PM Svanidhi: ಬೀದಿ ಬದಿ ವ್ಯಾಪಾರಿಗಳಿಗೆ 30,000 ಹಣ ಸಹಾಯ! ಪಡೆಯುವುದು ಹೇಗೆ? ಇಲ್ಲಿದೆ ಮಾಹಿತಿ
Credit Card: ಬೀದಿ ಬದಿ ವ್ಯಾಪಾರಿಗಳಿಗೆ ಕೇಂದ್ರದ ಪಿಎಂ ಸ್ವಾನಿಧಿ ಕ್ರೆಡಿಟ್ ಕಾರ್ಡ್ ಮೂಲಕ ₹30,000ವರೆಗೆ ಸಾಲ ಮಿತಿ, ಬಡ್ಡಿರಹಿತ ಅವಧಿ, ಡಿಜಿಟಲ್ ಪಾವತಿ ಸೌಲಭ್ಯ ನೀಡಿ ಬ್ಯಾಂಕ್ ವ್ಯವಸ್ಥೆಗೆ ನೇರ ಸಂಪರ್ಕ ಕಲ್ಪಿಸುವ ಮಹತ್ವದ ಯೋಜನೆ
- ಸ್ವಾನಿಧಿ ಕ್ರೆಡಿಟ್ ಕಾರ್ಡ್ ಮೂಲಕ 30,000ವರೆಗೆ ಸಾಲ ಮಿತಿ
- ವ್ಯಾಪಾರಿಗಳಿಗೆ PM ಸ್ವಾನಿಧಿ ಯೋಜನೆಯಿಂದ ಬಡ್ಡಿರಹಿತ ಅವಧಿ
- ಸ್ವಾನಿಧಿ ಕ್ರೆಡಿಟ್ ಕಾರ್ಡ್ RuPay ಮತ್ತು UPI ಪಾವತಿ ಸೌಲಭ್ಯ
Credit Card: ಸಣ್ಣ ವ್ಯಾಪಾರಿಗಳು ಹಾಗೂ ಬೀದಿ ಬದಿ ವ್ಯಾಪಾರಿಗಳು ಹಣಕಾಸಿಗಾಗಿ ಖಾಸಗಿ ಬಡ್ಡಿ ವ್ಯವಹಾರಿಗಳ ಬಳಿ ಹೋಗಬೇಕಾದ ಪರಿಸ್ಥಿತಿಗೆ ಕಡಿವಾಣ ಹಾಕಲು ಕೇಂದ್ರ ಸರ್ಕಾರ ಮಹತ್ವದ ಹೆಜ್ಜೆ ಇಟ್ಟಿದೆ. ಪಿಎಂ ಸ್ವಾನಿಧಿ ಯೋಜನೆಯಡಿ (PM Svanidhi) ಇದೀಗ ವಿಶೇಷ ಕ್ರೆಡಿಟ್ ಕಾರ್ಡ್ ಸೌಲಭ್ಯವನ್ನು ಪರಿಚಯಿಸಲಾಗಿದೆ.
ಕ್ರೆಡಿಟ್ ಕಾರ್ಡ್‌ನ ವಿಶೇಷತೆ
PM ಸ್ವಾನಿಧಿ ಕ್ರೆಡಿಟ್ ಕಾರ್ಡ್ RuPay ಆಧಾರಿತವಾಗಿದ್ದು, ಸಾಮಾನ್ಯ ಕ್ರೆಡಿಟ್ ಕಾರ್ಡ್‌ನಂತೆ ದಿನನಿತ್ಯದ ಖರೀದಿ, ಬಿಲ್ ಪಾವತಿ ಹಾಗೂ ಡಿಜಿಟಲ್ ವ್ಯವಹಾರಗಳಿಗೆ ಬಳಸಬಹುದು. ಆರಂಭದಲ್ಲಿ ₹10,000 ಸಾಲ ಮಿತಿಯೊಂದಿಗೆ ನೀಡಲಾಗುವ ಈ ಕಾರ್ಡ್, ಉತ್ತಮ ವಹಿವಾಟಿನ ಆಧಾರದಲ್ಲಿ ₹30,000ವರೆಗೆ ಹೆಚ್ಚಿಸಲಾಗುತ್ತದೆ.
ಬಡ್ಡಿರಹಿತ ಅವಧಿಯ ಲಾಭ
ಈ ಕಾರ್ಡ್‌ನ ಪ್ರಮುಖ ಆಕರ್ಷಣೆ ಎಂದರೆ 20 ರಿಂದ 50 ದಿನಗಳೊಳಗೆ ಬಳಸಿದ ಮೊತ್ತವನ್ನು ಮರುಪಾವತಿ ಮಾಡಿದರೆ ಯಾವುದೇ ಬಡ್ಡಿ ವಿಧಿಸಲಾಗುವುದಿಲ್ಲ. ಐದು ವರ್ಷಗಳ ಮಾನ್ಯತೆಯಿರುವ ಈ ಕಾರ್ಡ್ UPIಗೆ ಲಿಂಕ್ ಆಗಿದ್ದು, QR ಕೋಡ್ ಸ್ಕ್ಯಾನ್ ಮೂಲಕವೂ ಪಾವತಿ ಸಾಧ್ಯ.
ಯಾರು ಅರ್ಹರು?
ಈ ಸೌಲಭ್ಯ ಈಗಾಗಲೇ PM ಸ್ವಾನಿಧಿ ಯೋಜನೆಯ ಫಲಾನುಭವಿಗಳಿಗೆ ಮಾತ್ರ ಲಭ್ಯ. ಎರಡನೇ ಸಾಲವನ್ನು ಸರಿಯಾಗಿ ತೀರಿಸಿ ಮೂರನೇ ಸಾಲಕ್ಕೆ ಅರ್ಹರಾದವರು ಅಥವಾ ಈಗಾಗಲೇ ಮೂರನೇ ಸಾಲ ಪಡೆದವರು ಅರ್ಜಿ ಸಲ್ಲಿಸಬಹುದು. ಅರ್ಜಿದಾರರ ವಯಸ್ಸು 21 ರಿಂದ 65 ವರ್ಷಗಳ ನಡುವೆ ಇರಬೇಕು ಹಾಗೂ ಯಾವುದೇ ಬ್ಯಾಂಕ್ ಡೀಫಾಲ್ಟರ್ ಆಗಿರಬಾರದು.
ಅರ್ಜಿ ಪ್ರಕ್ರಿಯೆ ಮತ್ತು ದಾಖಲೆಗಳು
ಕ್ರೆಡಿಟ್ ಕಾರ್ಡ್‌ಗಾಗಿ pmsvanidhi.mohua.gov.in ವೆಬ್‌ಸೈಟ್ ಅಥವಾ PMS ಮೊಬೈಲ್ ಆ್ಯಪ್ ಮೂಲಕ ಆನ್‌ಲೈನ್ ಅರ್ಜಿ ಸಲ್ಲಿಸಬಹುದು. ಆಧಾರ್, ಪ್ಯಾನ್, ವೆಂಡಿಂಗ್ ಪ್ರಮಾಣಪತ್ರ ಅಥವಾ ಗುರುತಿನ ಚೀಟಿ, ಬ್ಯಾಂಕ್ ಖಾತೆ ವಿವರಗಳು ಮತ್ತು ವಿಳಾಸ ಪ್ರಮಾಣಪತ್ರ ಅಗತ್ಯವಿರುತ್ತದೆ. eKYC ಪೂರ್ಣಗೊಳಿಸಿದ ಬಳಿಕ ಆಯ್ಕೆ ಮಾಡಿದ ಬ್ಯಾಂಕ್ ಮೂಲಕ ಕಾರ್ಡ್ ವಿತರಿಸಲಾಗುತ್ತದೆ.
