ರೈತರ ಖಾತೆಗಳಿಗೆ ಡೈರೆಕ್ಟ್ 2000 ಹಣ ಜಮಾ! ಕೇಂದ್ರದ ಸರ್ಪ್ರೈಸ್ ಪ್ಲಾನ್
ಕೇಂದ್ರ ಸರ್ಕಾರದಿಂದ ಪಿಎಂ ಕಿಸಾನ್ 22ನೇ ಕಂತಿನ ಹಣ ಬಿಡುಗಡೆಗೆ ಸಿದ್ಧತೆ ಜೋರಾಗಿದ್ದು, ಹೋಳಿ ಹಬ್ಬಕ್ಕೂ ಮುನ್ನವೇ ಅರ್ಹ ರೈತರ ಬ್ಯಾಂಕ್ ಖಾತೆಗಳಿಗೆ ₹2,000 ಜಮೆಯಾಗುವ ಸಾಧ್ಯತೆ ಹೆಚ್ಚಾಗಿದೆ.
- ಪಿಎಂ ಕಿಸಾನ್ ಹಣ ಹೋಳಿಗೆ ಮುನ್ನ ಜಮಾ ಸಾಧ್ಯತೆ
- ಅರ್ಹ ರೈತರಿಗೆ ₹2,000 ನೇರವಾಗಿ ಖಾತೆಗೆ ಜಮಾ
- e-KYC ಪೂರ್ಣಗೊಳಿಸದಿದ್ದರೆ ಕಿಸಾನ್ ಹಣ ಸ್ಥಗಿತ
PM Kisan: ರೈತರು ಹಲವು ದಿನಗಳಿಂದ ಕಾಯುತ್ತಿದ್ದ ಪಿಎಂ ಕಿಸಾನ್ ನೆರವು ಕುರಿತಾಗಿ, ಕೇಂದ್ರ ಸರ್ಕಾರ 22ನೇ ಕಂತಿನ ಹಣ ಬಿಡುಗಡೆಗೆ ಅಂತಿಮ ಹಂತದ ಸಿದ್ಧತೆ ನಡೆಸುತ್ತಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ. ಹೋಳಿ ಹಬ್ಬ ಮಾರ್ಚ್ 3ರಂದು ಬರುತ್ತಿರುವ ಹಿನ್ನೆಲೆ, ಅದಕ್ಕೂ ಮುನ್ನವೇ ರೈತರ ಖಾತೆಗಳಿಗೆ ₹2,000 ಜಮೆಯಾಗುವ ಸಾಧ್ಯತೆ ಇದೆ.
ಪ್ರಧಾನಮಂತ್ರಿ Narendra Modi ಸ್ವತಃ ಬಟನ್ ಒತ್ತುವ ಮೂಲಕ ಹಣ ಬಿಡುಗಡೆ ಮಾಡುವ ಸಂಪ್ರದಾಯ ಮುಂದುವರಿಯಲಿದೆ ಎಂದು ತಿಳಿದುಬಂದಿದೆ. ಅಧಿಕೃತ ಘೋಷಣೆ ಇನ್ನೂ ಬಾಕಿಯಿದ್ದರೂ, ಸರ್ಕಾರದ ವಲಯಗಳಿಂದ ಹೋಳಿಗೆ ಮುನ್ನವೇ ಹಣ ವರ್ಗಾವಣೆ ಸಾಧ್ಯತೆ ಎಂಬ ಸಂದೇಶ ಹರಿದಾಡುತ್ತಿದೆ.
ಪಿಎಂ ಕಿಸಾನ್ ಹಣ ಬರಬೇಕಾದರೆ ಏನು ಮಾಡಬೇಕು?
ಪಿಎಂ ಕಿಸಾನ್ ಯೋಜನೆಯಡಿ ಹಣ ಖಾತೆಗೆ ಬರಲು e-KYC ಕಡ್ಡಾಯವಾಗಿದೆ. ಇನ್ನೂ ಪ್ರಕ್ರಿಯೆ ಪೂರ್ಣಗೊಳಿಸದ ರೈತರು ತಕ್ಷಣ ಕ್ರಮವಹಿಸಬೇಕು. ಇಲ್ಲವಾದರೆ ₹2,000 ಜಮಾ ತಾತ್ಕಾಲಿಕವಾಗಿ ಸ್ಥಗಿತಗೊಳ್ಳಬಹುದು.
e-KYC ಮಾಡಲು ಸಮೀಪದ CSC ಕೇಂದ್ರಕ್ಕೆ ಭೇಟಿ ನೀಡಿ ಆಧಾರ್ ಕಾರ್ಡ್, ಬ್ಯಾಂಕ್ ಪಾಸ್‌ಬುಕ್ ತೆಗೆದುಕೊಂಡು ಹೋಗಬೇಕು. ಅಥವಾ ಅಧಿಕೃತ ಪೋರ್ಟಲ್ ಹಾಗೂ ಮೊಬೈಲ್ ಆಪ್ ಮೂಲಕವೂ ಸ್ವಯಂ ಪ್ರಕ್ರಿಯೆ ಪೂರ್ಣಗೊಳಿಸಬಹುದು. ಕೇಂದ್ರ ಸರ್ಕಾರ ಈ ಬಗ್ಗೆ ಮರುಮರು ಜಾಗೃತಿ ಮೂಡಿಸುತ್ತಿದೆ.
ಹಣ ಬರದಿದ್ದರೆ ಏನು ಮಾಡಬೇಕು?
ಒಮ್ಮೆ ಹಣ ಬಿಡುಗಡೆಗೊಂಡ ಬಳಿಕ ನಿಮ್ಮ ಖಾತೆಗೆ ಜಮಾ ಆಗದಿದ್ದರೆ, ತಕ್ಷಣವೇ ನಿಮ್ಮ ತಾಲ್ಲೂಕು ಕೃಷಿ ಇಲಾಖೆಯ ಅಧಿಕಾರಿಗಳನ್ನು ಸಂಪರ್ಕಿಸಬೇಕು. ಜೊತೆಗೆ ಪಿಎಂ ಕಿಸಾನ್ ಪೋರ್ಟಲ್ ಅಥವಾ ಆಪ್‌ನಲ್ಲಿ ಲಾಗಿನ್ ಮಾಡಿ ಸಮಸ್ಯೆಯ ಕಾರಣ ತಿಳಿದುಕೊಳ್ಳಬಹುದು.
ಸಣ್ಣ ತಾಂತ್ರಿಕ ದೋಷಗಳಿದ್ದರೂ ಅವು ಸರಿಪಡಿಸಿದರೆ ಮುಂದಿನ ಕಂತುಗಳ ಹಣ ನಿರಂತರವಾಗಿ ಸಿಗುತ್ತದೆ. ರೈತರು ದಾಖಲೆಗಳನ್ನು ಸರಿಯಾಗಿ ನವೀಕರಿಸಿಕೊಳ್ಳುವುದು ಅತ್ಯಗತ್ಯ.
