ಷಣ, ಆರೋಗ್ಯ ಮತ್ತು ಭದ್ರ ಭವಿಷ್ಯಕ್ಕೆ ಉತ್ತೇಜನ ನೀಡುವ ಉದ್ದೇಶದಿಂದ ರಾಜಸ್ಥಾನ ಸರ್ಕಾರ ಮುಖ್ಯಮಂತ್ರಿ ರಾಜಶ್ರೀ ಯೋಜನೆ ಅನ್ನು ಪರಿಣಾಮಕಾರಿಯಾಗಿ ಜಾರಿಗೊಳಿಸಿದೆ. ಹೆಣ್ಣು ಮಗು ಜನಿಸಿದ ಕ್ಷಣದಿಂದಲೇ ಆಕೆಯ ವಿದ್ಯಾಭ್ಯಾಸ ಪೂರ್ಣಗೊಳ್ಳುವವರೆಗೆ ಸರ್ಕಾರ ಆರ್ಥಿಕವಾಗಿ ಬೆಂಬಲ (Financial Support for Girl Child) ನೀಡುತ್ತದೆ.
ಯೋಜನೆಯ ಮೂಲ ಉದ್ದೇಶ ಏನು?
ಈ ಯೋಜನೆಯ ಮುಖ್ಯ ಗುರಿ ಹೆಣ್ಣು ಭ್ರೂಣ ಹತ್ಯೆ ತಡೆಗಟ್ಟುವುದು, ಲಿಂಗ ಸಮಾನತೆಯನ್ನು ಹೆಚ್ಚಿಸುವುದು ಹಾಗೂ ಹೆಣ್ಣು ಮಕ್ಕಳ ಶಿಕ್ಷಣಕ್ಕೆ ಪ್ರೋತ್ಸಾಹ ನೀಡುವುದಾಗಿದೆ. ಸಾಮಾಜಿಕ ಮನೋಭಾವದಲ್ಲಿ ಬದಲಾವಣೆ ತರಲು ಈ ಯೋಜನೆ ಮಹತ್ವದ ಪಾತ್ರ ವಹಿಸುತ್ತಿದೆ.
ಯೋಜನೆ ಆರಂಭ ಮತ್ತು ಸಹಾಯ ಮೊತ್ತ
2016ರಲ್ಲಿ ಪ್ರಾರಂಭವಾದ ಈ ಯೋಜನೆಯಡಿ, ಹೆಣ್ಣು ಮಗು 12ನೇ ತರಗತಿ ಉತ್ತೀರ್ಣವಾಗುವವರೆಗೆ ಒಟ್ಟು ರೂ.50,000 ಹಣವನ್ನು ಆರು ಹಂತಗಳಲ್ಲಿ ನೇರವಾಗಿ ಬ್ಯಾಂಕ್ ಖಾತೆಗೆ ಜಮೆ (Bank Account) ಮಾಡಲಾಗುತ್ತದೆ. ಇದರಿಂದ ಮಧ್ಯವರ್ತಿಗಳ ಅವಶ್ಯಕತೆ ಇಲ್ಲ.
ಯಾರು ಈ ಯೋಜನೆಯ ಲಾಭ ಪಡೆಯಬಹುದು?
ಈ ಯೋಜನೆ ರಾಜಸ್ಥಾನದ ಶಾಶ್ವತ ನಿವಾಸಿಗಳಿಗೆ ಮಾತ್ರ ಅನ್ವಯವಾಗುತ್ತದೆ.
- ಮಗು ಜೂನ್ 1, 2016 ನಂತರ ಜನಿಸಿದ್ದಿರಬೇಕು
- ಪ್ರಸವವು ರಾಜ್ಯದ ಸರ್ಕಾರಿ ಅಥವಾ ಮಾನ್ಯತೆ ಪಡೆದ ಆಸ್ಪತ್ರೆಯಲ್ಲಿ ನಡೆದಿರಬೇಕು
- ಅಗತ್ಯ ದಾಖಲೆಗಳು ಸರಿಯಾಗಿ ಸಲ್ಲಿಸಬೇಕು
ಅಗತ್ಯ ದಾಖಲೆಗಳು ಯಾವುವು?
- ಹೆಣ್ಣು ಮಗುವಿನ ಜನನ ಪ್ರಮಾಣಪತ್ರ
- ಆಧಾರ್ ಕಾರ್ಡ್ / ಭಾಮಾಶಾ ಕಾರ್ಡ್
- ತಾಯಿ-ಮಗು ಆರೋಗ್ಯ ಕಾರ್ಡ್
- ಶಾಲಾ ಪ್ರವೇಶ ಪ್ರಮಾಣಪತ್ರ
ಹಣ ಹಂತ ಹಂತವಾಗಿ ಹೇಗೆ ಜಮಾ?
- ಜನನ ಸಮಯದಲ್ಲಿ – ₹2,500
- ಒಂದು ವರ್ಷ ತುಂಬಿ ಲಸಿಕೆ ಪೂರ್ಣಗೊಂಡ ಬಳಿಕ – ₹2,500
- ಶಾಲೆಗೆ ಸೇರ್ಪಡೆ ಸಮಯದಲ್ಲಿ – ₹4,000
- 6ನೇ ತರಗತಿ ಪ್ರವೇಶ – ₹5,000
- 10ನೇ ತರಗತಿ ಪ್ರವೇಶ – ₹11,000
- 12ನೇ ತರಗತಿ ಉತ್ತೀರ್ಣವಾದ ಬಳಿಕ – ₹25,000
ಅರ್ಜಿ ಸಲ್ಲಿಸುವ ವಿಧಾನ
ಅರ್ಹ ಪೋಷಕರು ಆನ್‌ಲೈನ್ ಪೋರ್ಟಲ್ ಮೂಲಕ ಅಥವಾ ಮಹಿಳಾ ಮತ್ತು ಶಿಶು ಅಭಿವೃದ್ಧಿ ಇಲಾಖೆಯ ಕಚೇರಿಗೆ ಭೇಟಿ ನೀಡಿ ಅರ್ಜಿ ಸಲ್ಲಿಸಬಹುದು. ಸರಿಯಾದ ಮಾಹಿತಿಯೊಂದಿಗೆ ಅರ್ಜಿ ಸಲ್ಲಿಸಿದರೆ ಹಣ ನೇರವಾಗಿ ಖಾತೆಗೆ ಜಮೆ ಆಗುತ್ತದೆ.
