ಗರ್ಭಿಣಿ ಹೆಂಡತಿಯನ್ನು ಕೊಂದ ಗಂಡ! ತಾನೇ ಪೋಲಿಸರಿಗೆ ಕರೆ ಮಾಡಿದ
ಗರ್ಭಿಣಿ ಹೆಂಡತಿಯನ್ನು ಪತಿಯೇ ಬರ್ಬರವಾಗಿ ಕೊಂದುಹಾಕಿದ ಹೃದಯವಿದ್ರಾವಕ ಘಟನೆ ನಡೆದಿದೆ. ಕೊಲೆ ಬಳಿಕ ಮನೆಯಲ್ಲೇ ಇದ್ದು ಪೋಲಿಸರಿಗೆ ಕರೆ ಮಾಡಿದ ಆತನನ್ನು ಪೊಲೀಸರು ಬಂಧಿಸಿದ್ದಾರೆ
- ಗರ್ಭಿಣಿ ಹೆಂಡತಿಯನ್ನು ಪತಿಯೇ ಕೊಲೆ ಮಾಡಿದ ಘಟನೆ
- ಕೊಲೆ ಬಳಿಕ ಮನೆ ಲಾಕ್‌ಮಾಡಿ ಪೋಲಿಸರಿಗೆ ಕರೆ
- ಉತ್ತರ ಪ್ರದೇಶದ ಮೀರತ್ ನಲ್ಲಿ ಹೃದಯವಿದ್ರಾವಕ ಘಟನೆ
ಉತ್ತರ ಪ್ರದೇಶದ ಮೀರತ್ ನಲ್ಲಿ ಶನಿವಾರ ಭೀಕರ ಘಟನೆಯೊಂದು ನಡೆದಿದೆ. ಆರು ತಿಂಗಳ ಗರ್ಭಿಣಿಯಾಗಿದ್ದ ಹೆಂಡತಿಯನ್ನು ಪತಿಯೇ ಕೊಂದು ಹಾಕಿದ್ದಾನೆ.
ನವವಿವಾಹಿತ ದಂಪತಿಗಳಾದ ರವಿಶಂಕರ್ ಹಾಗೂ ಸ್ವಪ್ನ ಜನವರಿಯಲ್ಲಿ ಮದುವೆಯಾದರು. ಆದರೆ ಮದುವೆಯಾದ ಕೆಲವೇ ತಿಂಗಳಲ್ಲಿ ಅವರ ಮಧ್ಯೆ ಕಲಹ ಉಂಟಾಗಿತ್ತು. ಈ ಕಾರಣದಿಂದಾಗಿ ಕಳೆದ ಐದು ತಿಂಗಳಿಂದ ಸ್ವಪ್ನ ತನ್ನ ತಂಗಿಯ ಮನೆಯಲ್ಲಿ ತಂಗಿದ್ದರು.
ಶನಿವಾರ ಬೆಳಗ್ಗೆ ರವಿಶಂಕರ್ ಇದ್ದಾಕ್ಕಿದ್ದಹಾಗೆ ತಂಗಿಯ ಮನೆಗೆ ಬಂದಿದ್ದಾನೆ. “ಸ್ವಪ್ನ ಜೊತೆಗೆ ಮಾತನಾಡಬೇಕು” ಎಂದು ಹೇಳಿ, ಆಕೆಯನ್ನು ಮೊದಲ ಮಹಡಿಯಲ್ಲಿರುವ ಒಂದು ಕೊಠಡಿಗೆ ಕರೆದುಕೊಂಡು ಹೋಗಿ ಬಾಗಿಲು ಲಾಕ್‌ಮಾಡಿದ್ದಾನೆ.
ಹಠಾತ್ ಆಗಿ ಕೈಯಲ್ಲಿದ್ದ ಕತ್ತಿಯಿಂದ ಗರ್ಭಿಣಿಯಾದ ಸ್ವಪ್ನ ಮೇಲೆ ಹಲವಾರು ಪ್ರಹಾರ ಮಾಡಿದ್ದಾನೆ. ಎದೆಯ ಮೇಲೆ, ಗಂಟಲಿನ ಭಾಗಕ್ಕೆ ಪದೇಪದೇ ಚುಚ್ಚಿದ್ದಾನೆ, ರಕ್ತದ ಮಡುವಿನಲ್ಲಿ ಬಿದ್ದು ಹೋಗುವವರೆಗೂ ಕತ್ತಿಯಿಂದ ಹಲ್ಲೆ ಮಾಡುತ್ತಿದ್ದ ಎನ್ನಲಾಗಿದೆ.
ಆಕೆ ಕೂಗಿದರೂ ದ್ವಾರ ಲಾಕ್ ಮಾಡಿರುವುದರಿಂದ ಮನೆಯವರು ಒಳಗೆ ಪ್ರವೇಶಿಸಲು ಆಗಲಿಲ್ಲ. ಕೊನೆಗೆ ಕೊಲೆ ಮಾಡಿದ ನಂತರ ರವಿಶಂಕರ್ ತಾನೇ ಪೋಲಿಸರಿಗೆ ಕರೆ ಮಾಡಿ ‘ನಾನು ನನ್ನ ಹೆಂಡತಿಯನ್ನು ಕೊಂದಿದ್ದೇನೆ’ ಎಂದು ತಿಳಿಸಿದ್ದಾನೆ.
ತಕ್ಷಣ ಸ್ಥಳಕ್ಕಾಗಮಿಸಿದ ಪೊಲೀಸರು ಬಾಗಿಲು ಒಡೆದು ಒಳಗೆ ಪ್ರವೇಶಿಸಿದಾಗ, ರಕ್ತದ ಮಡುವಿನಲ್ಲಿ ಬಿದ್ದಿದ್ದ ಸ್ವಪ್ನ ಶವವನ್ನು ಕಂಡು ಬೆಚ್ಚಿಬಿದ್ದಿದ್ದಾರೆ. ಪಕ್ಕದಲ್ಲಿಯೇ ಕುಳಿತಿದ್ದ ರವಿಶಂಕರ್‌ನ್ನು ಬಂಧಿಸಲಾಯಿತು.
ಪೋಲಿಸರು ಪ್ರಕರಣ ದಾಖಲಿಸಿ ಮುಂದಿನ ತನಿಖೆ ಕೈಗೊಂಡಿದ್ದಾರೆ. ಶವವನ್ನು ಮರಣೋತ್ತರ ಪರೀಕ್ಷೆಗೆ ಸರ್ಕಾರಿ ಆಸ್ಪತ್ರೆಗೆ ಕಳುಹಿಸಲಾಗಿದೆ. ಈ ಕ್ರೂರ ಘಟನೆ ಊರಿನ ಜನರಲ್ಲಿ ಭೀತಿಯ ವಾತಾವರಣ ನಿರ್ಮಿಸಿದೆ.
ನಿತ್ಯದ ಅಪ್‌ಡೇಟ್ಸ್‌ಗಾಗಿ ಯಾವಾಗಲೂ Kannada News Today ತಪ್ಪದೆ ವೀಕ್ಷಿಸಿ.
Pregnant Woman Brutally Killed by Husband in Meerut
