ಜುಲೈ 15ರಿಂದ ಬೈಕ್‌ಗಳಿಗೂ ಟೋಲ್ ಶುಲ್ಕ! ಕೇಂದ್ರ ಸರ್ಕಾರ ಕೊಟ್ಟ ಸ್ಪಷ್ಟನೆ ಹೀಗಿದೆ
ಜುಲೈ 15ರಿಂದ ಬೈಕ್‌ಗಳಿಗೆ ಟೋಲ್ ಶುಲ್ಕ ವಿಧಿಸಲಾಗುತ್ತದೆ ಎಂಬ ಸುದ್ದಿ ಪ್ರಚಾರಕ್ಕೆ ಪ್ರತಿಕ್ರಿಯೆ ನೀಡಿದ ಕೇಂದ್ರ ಸರಕಾರ, ಅದು ಸುಳ್ಳು ಎಂಬುದಾಗಿ ಸ್ಪಷ್ಟನೆ ನೀಡಿದೆ.
- ಬೈಕ್‌ಗಳಿಗೆ ಟೋಲ್ ಟ್ಯಾಕ್ಸ್ ಇಲ್ಲ ಎಂದ ಕೇಂದ್ರ
- ಗಡ್ಕರಿ ಟ್ವೀಟ್ ಮೂಲಕ ಸ್ಪಷ್ಟನೆ
- ನಕಲಿ ಸುದ್ದಿ ವಿರುದ್ಧ ಎಚ್ಚರಿಕೆ
ದ್ವಿಚಕ್ರ ವಾಹನಗಳಾದ ಬೈಕ್‌ಗಳಿಗೆ (two-wheelers) ಟೋಲ್ ಟ್ಯಾಕ್ಸ್ ವಿಧಿಸಲಾಗುತ್ತಿದೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಡಿದ ಹಿನ್ನೆಲೆಯಲ್ಲಿ, ಇದು ಸರಿಯಾದ ಮಾಹಿತಿ ಅಲ್ಲ ಎಂದು ಕೇಂದ್ರ ಸರಕಾರ ಸ್ಪಷ್ಟಪಡಿಸಿದೆ.
ಜುಲೈ 15ರಿಂದ ಟೋಲ್ ಪ್ಲಾಜಾಗಳಲ್ಲಿ ಬೈಕ್‌ಗಳಿಗೆ ಟ್ಯಾಕ್ಸ್ (Bike Tax) ಹಾಕಲಾಗುತ್ತದೆ ಎಂಬಂತಹದ್ದು ದುರುದ್ದೇಶಪೂರ್ಣ ಸುದ್ದಿ ಎಂದು ಕೇಂದ್ರ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಅವರು ಹೇಳಿದರು.
ಇದನ್ನೂ ಓದಿ: ಬಂಪರ್ ಸುದ್ದಿ, ಇನ್ಮುಂದೆ ರೈಲಿನಲ್ಲಿ ಈ ವಯಸ್ಸಿನ ಮಕ್ಕಳಿಗೆ ಉಚಿತ ಪ್ರಯಾಣ ಅವಕಾಶ
ಈ ಬಗ್ಗೆ ಗಡ್ಕರಿ ಸಾಮಾಜಿಕ ಜಾಲತಾಣದ ಮೂಲಕ ಪ್ರತಿಕ್ರಿಯೆ ನೀಡಿ, “ದ್ವಿಚಕ್ರ ವಾಹನಗಳಿಗೆ ಟೋಲ್ ವಿಧಿಸುವ ಯಾವುದೇ ಯೋಜನೆಯೂ ಕೇಂದ್ರದ ಮುಂದೆ ಇಲ್ಲ. ಇದೊಂದು ಸುಳ್ಳು ಸುದ್ದಿ. ಸಾರ್ವಜನಿಕರು ನಂಬಬಾರದು,” ಎಂದು ತಿಳಿಸಿದರು. ಅಂಥದೊಂದು ನಿರ್ಧಾರ ಯಾವುದೇ ಮಟ್ಟದಲ್ಲೂ ಪರಿಗಣನೆಯಲ್ಲಿಲ್ಲ ಎಂಬುದಾಗಿ ಅವರು ತಿಳಿಸಿದರು.
ಟೋಲ್ ಪ್ಲಾಜಾಗಳಲ್ಲಿ (toll plazas) ಈಗಿರುವ ವ್ಯವಸ್ಥೆಯ ಪ್ರಕಾರ, ಬಸ್, ಲಾರಿ, ಕಾರುಗಳಂತಹ ದೊಡ್ಡ ವಾಹನಗಳಿಗೆ ಮಾತ್ರ ಟೋಲ್ ವಿಧಿಸಲಾಗುತ್ತಿದೆ. ಈ ನಿಯಮ ಮುಂದೆಯೂ ಇದೇ ರೀತಿ ಮುಂದುವರಿಯಲಿದೆ ಎಂದು ನ್ಯಾಷನಲ್ ಹೈವೇ ಅಥಾರಿಟಿ ಆಫ್ ಇಂಡಿಯಾ (NHAI) ಸ್ಪಷ್ಟಪಡಿಸಿದೆ.
ಇದನ್ನೂ ಓದಿ: ಬಿಗ್ ಅಪ್ಡೇಟ್! FASTag ಈಗ ಇವಿ ಚಾರ್ಜಿಂಗ್, ಪಾರ್ಕಿಂಗ್, ವಿಮೆ ಪಾವತಿಗೆ ಬಳಕೆ ಸಾಧ್ಯ
ಹಾಗೆಯೇ, ಕೆಲವು ಎಕ್ಸ್‌ಪ್ರೆಸ್‌ವೇ (expressways) ಅಥವಾ access-controlled highways ನಲ್ಲಿ ದ್ವಿಚಕ್ರ ವಾಹನಗಳಿಗೆ ಪ್ರವೇಶ ನಿರ್ಬಂಧಿತವಾಗಿದೆ ಎಂಬುದೂ ಸತ್ಯ. ಆದರೆ, ಇದು ಟೋಲ್ ಶುಲ್ಕದ ವಿಷಯವಲ್ಲ, ಸುರಕ್ಷತೆಯ ದೃಷ್ಟಿಯಿಂದ ತೆಗೆದುಕೊಂಡ ನಿರ್ಧಾರವಾಗಿದೆ ಎಂಬುದಾಗಿ ಸಚಿವರು ಹೇಳಿದ್ದಾರೆ.
ಇದನ್ನೂ ಓದಿ: ಹೊಸ ಆಸ್ತಿ ನೋಂದಣಿ ನಿಯಮ 2025, ದಾಖಲೆ ಸರಿ ಇಲ್ಲದ ಜಮೀನು ಅಮಾನ್ಯ!
📢 महत्वपूर्ण
कुछ मीडिया हाऊसेस द्वारा दो-पहिया (Two wheeler) वाहनों पर टोल टैक्स लगाए जाने की भ्रामक खबरें फैलाई जा रही है। ऐसा कोई निर्णय प्रस्तावित नहीं हैं। दो-पहिया वाहन के टोल पर पूरी तरह से छूट जारी रहेगी। बिना सच्चाई जाने भ्रामक खबरें फैलाकर सनसनी निर्माण करना स्वस्थ…
— Nitin Gadkari (@nitin_gadkari) June 26, 2025
ಈ ಹಿಂದೆ ಫಾಸ್ಟಾಗ್‌ (FASTag) ಕುರಿತಾಗಿ ಇದೆ ರೀತಿ ಸುಳ್ಳು ಸುದ್ದಿಗಳು ಹರಡಿದ ವೇಳೆ, ನಿಜಾಂಶ ತಿಳಿಯದ ಕೆಲವರು ಗೊಂದಲಕ್ಕೆ ಒಳಗಾಗಿದ್ದರು. ಇದೀಗ ಮತ್ತೆ ಇದೇ ರೀತಿಯ ವಾತಾವರಣ ಸೃಷ್ಟಿಸಲು ಕೆಲವರು ಪ್ರಯತ್ನಿಸುತ್ತಿದ್ದಾರೆ, ಅಂತಹ ಸುದ್ದಿಗಳನ್ನು ನಂಬದಂತೆ ಮನವು ಮಾಡಲಾಗಿದೆ.
ಅಂತಿಮವಾಗಿ, ಜುಲೈ 15ರಿಂದ ಬೈಕ್‌ಗಳಿಗೆ ಟೋಲ್ ಟ್ಯಾಕ್ಸ್ ಅನ್ನೋದು ನಿಖರವಾದ ಮಾಹಿತಿ ಅಲ್ಲ. ಸಾರ್ವಜನಿಕರು ಯಾವುದೇ ಸುಳ್ಳು ಸುದ್ದಿಗಳನ್ನು ನಂಬದೇ, ಅಧಿಕೃತ ಘೋಷಣೆಗಳ ಮೇಲೆ ಮಾತ್ರ ವಿಶ್ವಾಸ ಇಡುವುದು ಅವಶ್ಯಕ.
No Toll Tax for Bikes from July 15, Says Government
