ಮೇ 1 ರಿಂದ ರೈಲ್ವೆ ನಿಯಮಗಳಲ್ಲಿ ಭಾರೀ ಬದಲಾವಣೆ

• ಮೇ 1ರಿಂದ ಭಾರತೀಯ ರೈಲ್ವೆ ಹೊಸ ನಿಯಮಗಳನ್ನು ಜಾರಿಗೊಳಿಸಲಿದೆ
• ಇಂತಹವರು ಸ್ಲೀಪರ್ ಅಥವಾ ಎಸಿ ಕೋಚ್‌ಗಳಲ್ಲಿ ಪ್ರವೇಶಿಸಲು ಅವಕಾಶ ಇರದು
• ನಿಯಮ ಉಲ್ಲಂಘಿಸಿದರೆ ದಂಡ ಅಥವಾ ಕೋಚ್ ಬದಲಾವಣೆ ಸಾಧ್ಯ

Railway Rules Change : ಭಾರತೀಯ ರೈಲ್ವೆ ಮಹತ್ವದ ಬದಲಾವಣೆಗೆ ಸಜ್ಜಾಗಿದೆ. ಮೇ 1ರಿಂದ ಟಿಕೆಟ್‌ಗಳ ಕುರಿತಾದ ಹೊಸ ನಿಯಮಗಳನ್ನು ಜಾರಿಗೊಳಿಸಲಾಗುತ್ತಿದೆ. ಈ ಹೊಸ ನಿಯಮದ ಪ್ರಕಾರ, ನೀವು Confirm ಟಿಕೆಟ್ ಹೊಂದಿರದಿದ್ದರೆ ಸ್ಲೀಪರ್ ಅಥವಾ ಎಸಿ ಕೋಚ್‌ಗಳಲ್ಲಿ ಪ್ರವೇಶಿಸಲು ಅವಕಾಶ ಇರದು. ಟಿಕೆಟ್ ವೇಟಿಂಗ್‌ನಲ್ಲಿದ್ದರೆ ನೀವು ಕೇವಲ ಜನರಲ್ ಕೋಚ್‌ಗಳಲ್ಲಿ ಮಾತ್ರ ಪ್ರಯಾಣಿಸಬಹುದು.

ಈ ಹೊಸ ನಿಯಮದ ಉದ್ದೇಶ, Confirm ಟಿಕೆಟ್ ಹೊಂದಿರುವ ಪ್ರಯಾಣಿಕರಿಗೆ ಯಾವುದೇ ತೊಂದರೆ ಆಗದಂತೆ ನೋಡಿಕೊಳ್ಳುವುದು. North Western Railway ಚೀಫ್ ಪಬ್ಲಿಕ್ ರಿಲೇಶನ್ ಅಧಿಕಾರಿ ಕ್ಯಾಪ್ಟನ್ ಶಶಿಕಿರಣ್ ಅವರು ಈ ಬಗ್ಗೆ ಮಾತನಾಡಿ, ಸ್ಲೀಪರ್ ಅಥವಾ ಎಸಿ ಕೋಚ್‌ಗಳಲ್ಲಿ ಕೇವಲ ಸೂಕ್ತ ಟಿಕೆಟ್ ಹೊಂದಿರುವವರನ್ನೇ ಅನುಮತಿಸುವ ಮೂಲಕ, ಇತರ ಪ್ರಯಾಣಿಕರ ಅನುಭವ ಸುಗಮವಾಗಿರಲಿದೆ ಎಂದು ಹೇಳಿದ್ದಾರೆ.

ಹಿನ್ನೆಲೆ ಏನು ಅಂತ ನೋಡಿದ್ರೆ, ಟಿಕೆಟ್‌ Confirm ಆಗದ ಪ್ರಯಾಣಿಕರು ಸ್ಲೀಪರ್ ಅಥವಾ ಎಸಿ ಕೋಚ್‌ಗಳಲ್ಲಿ ಇಳಿದು, ಇತರರ ಸೀಟುಗಳಲ್ಲಿ ಕುಳಿತುಕೊಳ್ಳುವ ಪ್ರಯತ್ನ ಮಾಡುತ್ತಿದ್ದಾರೆ. ಇದರಿಂದ ಇತರ Confirm ಟಿಕೆಟ್ ಹೊಂದಿರುವ ಪ್ರಯಾಣಿಕರಿಗೆ ತೊಂದರೆ ಉಂಟಾಗುತ್ತಿದೆ. ಇದಲ್ಲದೆ, ಟ್ರೈನಿನ ಸಂಚಾರದ ಮೇಲೂ ಪರಿಣಾಮ ಬೀರುತ್ತಿದೆ.

ಈ ನಿಯಮ ಉಲ್ಲಂಘಿಸಿದರೆ ಪ್ರಯಾಣಿಕರಿಗೆ ದಂಡ ವಿಧಿಸಲಾಗುತ್ತದೆ. ಉದಾಹರಣೆಗೆ, Confirm ಟಿಕೆಟ್ ಇಲ್ಲದ ಸ್ಲೀಪರ್ ಕೋಚ್ ಪ್ರಯಾಣಿಕನಿಗೆ ₹250 ದಂಡ ಹಾಕಬಹುದಾಗಿದೆ. ಜೊತೆಗೆ ಸ್ಲೀಪರ್ ಟಿಕೆಟ್ ಶುಲ್ಕವನ್ನು ಸಹ ವಸೂಲಿಸಲಾಗುತ್ತದೆ. ಎಸಿ ಕೋಚ್‌ಗಳಲ್ಲಿ ವೇಟಿಂಗ್ ಟಿಕೆಟ್‌ನೊಂದಿಗೆ ಪ್ರಯಾಣ ಮಾಡಿದರೆ, ₹440 ಅಥವಾ ಹೆಚ್ಚು ದಂಡ ವಿಧಿಸಲಾಗುತ್ತದೆ. ಅಷ್ಟೇ ಅಲ್ಲ, ಕೆಲವೊಮ್ಮೆ ಮುಂದಿನ ನಿಲ್ದಾಣದಲ್ಲೇ ಅವರು ಟ್ರೈನಿಂದ ಇಳಿಸಬಹುದಾಗಿದೆ.

ರೈಲ್ವೆ ನಿಯಮ ಪ್ರಕಾರ, ಟಿಕೆಟ್ ಇಲ್ಲದೆ ಪ್ರಯಾಣಿಸಿದರೆ ಗರಿಷ್ಠ ₹1000 ದಂಡ ಮತ್ತು 6 ತಿಂಗಳ ಜೈಲು ಶಿಕ್ಷೆ ಸಹ ಸಾಧ್ಯವಿದೆ. ಮೊದಲ ದರ್ಜೆ ಎಸಿ ಕೋಚ್‌ನಲ್ಲಿ ಟಿಕೆಟ್ ಇಲ್ಲದೇ ಪ್ರಯಾಣಿಸಿದರೆ, ಇನ್ನೂ ಹೆಚ್ಚು ದಂಡ ವಿಧಿಸಲಾಗಬಹುದು. ಈ ಎಲ್ಲಾ ಕ್ರಮಗಳ ಉದ್ದೇಶ ಒಂದೇ, ಎಲ್ಲರಿಗೂ ಸುರಕ್ಷಿತ ಮತ್ತು ಆರಾಮದಾಯಕ ಪ್ರಯಾಣ ಅನುಭವ ನೀಡುವುದು.

Rail travel rule changes from May 1

English Summary▼

From May 1, the Indian Railways will enforce stricter rules disallowing passengers with only a waiting ticket from entering Sleeper or AC coaches. This move aims to safeguard the convenience of confirmed ticket holders. Those caught violating these rules could face penalties up to ₹1000 or even jail under specific conditions.

According to officials, waiting ticket holders often board reserved coaches and inconvenience confirmed passengers. By enforcing this rule, Indian Railways intends to ensure smoother operations and a more comfortable journey experience. General coaches remain the only option for those with waiting tickets.