ಪಿಎಂ ಕಿಸಾನ್ 21ನೇ ಹಂತ, ರೈತರಿಗೆ ಡಬಲ್ ಗುಡ್ ನ್ಯೂಸ್! ಈ ಬಾರಿ 4,000 ಒಟ್ಟಿಗೆ ಜಮಾ
ನವೆಂಬರ್ 19ರಂದು ಪಿಎಂ ಕಿಸಾನ್ 21ನೇ ಹಂತದ ಹಣ ರೈತರಿಗೆ ಜಮಾ ಆಗಲಿದೆ. ಪರಿಶೀಲನೆ ಪೂರ್ಣಗೊಂಡವರಿಗೆ ಮಾತ್ರ ಮೊತ್ತ ಸಿಗಲಿದೆ. ಕೆಲವು ರೈತರಿಗೆ ರೂ.4,000 ಒಂದೇ ಬಾರಿ ಸೇರುವ ಸಾಧ್ಯತೆ.
- PM ಕಿಸಾನ್ 21ನೇ ಹಂತದ ಹಣ 19ರಂದು
- ಅರ್ಹ ರೈತರಿಗೆ ಈ ಬಾರಿ 4,000 ಜಮಾ ಸಾಧ್ಯ
- eKYC, ಆಧಾರ್-ಬ್ಯಾಂಕ್ ಲಿಂಕ್ ತಪ್ಪಿದ್ದರೆ ತಡ
ಪಿಎಂ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯ 21ನೇ ಹಂತದ ಹಣ ಬಿಡುಗಡೆಗೆ ಕೇಂದ್ರ ಸರ್ಕಾರ ದಿನಾಂಕವನ್ನು ಈಗಾಗಲೇ ಘೋಷಿಸಿದೆ. ನವೆಂಬರ್ 19 ಬುಧವಾರ ದೇಶದಾದ್ಯಂತ ಅರ್ಹ ರೈತರ ಖಾತೆಗೆ ಹಣ ಜಮಾ ಆಗಲಿದ್ದು, ಈ ಬಗ್ಗೆ ಕೃಷಿಕರಲ್ಲಿ ಹೆಚ್ಚಿನ ನಿರೀಕ್ಷೆ ಮೂಡಿದೆ.
ಈ ಯೋಜನೆ ವಾರ್ಷಿಕವಾಗಿ ರೈತರಿಗೆ ರೂ.6,000 ನೆರವು ನೀಡುತ್ತಿದ್ದು, ಇದನ್ನು ಮೂರು ಹಂತಗಳಾಗಿ ರೂ.2,000 ಜಮಾ ಮಾಡಲಾಗುತ್ತದೆ. ಆದರೆ ಈ ಬಾರಿ ಪರಿಶೀಲನೆ ಪ್ರಕ್ರಿಯೆಯನ್ನು ಕೇಂದ್ರ ಸರ್ಕಾರ ಕಠಿಣಗೊಳಿಸಿರುವುದರಿಂದ, ಎಲ್ಲ ದಾಖಲೆಗಳು ಸರಿಯಾಗಿರುವುದು ಅತ್ಯಂತ ಮುಖ್ಯವಾಗಿದೆ.
ಈ ಹಿಂದೆ ತಪ್ಪಾಗಿ ಪಟ್ಟಿಯಿಂದ ತೆಗೆಯಲ್ಪಟ್ಟ ಕೆಲ ರೈತರ ಹೆಸರುಗಳನ್ನು ಮರುಪಡೆಯಲಾಗಿದ್ದು, ಅವರಿಗೆ ಹಿಂದಿನ ಹಂತದ ರೂ.2,000 ಜೊತೆಗೆ ಇತ್ತೀಚಿನ ಹಂತದ ರೂ.2,000 ಸೇರಿ ಒಟ್ಟು ರೂ.4,000 ಒಂದೇ ಬಾರಿ ಜಮಾ ಆಗಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಅಗತ್ಯ ದಾಖಲೆಗಳನ್ನು ಮಿಸ್ ಮಾಡಿದವರು ಮರು ಸಲ್ಲಿಕೆ ಮಾಡಿದ ನಂತರ ಹಣ ಪಡೆಯುವ ಅವಕಾಶವಿದೆ.
eKYC, ಆಧಾರ್–ಬ್ಯಾಂಕ್ ಲಿಂಕ್, ಭೂಮಿ ದಾಖಲಾತಿ ಸೇರಿದಂತೆ ಪ್ರಮುಖ ಮಾಹಿತಿಗಳು ಸಂಪೂರ್ಣವಾಗಿರದಿದ್ದರೆ, ಪಾವತಿ ತಡವಾಗುವ ಸಾಧ್ಯತೆಯಿದೆ.
ಕೆಲವರು ಮಾತ್ರ ಅನರ್ಹರಾಗಿ ಪತ್ತೆಯಾದ ಕಾರಣ ಪಟ್ಟಿಯಿಂದ ತೆಗೆದುಹಾಕಲಾಗಿದೆ. ಆದರೆ ಅಸಲಿಗೆ ಅರ್ಹರಾಗಿದ್ದ ರೈತರ ಬಗ್ಗೆ ವರದಿ ಬಂದ ನಂತರ, ಅವರನ್ನು ಮತ್ತೆ ಫಲಾನುಭವಿಗಳ ಪಟ್ಟಿಗೆ ಸೇರಿಸಲಾಗುತ್ತಿದೆ. ಹೀಗಾಗಿ ಪಟ್ಟಿಯಲ್ಲಿ ಹೆಸರು ಇಲ್ಲದವರು ಸಮೀಪದ ಸೇವಾ ಕೇಂದ್ರ ಅಥವಾ ಕೃಷಿ ಕಚೇರಿಯಲ್ಲಿ ವಿವರ ತಿದ್ದಿಸಿಕೊಳ್ಳಬಹುದು.
ನಿಮ್ಮ ಹೆಸರು PM-KISAN ಫಲಾನುಭವಿಗಳ ಪಟ್ಟಿಯಲ್ಲಿ ಇದೆಯೇ ಎಂಬುದನ್ನು ಸರಿಯಾಗಿ ಪರಿಶೀಲಿಸುವುದು ಅಗತ್ಯ. ಪಿಎಂ ಕಿಸಾನ್ ವೆಬ್‌ಸೈಟ್‌ಗೆ ಭೇಟಿ ನೀಡಿದರೆ, ರಾಜ್ಯ, ಜಿಲ್ಲೆ, ಬ್ಲಾಕ್ ಹಾಗೂ ಗ್ರಾಮ ವಿವರಗಳನ್ನು ನಮೂದಿಸಿ ನಿಮ್ಮ ಹೆಸರು ಪಟ್ಟಿ ಹೊಂದಿದೆಯೇ ಎಂದು ತಿಳಿದುಕೊಳ್ಳಬಹುದು.
ಈ ವರ್ಷ ಹಲವಾರು ರೈತರ ದಾಖಲೆಗಳು ತಪ್ಪಾಗಿರುವುದು, ಆಧಾರ್-ಭೂಮಿ ದಾಖಲೆ ಮಿಸ್‌ಮ್ಯಾಚ್, ತಪ್ಪಾದ ಬ್ಯಾಂಕ್ ವಿವರಗಳು, eKYC ಬಾಕಿ ಇರುವುದು ಮೊದಲಾದ ಕಾರಣಗಳಿಂದ ಪಟ್ಟಿಯಿಂದ ತೆಗೆಯಲಾಗಿದೆ. ಸಮಯದಲ್ಲೇ ದಾಖಲೆಗಳನ್ನು ನವೀಕರಿಸಿದರೆ ಸಮಸ್ಯೆ ಬಗೆಹರಿಯುತ್ತದೆ.
ನವೆಂಬರ್ 19ರೊಳಗೆ ರೈತರು ಪ್ರಮುಖ ಕರ್ತವ್ಯಗಳನ್ನು ಪೂರ್ಣಗೊಳಿಸಬೇಕು. eKYC ಮುಗಿಸದಿದ್ದರೆ ತಕ್ಷಣ ಮಾಡಬೇಕು, ಆಧಾರ್-ಬ್ಯಾಂಕ್ ಲಿಂಕ್ ಸರಿಯಾಗಿದೆಯೇ ನೋಡಿಕೊಳ್ಳಬೇಕು. ಹಾಗೆಯೇ ಭೂಮಿ ದಾಖಲೆ ತಿದ್ದುಪಡಿ ಅಗತ್ಯವಿದ್ದರೆ ಅದನ್ನು ಕೂಡಲೇ ಪೂರ್ಣಗೊಳಿಸುವುದು ಹಣ ಸಿಗಲು ನೆರವಾಗುತ್ತದೆ.
PM Kisan 21st Installment Big Update
ನಾಳೆಯ ದಿನ ಭವಿಷ್ಯ 05-11-2026, ಗುರುವಾರ
Read the story
ಕೆಎಸ್‌ಆರ್‌ಟಿಸಿ ಉಚಿತ ಚಾಲನಾ ತರಬೇತಿ! ಡ್ರೈವಿಂಗ್ ಕಲಿಯಲು, ಲೈಸೆನ್ಸ್ ಪಡೆಯಲು ಅವಕಾಶ
Read the story
ಬಸ್ ಟಿಕೆಟ್ ದರ ಏರಿಕೆ ಕುರಿತು ಸಾರಿಗೆ ಸಚಿವ ಬೈರತಿ ಸುರೇಶ್ ಸ್ಪಷ್ಟನೆ; ಹೇಳಿದ್ದೇನು ಗೊತ್ತಾ?
Read the story
ಜಿಯೋ ಗ್ರಾಹಕರಿಗೆ ಸಿಹಿಸುದ್ದಿ: ₹200ಕ್ಕಿಂತ ಕಡಿಮೆ ಬೆಲೆಗೆ 4 ಹೊಸ ರೀಚಾರ್ಜ್ ಪ್ಲಾನ್ ಬಿಡುಗಡೆ
Read the story
