ಪಿಎಂ ಕಿಸಾನ್ ಯೋಜನೆ ಹೊಸ ಪಟ್ಟಿ, ನಿಮ್ಮ ಹೆಸರಿದೆಯೇ ನೋಡಿಕೊಳ್ಳಿ
ಪಿಎಂ ಕಿಸಾನ್ ಯೋಜನೆಯ 20ನೇ ಹಂತದ ಹಣವನ್ನು ಸರ್ಕಾರ ಶೀಘ್ರ ಬಿಡುಗಡೆ ಮಾಡುವ ನಿರೀಕ್ಷೆ. ಫಲಾನುಭವಿಗಳು ಕಡ್ಡಾಯವಾಗಿ ಈ-ಕೆವೈಸಿ ಪೂರ್ಣಗೊಳಿಸಬೇಕು ಮತ್ತು ದಾಖಲೆ ಪರಿಶೀಲನೆ ಅಗತ್ಯ.
- 20ನೇ ಹಂತದ ಹಣ ಮೇ/ಜೂನ್‌ನಲ್ಲಿ ಬರವ ನಿರೀಕ್ಷೆ
- ಈ-ಕೆವೈಸಿ ಹಾಗೂ ಭೂಮಿ ದಾಖಲೆ ತಪಾಸಣೆ ಕಡ್ಡಾಯ
- ಪಿಎಮ್ ಕಿಸಾನ್ ವೆಬ್‌ಸೈಟ್‌ನಲ್ಲಿ ಹೆಸರು ಪರಿಶೀಲನೆ ಸಾಧ್ಯ
ಪಿಎಂ ಕಿಸಾನ್ (PM-KISAN) ಯೋಜನೆಯಡಿ 20ನೇ ಹಂತದ ಹಣ ಬಿಡುಗಡೆಗೆ ಸಂಭಾವ್ಯ ದಿನಾಂಕ ಹತ್ತಿರವಾಗುತ್ತಿದ್ದರೂ, ಇನ್ನೂ ಅಧಿಕೃತ ಘೋಷಣೆ ಆಗಿಲ್ಲ. 2025ರ ಫೆಬ್ರವರಿ 24ರಂದು 19ನೇ ಹಂತದ ಹಣ ಬಿಡುಗಡೆಗೊಂಡಿದ್ದು, ನಾಲ್ಕು ತಿಂಗಳ ಅವಧಿಯಲ್ಲಿ ಇನ್ನೊಂದು ಹಂತದ ಹಣ ಜಮೆಯಾಗಬೇಕಾಗಿತ್ತು.
ಮಾಹಿತಿಗಳ ಪ್ರಕಾರ ಮೇ ಅಥವಾ ಜೂನ್‌ನಲ್ಲಿ ಈ ಹಣ ರೈತರ ಖಾತೆಗೆ ನೇರವಾಗಿ (Direct Transfer) ಜಮೆಯಾಗುವ ಸಾಧ್ಯತೆ ಇದೆ.
ಈ ಬಾರಿ ಸಹ ಸುಮಾರು 9.8 ಕೋಟಿ ರೈತರು ಈ ಹಂತದ ಹಣ ಪಡೆಯಲಿದ್ದಾರೆ ಎಂದು ಅಂದಾಜಿಸಲಾಗಿದೆ. ಆದರೆ ಯಾರಿಗೂ ವಿಳಂಬ ಆಗದೆ ಹಣ ಸಿಗಬೇಕಾದರೆ ಕೆಲ ಮಹತ್ವದ ಪ್ರಕ್ರಿಯೆಗಳು ಅಗತ್ಯ.
ಎಲ್ಲ ರೈತರೂ ತಮ್ಮ ಈ-ಕೆವೈಸಿ (e-KYC) ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬೇಕು. ಈ ಪ್ರಕ್ರಿಯೆ ಪಿಎಂ ಕಿಸಾನ್ ಪೋರ್ಟಲ್ ಅಥವಾ ಹತ್ತಿರದ ಕಾಮನ್ ಸರ್ವಿಸ್ ಸೆಂಟರ್ (CSC) ಮೂಲಕ ಬಯೋಮೆಟ್ರಿಕ್ ದೃಢೀಕರಣದ ಮೂಲಕ ಮಾಡಬಹುದು.
ಅದೇ ರೀತಿ, ಬ್ಯಾಂಕ್ ಖಾತೆಗೆ ಆಧಾರ್ ಲಿಂಕ್ ಆಗಿರಬೇಕು ಮತ್ತು ಭೂಮಿ ದಾಖಲೆಗಳು ಸರಿಯಾಗಿವೆಯೇ ಎಂಬುದನ್ನು ದೃಢೀಕರಿಸಬೇಕು. ಈ ಮಾಹಿತಿ ಸರಿಯಾಗಿ ಇರದಿದ್ದರೆ, ಪಾವತಿ ತಡವಾಗಬಹುದು ಅಥವಾ ಬ್ಲಾಕ್ ಆಗಬಹುದು (Payment Failure).
ನೀವು ಫಲಾನುಭವಿಗಳ ಪಟ್ಟಿಯಲ್ಲಿ ಇದ್ದೀರಾ ಎಂಬುದನ್ನು ಪರಿಶೀಲಿಸಲು pmkisan.gov.in ವೆಬ್‌ಸೈಟ್‌ಗೆ ಹೋಗಿ, ‘ಫಾರ್ಮರ್ಸ್ ಕಾರ್ನರ್’ ವಿಭಾಗದಲ್ಲಿ “Beneficiary List” ಅಥವಾ “Know Your Status” ಆಯ್ಕೆ ಮಾಡಿ. ರಾಜ್ಯ, ಜಿಲ್ಲೆ, ಉಪ-ಜಿಲ್ಲೆ, ಗ್ರಾಮ ಆಯ್ಕೆ ಮಾಡಿದ ಬಳಿಕ “Get Report” ಕ್ಲಿಕ್ ಮಾಡಿದರೆ ಹೆಸರು ಬರುವುದು.
ಯಾವುದೇ ಅನುಮಾನಗಳಿದ್ದರೆ ಪಿಎಂ ಕಿಸಾನ್ ಸಹಾಯವಾಣಿ 155261 ಅಥವಾ 011-24300606 ಗೆ ಕರೆಮಾಡಬಹುದು, ಅಥವಾ pmkisan-ict@gov.in ಗೆ ಇಮೇಲ್ ಮೂಲಕ ಸಂಪರ್ಕಿಸಬಹುದು. ನಿಮ್ಮ ದಾಖಲೆ ಸರಿಯಾಗಿದ್ದರೆ, ಪಾವತಿ ಸುಗಮವಾಗಿ ಜಮೆಯಾಗುತ್ತದೆ.
PM-KISAN 20th Installment Delay and Checklist
