ಮಾಕ್ ಡ್ರಿಲ್: ದೇಶಾದ್ಯಂತ ಭದ್ರತಾ ತಯಾರಿ ಶುರು! ಪಾಕ್ ಗೆ ಢವಢವ
Mock Drill: ಪಾಕಿಸ್ತಾನ ಗಡಿಯಲ್ಲಿ ಉದ್ರಿಕ್ತತೆ ಹಿನ್ನೆಲೆ, ದೇಶದಾದ್ಯಂತ 259 ಸ್ಥಳಗಳಲ್ಲಿ ಭದ್ರತಾ ಮಾಕ್ ಡ್ರಿಲ್ ಆರಂಭ. 244 ಜಿಲ್ಲೆಗಳಲ್ಲಿ 259 ಸ್ಥಳಗಳಲ್ಲಿ ಅಣಕು ಕಸರತ್ತುಗಳನ್ನು ನಡೆಸಲಾಯಿತು.
- ಭಾರತದಲ್ಲಿ ಬುಧವಾರ 259 ಸ್ಥಳಗಳಲ್ಲಿ ಮಾಕ್ ಡ್ರಿಲ್ ಆರಂಭ
- ವಿದ್ಯಾರ್ಥಿ, ಯುವಕರಿಗೆ ತುರ್ತು ಪರಿಸ್ಥಿತಿ ತಯಾರಿ ತರಬೇತಿ
- 1971ರ ಯುದ್ಧದ ಕಾಲದ ನಂತರ ದೇಶವ್ಯಾಪಿ ಮಾದರಿ ಅಭ್ಯಾಸ
Mock Drill: ಭಾರತ-ಪಾಕಿಸ್ತಾನ ಗಡಿಯಲ್ಲಿ ಉದ್ವಿಗ್ನ ಪರಿಸ್ಥಿತಿ ಉಂಟಾದ ಹಿನ್ನೆಲೆಯಲ್ಲಿ ದೇಶಾದ್ಯಂತ ಭದ್ರತಾ ಮಾದರಿ ಅಭ್ಯಾಸಗಳು (Security Mock Drill) ಆರಂಭವಾಗಿವೆ. ಬುಧವಾರ ಸಂಜೆ 4 ಗಂಟೆಗೆ ಸರಿಯಾಗಿ 244 ಜಿಲ್ಲೆಗಳ 259 ಸ್ಥಳಗಳಲ್ಲಿ ಈ ಅಭ್ಯಾಸ ಆರಂಭವಾಯಿತು. ಕೇಂದ್ರ ಗೃಹ ಸಚಿವಾಲಯದ (Home Ministry) ನಿರ್ದೇಶನದಂತೆ ಈ ಡ್ರಿಲ್ಗಳನ್ನು ಆಯೋಜಿಸಲಾಗಿದೆ.
ಈ ಅಭ್ಯಾಸಗಳಲ್ಲಿ ಸಿವಿಲ್ ಡಿಫೆನ್ಸ್ ವಾರ್ಡನ್ಗಳು, ಎನ್ಸಿಸಿ (NCC), ಎನ್ಎಸ್ಎಸ್ (NSS), ನೇಹರೂ ಯುವ ಕೇಂದ್ರ, ಶಾಲೆ-ಕಾಲೇಜು ವಿದ್ಯಾರ್ಥಿಗಳು ಸೇರಿದಂತೆ ಹಲವರು ಪಾಲ್ಗೊಳ್ಳುತ್ತಿದ್ದಾರೆ. ಶತ್ರು ದಾಳಿ ಅಥವಾ ತುರ್ತು ಸಂದರ್ಭಗಳು ಬಂದಾಗ (emergency response) ಸಾಮಾನ್ಯ ಜನರು, ವಿಶೇಷವಾಗಿ ಯುವಕರು ಮತ್ತು ವಿದ್ಯಾರ್ಥಿಗಳು ಹೇಗೆ ಪ್ರತಿಕ್ರಿಯಿಸಬೇಕು ಎಂಬುದರ ಕುರಿತಂತೆ ತರಬೇತಿ ನೀಡಲಾಗುತ್ತಿದೆ.
ಸಾಮಾನ್ಯವಾಗಿ ಯುದ್ಧ, ಉಗ್ರದಾಳಿ, ಕಟ್ಟಡ ಕುಸಿತ, ಭೂಕಂಪ, ಅಥವಾ ಕೇಮಿಕಲ್ ಲೀಕ್ ಸಂದರ್ಭಗಳಲ್ಲಿ ಈ ಮಾದರಿ ಅಭ್ಯಾಸಗಳನ್ನು ನಡೆಸಲಾಗುತ್ತದೆ. ಕೆಲವೊಮ್ಮೆ ಮುಂಚಿತವಾಗಿ ಮಾಹಿತಿ ನೀಡಿದರೂ, ಕೆಲವೊಮ್ಮೆ ಹಠಾತ್ (surprise drill) ನಡೆಸಲಾಗುತ್ತದೆ.
1971ರ ಭಾರತ-ಪಾಕಿಸ್ತಾನ ಯುದ್ಧದ ಸಮಯದಲ್ಲಿಯೂ ಇಂತಹ ಮಾದರಿ ಅಭ್ಯಾಸಗಳು ನಡೆದಿದ್ದವು. ಆ ಸಮಯದಲ್ಲಿ ನಾಗರಿಕರು ಸಾಯಂಕಾಲ 6.30 ರೊಳಗೆ ಮನೆ ಸೇರಬೇಕೆಂದು ಸೂಚನೆ ಇತ್ತು. ಸೈರನ್ ಹೊಡೆಯುತ್ತಿದ್ದಾಗ ಜನರು ವಿದ್ಯುತ್ ಆಫ್ ಮಾಡಿ ಮನೆಯೊಳಗಿನ ಸುರಕ್ಷಿತ ಸ್ಥಳಗಳಲ್ಲಿ ಆಶ್ರಯ ತೆಗೆದುಕೊಳ್ಳುತ್ತಿದ್ದರು.
ಭದ್ರತಾ ಮಾದರಿ ಅಭ್ಯಾಸಗಳ ಮುಖ್ಯ ಉದ್ದೇಶ ಎಂದರೆ ಜನರಲ್ಲಿ ಎಚ್ಚರಿಕೆಯ ಮನೋಭಾವನೆ ಬೆಳೆಸುವುದು, ತುರ್ತು ಪರಿಸ್ಥಿತಿಯಲ್ಲಿ ಸರಿಯಾಗಿ ಪ್ರತಿಕ್ರಿಯಿಸಲು ತಯಾರಿ ನಡೆಸುವುದು ಮತ್ತು ವಿವಿಧ ಸಂಸ್ಥೆಗಳ ನಡುವೆ ಸಂಯೋಜನೆ (coordination) ಪರೀಶೀಲನೆ ಮಾಡುವುದು.
Nationwide Security Mock Drills Begin
#WATCH | Mumbai, Maharashtra: A mock drill is being carried out at Mumbai’s Cross Maidan.
MHA has ordered a nationwide mock drill today. pic.twitter.com/907WmftjEL
— ANI (@ANI) May 7, 2025
