ಪ್ಯಾನ್ ಕಾರ್ಡ್ ಅಡ್ರೆಸ್ ಅಪ್‌ಡೇಟ್ ಈಗ ಸುಲಭ! ಕೇವಲ ಆಧಾರ್ ಕಾರ್ಡ್ ಇದ್ದರೆ ಸಾಕು
ಆಧಾರ್ ಸಹಾಯದಿಂದ ಪ್ಯಾನ್ ಕಾರ್ಡ್‌ನಲ್ಲಿರುವ ವಿಳಾಸವನ್ನು ಈಗ ಕೆಲವೇ ಸೆಕೆಂಡುಗಳಲ್ಲಿ ಆನ್‌ಲೈನ್ ಮೂಲಕ ಬದಲಾಯಿಸಬಹುದು. ಡಾಕ್ಯುಮೆಂಟ್ ಬೇಡ, ಸರಳ ಪ್ರಕ್ರಿಯೆಯಲ್ಲಿ ಅಪ್‌ಡೇಟ್ ಸಾಧ್ಯ.
- ಪ್ಯಾನ್ ಕಾರ್ಡ್ ಅಡ್ರೆಸ್ ಅಪ್‌ಡೇಟ್ ಮನೆಯಲ್ಲೇ
- ಆಧಾರ್ ಮೂಲಕ ಇ-ಕೆವೈಸಿ ಮಾಡಿ ಬದಲಾವಣೆ
- ಡಾಕ್ಯುಮೆಂಟ್ ಬೇಡ, ಕೇವಲ ₹96 ಶುಲ್ಕ ಮಾತ್ರ
PAN Card Address Update: ಇಂದಿನ ದಿನಗಳಲ್ಲಿ ಪ್ಯಾನ್ ಕಾರ್ಡ್ ಇಲ್ಲದೆ ಯಾವುದೇ ಹಣಕಾಸು ವ್ಯವಹಾರಗಳು ಸಾಧ್ಯವಿಲ್ಲ. ಬ್ಯಾಂಕ್ ಖಾತೆ, ಸಂಬಳ, ತೆರಿಗೆ ಸಲ್ಲಿಕೆ, ಹೂಡಿಕೆ ಸೇರಿದಂತೆ ಬಹುತೇಕ ಎಲ್ಲಾ ಅಧಿಕೃತ ಪ್ರಕ್ರಿಯೆಗಳಿಗೆ ಪ್ಯಾನ್ ಕಾರ್ಡ್ ಅಗತ್ಯವಾಗಿದೆ.
ಮನೆ ಬದಲಾವಣೆ ಅಥವಾ ಹೊಸ ಊರಿಗೆ ಸ್ಥಳಾಂತರವಾದಾಗ ಪ್ಯಾನ್ ಕಾರ್ಡ್‌ನಲ್ಲಿರುವ ವಿಳಾಸವನ್ನು ಅಪ್‌ಡೇಟ್ ಮಾಡುವುದು ಬಹಳ ಮುಖ್ಯ.
ಇದೀಗ ಸರ್ಕಾರ ನೀಡಿರುವ ಆನ್‌ಲೈನ್ ಸೌಲಭ್ಯದಿಂದ, ಮನೆಯಲ್ಲೇ, ಕೇವಲ ಮೊಬೈಲ್ ಮತ್ತು ಇಂಟರ್‌ನೆಟ್ ಬಳಸಿ ವಿಳಾಸ ಬದಲಾಯಿಸಬಹುದು.
ಆಧಾರ್ ಮೂಲಕ ಪ್ಯಾನ್ ಅಡ್ರೆಸ್ ಅಪ್‌ಡೇಟ್ ಮಾಡುವ ವಿಧಾನ
- NSDL ಪೋರ್ಟಲ್‌ಗೆ ಲಾಗಿನ್ ಆಗಿ “Change / Correction in PAN Data” ಆಯ್ಕೆ ಮಾಡಿ
- Aadhaar based e-KYC ಆಯ್ಕೆಯನ್ನು ಸೆಲೆಕ್ಟ್ ಮಾಡಿ
- ಆಧಾರ್‌ಗೆ ಲಿಂಕ್ ಆಗಿರುವ ಮೊಬೈಲ್‌ಗೆ ಬರುವ OTP ಅನ್ನು ದೃಢೀಕರಿಸಿ
- ಆಧಾರ್‌ನಲ್ಲಿರುವ ವಿಳಾಸವೇ ಸ್ವಯಂಚಾಲಿತವಾಗಿ ಪ್ಯಾನ್‌ಗೆ ಅಪ್‌ಡೇಟ್ ಆಗುತ್ತದೆ
- ನೀಡಲಾಗುವ ರಿಫರೆನ್ಸ್ ನಂಬರ್ ಸೇವ್ ಮಾಡಿಕೊಂಡು ಅಪ್‌ಡೇಟ್ ಸ್ಟೇಟಸ್ ಪರಿಶೀಲಿಸಿ
ಗಮನಿಸಿ: ಈ ಪ್ರಕ್ರಿಯೆಗೆ ಮೊದಲು ನಿಮ್ಮ ಆಧಾರ್ ಕಾರ್ಡ್‌ನಲ್ಲಿರುವ ವಿಳಾಸ ಸರಿಯಾಗಿ ಅಪ್‌ಡೇಟ್ ಆಗಿರಬೇಕು.
ಯಾವುದೇ ಡಾಕ್ಯುಮೆಂಟ್ ಅಗತ್ಯವಿಲ್ಲ
ಪ್ಯಾನ್ ವಿಳಾಸ ಬದಲಾವಣೆಗಾಗಿ ಪ್ರತ್ಯೇಕ ದಾಖಲೆಗಳನ್ನು ಅಪ್‌ಲೋಡ್ ಮಾಡುವ ಅಗತ್ಯವಿಲ್ಲ.
ಆಧಾರ್–ಪ್ಯಾನ್ ಲಿಂಕ್ ಆಗಿರಬೇಕು ಮತ್ತು ಆಧಾರ್‌ಗೆ ಮೊಬೈಲ್ ನಂಬರ್ ಸಂಪರ್ಕಗೊಂಡಿರಬೇಕು.
ಶುಲ್ಕ ಎಷ್ಟು?
ಪ್ಯಾನ್ ಕಾರ್ಡ್ ಅಡ್ರೆಸ್ ಅಪ್‌ಡೇಟ್‌ಗೆ ₹96 ಶುಲ್ಕ ವಿಧಿಸಲಾಗುತ್ತದೆ.
ಪಾವತಿ ವಿಧಾನಗಳು:
- UPI
- ನೆಟ್ ಬ್ಯಾಂಕಿಂಗ್
- ಡೆಬಿಟ್ / ಕ್ರೆಡಿಟ್ ಕಾರ್ಡ್
- ಡಿಜಿಟಲ್ ವಾಲೆಟ್
ಅಪ್‌ಡೇಟ್ ಆದ ತಕ್ಷಣವೇ e-PAN ಡೌನ್‌ಲೋಡ್ ಮಾಡಬಹುದು. 10–15 ದಿನಗಳಲ್ಲಿ ಹೊಸ ವಿಳಾಸದೊಂದಿಗೆ ಫಿಜಿಕಲ್ ಪ್ಯಾನ್ ಕಾರ್ಡ್ ಅಂಚೆ ಮೂಲಕ ನಿಮ್ಮ ಮನೆಗೆ ತಲುಪುತ್ತದೆ.
